لا تجزعى ( لمياء ) ....

[سمعجى]

المشاركة الأصلية كتبت بواسطة abuzahda

و حياة ميدو يا عمي حسن لو قابلته ، تقوله:

لوْ تِرجَع في مرَّة ، فِدْني :
ليه ، ياعمي كمال ؟
بالغِياب عنك ، شاغلني
ليه شغلت البال ؟

هيَّ مش ملامة ، مني
لكن هوَّ سؤال:
ليه ، بجد ، بعِدت عني؟
يِرضي مين ، دا حال؟

قول يا عمي كمال

يـا عمـي سيــد يا زينـــة مُلتـقـى الشُـعَــــرا
شاعِــر ربــابة ف موالِــد لـَمِّــت الفـُقـَــــرا
و ساعات مزاجَـك بيـلبـِس بدلة توكسيــــدُو
تعزف معاني الكلام ، كونشرتو في الأوبـِرا

***

يا أكروباتي الوِدان ،، غَـزِّل و رَقـَّصّهُـم
و الكلمة لـو بُرتقان ،، تقـدر تفصَّصهًـــم
و حَق هذا الأدان ،، تِفتح بيبان بُوحَــــك
إكتب و لعلع كمان ،، إفرِد ،، و قرفصهُم

***

عَ الأصل دوَّر ، و سَيِّـــــد في المعاني أصيل
لا بينسى ناسو ، و كاسُــو للعطاشـَـى سبيـــل
فاتِـح رحاب كلمتـه عَ النـاس ، و لا بيبْـخَــل
كاس الجميل لو نضح ، طعمه جميل يا جَميل

حلوة ( كاسو ) دي ،، تنفع إسم مَلهى ليلي ف سنغافورة