ياعوازل فلفلوا

**الألآتى** · #2 17/02/2009, 01h33

سأرد عليك ياأستاذ عادل .. برغم عدم إقتناعى بوجود هذا الموضوع فى قسم ( أسئلة وإستفسارات عن الموسيقى ) .. ياللا .. خليها علينا ..

العواذل موجودين فى كل زمان وكل مكان .. وهم يتخذون أكثر من شكل وأكثر من نوعية ..

ممكن يكون العذول .. واحد كان عاوز يتجوزها .. وإنت وقفت فى طريقه ..

ممكن يكون أحد جدعان الحتة ( أبو شنب يقف عليه الصقر ) مش عاجبه الحال المايل ..

ممكن يكون أبوك هو العذول .. لأنه شايف إنها ماتليقش لك .. لأن أبوها .. بياع بطاطا ..

ممكن يكون واحد صاحبك ( عينه زايغة ) .. البت دخلت دماغه .. وإستخسرها فى جتتك ..

وممكن يكون العذول .. أختها العانس .. إللى مضايقها إن أختها الصغيرة تتجوز .. وهى قاعدة زى العمل الرضى ..

وممكن كمان .. يكون العذول .. واحدة صاحبتها .. لأنك دخلت فى نخاشيشها .. برغم من إنك فقران ومش لاقى تاكل ..

وأحياناً يكون العذول غير مرئى .. أى غير معروف .. يضرب الزمبة من تحت لتحت .. وإنت مش عارف ياعينى الضرب بييجى منين ..

راجع الأغانى .. وإنت تعرف أنواع وأشكال العذول ..