الفرقة الماسية بقلم ابن الماسية الحلقة الثامنة منوعات وخواطر

[عادل صموئيل]

المشاركة الأصلية كتبت بواسطة دعاء المصرى

اشكرك استاذ عادل على هذا المقال الرائع
لقد استمتعت جدا بهذا المقال الثرى
جميلة جدا ثقافتك وذكرياتك
ولقد اثرت انتباهى فى مقالك بخصوص صوت الفنانه سعاد حسنى
وقلت انك احسست انك امام مطربه مذهله
واريد ان اقول لك ان برنامج المسابقات ستار اكاديمى ينبهه طلابه بعدم الغناء لسعاد حسنى بحجه غريبه "وهى انها بتنشز" فما رأيك فى هذا الموضوع ؟؟؟؟؟؟؟؟؟؟

الأخت دعاء المصرى
اولا ارحب بكى فى المنتدى واشكرك على مشاركاتك وتحاورك معنا , لأن كل انتاجنا من أجلكم وآرائكم تمثل بالنسبة لنا نبض اجيال بعدنا
اولا اشكرك على سؤالك الجميل واقول على مسئوليتى الخاصة وبكل خيرتى الفنية من يقوا عن سعاد حسنى انها بتنشز لازم يكشف على ودنه هو الاول , اولا سعاد حسنى ( وكنت اعرفها شخصيا وعزفت معها وعزفت مع اختها نجاة الصغيرة عشرين سنة ) سعاد ونجاة من اسرة موسيقية اولا وكلمة اسرة موسيقية مرموقة يعنى كل واحد منهم بيعرف الموهبة من عدمها وسعاد حسنى كانت بغنى مع ابلة فضيلة زمان فى الراديو قبل ان تصبح ممثلة ولو كانت بتنشز لكانت اسرتها منعتها بحزم من الغناء لأن ده حيكون عار على اخواتها الموسيقيين والمطربة الكبيرة جداً نجاة يعنى لو كانت بتنشز اكيد كانوا قطموا رقبتها ومنعوها من الغناء .
وبعدين تعالى نحسب مكانة سعاد حسنى كممثلة ولعلمك مش ممكن حد يوصل للمكانة دى من غير ماتتوفر فيه كمية خارقة من الذكاء غير كل المواهب التانية , والذكاء ده بيحدد لها تعمل ايه وماتعملش ايه صح؟ يعنى ممكن لو بتغنى وحش تهد كل تاريخها , وبعدين من الناحية الموسيقية امسكى اغنية الدنيا ربيع وشوفى اللى بتغنيه على المقدمة الموسيقية وهاتى واحدة تعرف تقول كده زيها ولا اغنية بانوا بانوا , وبتوع ستار اكاديمى بيقولوا كده عشان مايعقدوش البنات الضعاف موسيقيا لأن ماحدش منهم حايقلد سعاد حسنى وللعلم ستار اكاديمى بيعتمدوا على تقليد مغنيات دلوقتى مش ف الغناء ولكن فى التعرى . مع اطيب تحياتى