من غير ليه

**رايا** · #1 09/02/2009, 19h53

اقتباس:

المشاركة الأصلية كتبت بواسطة غواص النغم

من غير ليه
* جايين الدنيا ما نعرف ليـــــــــــــه
* ولا رايحين فين ولا عايزين ايــــه
تعرفوا
ان هذه الكلمات
اثارت ضجة؟

رغم ان هناك الكثير من غنّى الأغنية واعتبرها له!!
إلا انها بصوت عبدالوهاب
أجمل كثيرا ولم يتفوق احد بصوته الشاب عن صوت عبدالوهاب او لنقل دندنة عبدالوهاب
الوحيدة التي كان عبدالوهاب لا يفكر في غناء الحانه التي اعطاها لها
هي كروان الشرق فايزة احمد
وخاصة بعد ادائها لأغنيته هان الود
لنعد الي من غير ليه
اختيار موفق اخت رايا
وهذه الأغنية كنت صغيرا جدا لما سمعتها واعجبت بها
والجميع ليس لديه حديث وقتها الا اغنية عبدالوهاب
ذكريات جميلة
لكن ماهي ذكرياتك عن الأغنية؟ لماذا اخترتي هذه الاغنية للدعوة اليها؟

تحياتي

اولا
يا استاذ منعم
انا عايزة اشكرك على صورة شادية
المنورة فى توقيعك
وكل سنة وهى طيبة

وعندك حق الاغنية اتهجمت
من علماء الدين علشان اول سطر فيها
والنظرة الفلسفية اللى فيه.وسبق وتهاجم قبل كده
فى اغنية لست ادرى
(جئت لااعلم من اين ولكنى اتيت)

اما ذكرياتى عن الاغنية فهى نفس ذكرياتك لانى كنت
انا كمان صغيرة جدا فتحفظت
(على طريقة التعليم فى الصغركالنقش فى الحجر)

**عادل صموئيل** · #2 09/02/2009, 23h32

الأخت العزيزة رايا
اشكرك على هذا الموضوع الجميل
وأغنية من غير ليه تثير عندى ذكريات وشجون وتاريخ
اولا لأننا مع عبد الحليم كنا قبل حفلة شم النسيم بأكث من خمس شهور بنتكلم عن الأغنية الجديدة وكانت من غير ليه ورحل عبد الحليم قبل أن يغنيها فالأغنية اتركنت شوية وبعد فترة قرر عبد الوهاب ان ينزلها بصوته ودعانى لكى ادونها له نوتة موسيقية وطبعا كنت انا كنت من أوائل من سمعوا هذا اللحن الجميل اصلاً وعملنا عليه بروفات الفرقة الماسية
وتم تسجيل اللحن وبعد فترة دعانى هانى شاكر وعزفته معاه وانا اشكرك جدا للموضوع اللى قدمتيه ده وعايز اقدم لك هدية انتظرى منى اعزف لحن من غير ليه واهديه لكى فى اقرب فرصة مع خالص تحياتى

**غازي الضبع** · #3 10/02/2009, 05h26

الأستاذ عادل صموئيل ..
ممكن حضرتك تتكرم علينا وتحكي لنا أكتر عن طقوس هذه الأغنية ..
والله أنا نفسي من زمان أجري حوار مع حضرتك حول علاقتك بالأستاذ عبد الوهاب
وإن شاء الله قريباً لازم أتشرف بلقاء حضرتك.

***

ونحن في انتظار عم محمد الآلاتي لتحليل هذه الأغنية الرائعة .

**سيادة الرئيس** · #4 10/02/2009, 05h52

طبعا أنا عارف إني بفتح على نفسي طاقة نار و خاصة من حبيبي غازي الضبع

من غير ليه ( و من غير زعل )

أضعف ما وضع الأستاذ عبد الوهاب و النجاح الذي حققه هو ليس إلا خدمة من الإعلام لرجوعه للغناء

و طبعا هذا الرأي لا يقلل من قيمة عبد الوهاب بل يزيده فهذا اللحن ( الضعيف وهابيا ) هو نفسه ممكن أن يكون ( نقلة موسيقية ) لملحن آخر غيره ( ليس له تاريخ و لا قدرات الأستاذ عبد الوهاب )

فأين يذهب هذا اللحن ( الطويل ) إذا ما قارنته بلحن أهون عليك ( القصير )

الأستاذ محمد عبد الوهاب مشكلته أن عمره كان ( بمشيئة الله ) طويل فخلف من بعده مجال لنقد أعماله يختلف كل ( جيل مع الآخر ) أو كل ( مزاج مع الآخر ) في قيمته

لكن يبقى الرأي السليم هو الرأي العلمي في تحليل العمل و طبعا هذا الرأي كثيرا ما ينفر منه العامة من المستمعين

بس

**غازي الضبع** · #5 10/02/2009, 07h06

اقتباس:

المشاركة الأصلية كتبت بواسطة سيادة الرئيس

طبعا أنا عارف إني بفتح على نفسي طاقة نار و خاصة من حبيبي غازي الضبع

من غير ليه ( و من غير زعل )

أضعف ما وضع الأستاذ عبد الوهاب و النجاح الذي حققه هو ليس إلا خدمة من الإعلام لرجوعه للغناء

و طبعا هذا الرأي لا يقلل من قيمة عبد الوهاب بل يزيده فهذا اللحن ( الضعيف وهابيا ) هو نفسه ممكن أن يكون ( نقلة موسيقية ) لملحن آخر غيره ( ليس له تاريخ و لا قدرات الأستاذ عبد الوهاب )

فأين يذهب هذا اللحن ( الطويل ) إذا ما قارنته بلحن أهون عليك ( القصير )

الأستاذ محمد عبد الوهاب مشكلته أن عمره كان ( بمشيئة الله ) طويل فخلف من بعده مجال لنقد أعماله يختلف كل ( جيل مع الآخر ) أو كل ( مزاج مع الآخر ) في قيمته

لكن يبقى الرأي السليم هو الرأي العلمي في تحليل العمل و طبعا هذا الرأي كثيرا ما ينفر منه العامة من المستمعين

بس

معقول .. أنا أزعل من فخامتك يا سيادة الرئيس
وبعدين ..
ده هاييجي إيه جنب اللي قولتهولي في مسرح البالون

فينك يا عمرو يا خربوطلي

....
ده كلام يسعد مش يزعّـل
أن يكون هذا اللحن الجميل هو أقل ما قدمه الأستاذ عبد الوهاب
فهذا شيء عظيم يضيف للأستاذ عبد الوهاب ، ولا ينقص منه
....
وهذه سـُـنة الكون
ومنحنى الحيـاة
كل شيء يبدأ صغيراً ثم يكبر ثم يقل مرة أخرى
ولكن تبقى كلمة واحدة في حق موسيقار الأجيال
أنه أعظم موسيقي ( طرب - موسيقى - ألحان ) جاء في تاريخ العرب
وهذه المقولة .. أقولها على مسئوليتي .. وأتحدى أي مخلوق ينكرها

**فؤاد** · #6 10/02/2009, 07h21

أظاهر عليها
ولِعت

**غازي الضبع** · #7 10/02/2009, 15h46

اقتباس:

المشاركة الأصلية كتبت بواسطة فؤاد عبد الحميد

أظاهر عليها

ولِعت

ولعت إيه بس يا عم ..
والنبي لو عم صلاح قال إيه ؟؟
برضه عمي وحبيبي

**حسن الحسن** · #8 21/02/2009, 08h15

بسم الله الرحمن الرحيم

هذه الاغنيه من اروع ماقدم الفنان الراحل محمد عبدالوهاب
استخدم فيها اكثر من مقام بتداخل متقن
بس احب اضيف انه عبدالوهاب كان بيلحن الاغنيه للفنان عبدالحليم حافظ
وعندي تسجيل بروفه بصوتيهما
سوف انزلها على الموقع قريبا ان شاءالله
وبعد وفاة العندليب قرر عبدالوهاب يغنيها بصوته
ولكم تحياتي

**عادل فؤاد رفاعى** · #9 01/08/2009, 23h38

طبعا انا مش هنسى اغنية من غير ليه لانها اول اغنية عرفتنى بعبد الوهاب وكان عندى 8 سنين لما سمعتها لاول مرة ومن يومها ادمنت عبد الوهاب لغاية دلوقتى

**darshdaarsh** · #10 02/08/2009, 21h36

اقتباس:

المشاركة الأصلية كتبت بواسطة حبيب عبد الوهاب

طبعا انا مش هنسى اغنية من غير ليه لانها اول اغنية عرفتنى بعبد الوهاب وكان عندى 8 سنين لما سمعتها لاول مرة ومن يومها ادمنت عبد الوهاب لغاية دلوقتى

الظاهر أن الأغنية دي لها مفعول السحر وأنا برده الأغنية دي مع أغنية هان الود وكل ده كان ليه خلوني أدمن عبد الوهاب وأدور على باقي أغانيه و أعماله الرائعة