تتمنِّى تسعد يوم برضاك
وأنا إللي قلبي مِلْك إيديك
تِنْعِم وتِحْرم زي هواك
الليل عليَّ طال
بين السهر والنوح
وأسمع لوم العُزَّال
أضحك وأنا المجروح
وعُمْري ما أشكي من حُبَّك
مهما غرامك لوَّعني
لكن أغير مِن إللي يحبَّك
ويصون هواك أكتر منَّي
أول عينيَّه ما جَتْ في عينيك
عرفت طريق الشوق بينَّا
وقلبي لما سألته عليك
قاللي دي نار حُبَّك جَنَّه
صدَّقت قلبي في إللي قاله لي
لكن غرامك حيَّرني
وليل بعادك سهَّرني
تجري دموعي وأنت هاجرني
ولا ناسينى ولا فاكرني
وعُمري ما أشكي من حُبَّك
مهما غرامك لوَّعني
لكن أغير من إللي يحبَّك
ويصون هواك أكتر منِّي
أهواك في قربك و في بُعدك
وأشتاق لوصلك وأرضى جفاك
وإن غِبْت أحافظ على عهدك
وأفضل على ودِّي ويَّاك
يورد على خاطري
كل إللي بينا اتقال
ويعيش معاك فكري
مهما غيابك طال
واحشني وإنت قُصاد عيني
وشاغلني وإنت بعيد عني
وعمري ما أشكي من حُبَّك
مهما غرامك لوَّعني
لكن أغير من إللي يحبَّك
ويصون هواك أكتر منِّي
ولما أشوف حَدْ يحبَّك
يحلالي أجيب سيرتك ويَّاه
وأعرف جرى له إيه بحبَّك
وقد إيه صانُه ورعاه
أسأله إن غِبْت عنّه ياحبيبي
يشتاق إليك قلبي أنا
وإن جافيته ياحبيبي
يسهر الليل ويناجيك زيِّي أنا
ألاقي قلبي أنا
حبُّه ماجاه على بال
لاعن هواك له غِنى
ولايوم لغيرك مال
إنت الأمل إللي أحيا بنوره
عُمره مايبعد يوم عن عيني
وإنت الشوق إللي أسمع صوته
لمَّا تغيب عني يناديني
وإنت الحب إللي مافيش غيره
لو يسعدني أو يشقيني
وعمري ما أشكي من حُبَّك
مهما غرامك لوَّعني
لكن أغير من إللي يحبَّك
ويصون هواك أكتر منِّي
رد: الملك الحسن فى دار الأوبرا المصرية
العرض الشجري