يغرد العصفور قائلا :
وإيه يا كيمو يفرّحني وهمي دابحني
ولو سِكِتّْ حاتفضحني عنيّا الّاتنين
أوطاننا والناس بلا قافية عدمها العافية
الذل وكفاها الكافية وقال إيه صابرين
فيه ناس بتاخد على بوزها وناس منبوذها
قاعد يا عيني في أرابيزها بيحكمها سنين
وفي الفنون ناس بتظيّط وبتتصيّت
وابو المواهب بيعيّط على حظ ضنين
والفنانين الحرّيفة ولا تَعَريفه
والهجّاصين والهتّيفة بياخدوا الملايين
يا دنيا بتغلّي الفالصو عقولنا في خالصه
لا زادوا منك ولا نَقَصوا ولا هُمْ عايزين
يا كيمو دي الأحلام دابت فينا وسابت
بذرة أمل في قلوب عاشت على شوق وحنين
إمتى الزمن يرجع تاني يغني أغاني
للحب والشوق والأحلام وسنين جايين
**
رد: قطرات من مداد قلم الشاعر السمعجي كمال عبد الرحمن
العرض الشجري