اقدم لكم برنامج انكور للتدوين احث نسخة كاملة مع الشرح

**emanmusictaymou** · #1 01/02/2009, 19h09

استاذى عادل صموئيل
مجهود رائع وربنا يخليك لينا . وبجد شكرا لكل القائمين على هذا المنتدى الرائع الزاخر بالتراث
الجميل . شكرا

**emanmusictaymou** · #2 01/02/2009, 19h17

أستاذى الفاضل عادل صموئيل
بعد عملت للبرنامج انستول وقف عن نافذة(Installation Progress)
100/100
ومشتغلش اكتر من كدا اعمل ايه؟

**blackguitar** · #3 05/02/2009, 00h28

شكرا استاذ عادل على الرد
هو فعلا كارت الصوت عندى صغير
وانا كنت اسمع ان فى برامج موسيقيه كتير مابتشغلش الا لما يكون كارت الصوت عالى شويه
بس انا اول مره اشوفها
عشان كده انا سألتك فيها
وهاشتغل بيها كده وخلاص لحد مانشوف حل
وشكرا مره ثانيه

**عادل صموئيل** · #4 06/02/2009, 19h30

اقتباس:

المشاركة الأصلية كتبت بواسطة blackguitar

شكرا استاذ عادل على الرد
هو فعلا كارت الصوت عندى صغير
وانا كنت اسمع ان فى برامج موسيقيه كتير مابتشغلش الا لما يكون كارت الصوت عالى شويه
بس انا اول مره اشوفها
عشان كده انا سألتك فيها
وهاشتغل بيها كده وخلاص لحد مانشوف حل
وشكرا مره ثانيه

اخى العزيز
من اهم الوسائل اللى تخليك تتمتع بإستعمال الكمبيوتر بلا مشاكل انك تستمع جيدا للمشاكل اللى حصلت لأصحابك لأن دى بتديك خيرات عند تكرار نفس الشاكل عندك , وخلى قدامك حاجة مهمة ممكن تسأل فنى يكون خبرته قليلة ما يوصلش للحل اولا لأن الخبرة بتختلف وثانياً لأن البرامج بتاعتنا محتاجة فنى من نوع خاص مش متوفر فى اى مكان
يعنى لو عندك مشكلة فى برنامج وورد اوفيس او الفوتو شوب سهل جدا حلها لأن الكل بيستعملوه , لكن لو المشكلة فى برنامج موسيقى من الصعب تلاقى حد بيفهم فيه , وبعدين انا مش عايزك تحس ان كارت الصوت عندك صغير
وقلت لك قبل كده ان كان عندى كارت حلو شوية وحصل له حاجة عطلت البرنامج وشلته وبشتغل دلوقتى على الكارد الموجود فى الماذر بور ( بانتيام فور ) , والكروت الكبيرة الغالية دى محتاجة بعد ما تبقى شاطر اوى فى البرامج الجامدة لازم واحد خبير فى البرامج دى يختار لك نوع كارت الصوت ( والعملية دى بتحتاج خبرة مش من فنى عادى )
والجهاز اللى عليه الكارت الغالى ده لازم يكون جهاز تانى ما بتدخلش بيع على النت يعنى للشغل الموسيقى بس
لأن الكروت غالية جدا وتعرضها للدخول على النت ممكن يجيلها فايروس من غير ماتحس يدمر فيها الجزء اللى بيشغل البرامج دى , يعنى اصحابى اللى بيستعملوا الحاجات دى عندهم جهازين واحد للشغل الموسيقى وبيحترسوا من وضع اى ملفات غريبة عليه ممكن يكون عليها فيروسات وجهاز تانى بيعملوا فيه زى ماهم عايزين
انا آسف للإطالة لكن اتمنى تكون فهمت قصدى كما اتمنى ان يقرأ هذا الموضوع اكبر عدد من الاعضاء الغير خبراء جدا فى الكمبيوتر حتى يستفيد منه اكبر عدد

**عادل صموئيل** · #5 06/02/2009, 19h17

اقتباس:

المشاركة الأصلية كتبت بواسطة emanmusictaymou

أستاذى الفاضل عادل صموئيل
بعد عملت للبرنامج انستول وقف عن نافذة(Installation Progress)
100/100
ومشتغلش اكتر من كدا اعمل ايه؟

اختى وتلميذتى الأستاذة ايمان
انا اولا اريد ان نكرر خطوات التسطيب الاولى
اول ما تفتحى الملف تلاقة خمس ايقونات واحدة منهم فيها نقط زرقاء إضغطى عليها تظهر لك نافذة فيها ok اضغطى عليها تظهر لك نافذة تانية برضه اضغطى على ok بعد كده ابدئى التسطيب من الايقونة الملونة من السهم بعد ما تظهر الكلمة اللى قلتى عليها اقفلى النافذة لأن التسطيب كده تم حا يسألك عايزة تلغة عملية التسطيب قولى او كى
يعنى إقفلى النافذه
بعدين اخرجى خابص للديسك توب من كلمة start اضغطى عليها يطلع لك شريط تلاقى اول كلمة فيه programs اضغطى عليها يطلع لك شريط طويل عليه اسماء كل البرامج على جهازك امشى عليه بهدوء تلاقى كلمة GEOVEX ENCORE وده اسم البرنامج تلاقى جنبها ايقونة رمادية اللون اضغطى عليها بالماوس واسحبيها وحطيها على الديسك توب وكده البرنامج يكون تحت امرك تستعمليه زى ما انتى عايزة
برجاء الرد وطمنينى
العملية بإختصار احنا بنسطب البرنامج وبعدين بنخرج ونحصل عليه من ROGRAMS