بديعة صادق- 22 أغسطس 1923 - 7 يناير 2010

[د أنس البن]

شكرا يا ست بديعه هانم على حماسك وتجاوبك مع الزملاء فى سماعى وعلى روحك الطيبه المعطاءه وهذا يدل على معدنك الطيب الأصيل يا بنت الأصول
بخصوص أعمال الوالد الفنان أحمد على رحمة الله عليه , ياريت ترفعى ماعندك من أعماله هنا وسأقوم بنقلها فى صفحه خاصه به ترفعين فيها بعد ذلك كل ما يخصه من أعمال فنيه سواء كانت ألحان أو موسيقى أو توزيعات أو حتى بروفات أو جلسات خاصه وياريت لو فيه صور مع أم كلثوم أو أى صور أخرى تتكرمى برفعها ولك منا جميعا كل الشكر والتقدير .. وقبل أن أنسى أشكرك جدا على صراحتك فى وصدقك الواضح فى كلامك وما تتفضلين به من إيضاحات وإضاءات حول تلك الحقبه من تاريختا الفنى .. ألف شكر وسلامنا لست الكل الحاجه بديعه هانم صادق

[بديعه أحمد على]

المشاركة الأصلية كتبت بواسطة د أنس البن

شكرا يا ست بديعه هانم على حماسك وتجاوبك مع الزملاء فى سماعى وعلى روحك الطيبه المعطاءه وهذا يدل على معدنك الطيب الأصيل يا بنت الأصول
بخصوص أعمال الوالد الفنان أحمد على رحمة الله عليه , ياريت ترفعى ماعندك من أعماله هنا وسأقوم بنقلها فى صفحه خاصه به ترفعين فيها بعد ذلك كل ما يخصه من أعمال فنيه سواء كانت ألحان أو موسيقى أو توزيعات أو حتى بروفات أو جلسات خاصه وياريت لو فيه صور مع أم كلثوم أو أى صور أخرى تتكرمى برفعها ولك منا جميعا كل الشكر والتقدير .. وقبل أن أنسى أشكرك جدا على صراحتك فى وصدقك الواضح فى كلامك وما تتفضلين به من إيضاحات وإضاءات حول تلك الحقبه من تاريختا الفنى .. ألف شكر وسلامنا لست الكل الحاجه بديعه هانم صادق

أنا اللى باشكرك يا دكتور و الف شكر على تجاوبك على رفع اعمال الوالد ايضا و انا على يقين انها سوف تنال اعجاب الجميع لانها فعلا ترصد تاريخ فنى متشابك مع الكثير من رواد الفن فى مصر و فى الكويت
الصور موجوده مع ام كلثوم و مع فايزه احمد و كتير قوى للوالد و الوالده بس عند اخويا طاهر فى الكويت فى منزلنا هناك هو عايش فيه الان مع زوجته الفاضله و اولاده
و هو كمان اللى فى مكتبه الموسيقى اللى فيها ارشيف الفن كله اللى حقظه الوالد رحمه الله عليه و استلم الرساله من بعده و على فكره طاهر موهوب جدا و بيعزف كمان و جيتار رائع لكن واخدها هوايه و بالفطره هو عازف جميل و حساس جدا لانه فاجأ الوالد مره و هو صغير طلب كمانجه و بسرعه جاب له كمنجه و للدهشه قعد فى الغرفه و قفل عليه الباب و اول ما مسكها لوحده مسكها صح و عزف "ضيعت مستقبل حياتى" و ماما و بابا انبسطو جدا و طلب منه بابا بعلمه الكمنجه و النوته لكن طاهر قال لا انا عايز اعزف بالفطره و فعلا بقى يعزف و يدهشنا جميعا و ادهش ابنى لما جه مصر و عزف جيتار معاه و كل ده بدون دراسه و لكن حب زى ما يكون فى الدم يا سبحان الله
ربنا بديه الصحه و يخليه لينا انا باحب طاهر قوى و هو متعاون جدا و حبوب

اسمحولى ارفع هنا اغنيه يا محلا جمالك يا عروسه غناء بديعه صادق لان التسجيل على الموقع مش واضح و اتمنى يكون التسجيل اوضح حتى يتسنى للجميع الاستمتاع بتلك الرائعه اللى رغم شهرتها لم اسمع احد غناها بصوته

لكم منى و من الوالده الفنانه بديعه صادق كل حب و تقدير و اعزاز
اختكم
بديعه أحمد على
___________________________________________
تنقية الملف ( خفض نسبة الهواء) ، المشاهدات (158)

[بديعه أحمد على]

للامانه احب ان اقول ان اغنيه واحده اثارت الشك لدى و لدى الوالده و لسنا متأكدين انها لبديعه صادق و اغلب الظن انها ليست بديعه صادق و هى اغنيه (لاح فى الكون ضياء) الرجاء من الاخ اللى حمل هذه الاغنيه التأكيد انها لبديعه صادق لانى فعلا حاسه ان الصوت مختلف و الوالده من اول ما بدأ الغناء قالت ده مش انا لكن اكيد عندكم خبراء صوت و ناس تقدر تميز لو كان ده صوت بديعه صادق او لا
مع كل الحب و التقدير
أختكم
بديعه أحمد على

[رائد عبد السلام]

كل الشكر للست بديعة( الصغيرة )
وجزيل العرفان للست بديعة (الكبيرة)
علي هذه التحف النادرة
معظم الشباب في سماعي لم يكونوا يعرفوا من
السيدة : بديعة صادق
غير أغنية : يا محلي جمالك ياعروسة
أكيد الفنان الكبير الجميل: أحمد علي
من كتر الحب ...أطلق اسمها علي بنتها
ياسلام علي الجمال ...في الحياة وفي الفن

[بديعه أحمد على]

المشاركة الأصلية كتبت بواسطة رائد عبد السلام

كل الشكر للست بديعة( الصغيرة )

وجزيل العرفان للست بديعة (الكبيرة)
علي هذه التحف النادرة
معظم الشباب في سماعي لم يكونوا يعرفوا من
السيدة : بديعة صادق
غير أغنية : يا محلي جمالك ياعروسة
أكيد الفنان الكبير الجميل: أحمد علي
من كتر الحب ...أطلق اسمها علي بنتها

ياسلام علي الجمال ...في الحياة وفي الفن

تسلم يا اخى و الله عندك حق بديعه صادق و احمد على دفنو نفسهم فنيا او بعباره اخرى "تجاوزا عن دفنهم فنيا" فى سبيل انهم يربونا و يتفرغو لاولادهم كما ذكرت فى مذكرات بديعه صادق ان أحمد على كان يائس من الخلفه و لكن الله شاء ان يرزق بخمسه مره واحده و هو فعلا من الحب اطلق اسم بديعه على اول بنت "انا" و الوحيده طبعا لكن الوالده سبقته فى كده و اطلقت على اول ولد برضه اسمه أحمد اخويا الكبير ربنا يديه الصحه فأصبح اسمه احمد احمد محمد على و هل فى اجمل من الفن معبرا بصدق عن الحب؟ و ربنا يديم الحب علينا جميعا و الفن و الجمال
أسمى المعانى وا سمى المشاعر
اختك
بديعه أحمد على