طلبات نوتة - الصفحة 21

**عادل صموئيل** · #1 01/04/2010, 15h35

اهلا ياوائل بعودتك مرة اخرى
وعلى فكرة وائل علوى هو وائل بتاعنا اللى دايما بيورطنى فى الاغانى الصعبة بس هو عامل new look
واقدم لك نوتة كان الزمان وكان
هى ليها اسمين كمان اسمها حنا السكران

**عادل صموئيل** · #2 01/04/2010, 20h07

احبائى
اقدم لكم اغنية من العيار التقيل جدا
رائع السنباطى
حيرت قلبى
الاغنية دى كنغمات تعتبر اسهل اغنية للسنباطى
لكن مشكلتها بتحتاج احساس فى الأداء وتاخدوا بالكم من فروق السرعات
لو تلاحظوا ناى دونت الكوبليه الاول والثانى بطريقتين مختلفتين لكن من وجهة نظرى دى اسهل طريقة لتدوين اللحن ده
مع اطيب تحياتى
بالنسبة للوالد حالته زى ماهى

**slimanaa** · #3 02/04/2010, 19h39

[QUOTE=ابوكارم;418161]

اقتباس:

المشاركة الأصلية كتبت بواسطة slimanaa

مشكور كثير استاذ عادل على النوته الدسمه والرائعه بلنسبه لنوتة لحن شروق لقد اهداني اياها الاخ العزيز وسام اكرم من تدوينه .
تحياتي استاذ ويا ريت تدون لنا باقي الاغاني لكوكب الشرق.وربنا يشفق ويشفي الوالد الغالي....
اخى العزيز سليمان slimanaa ارجو ان ترفع لنا نوته شروق لنستفيد منها ان امكن ذلك ,لك منى كل الشكر ابوكارم.

؟؟؟؟؟؟؟

تفضلوا يا اخواني نوتة رائعة الموسيقار هاني مهنا معزوفة شروق تدوين اخي وسام اكرم .المقام هو بيات دوكاه وليس الكورد المي نص بيمول اتمنى ان تنات اعجابكم اخوكم سليمان...

**armendo** · #4 01/04/2010, 23h12

اقتباس:

المشاركة الأصلية كتبت بواسطة samirjenhani

اسمحوا لي بالدخول على الخط معكم، ألا ترون معي ان أغاني أم كلثوم بشكل عام مهما حاولنا كتابة الغناء بالنوطة الموسيقية من الصعب أن يكون امينا مائة بالمائة و مطابقا لاحساس المطربة أم كلثوم عكس المقدمات الموسيقية و موسيقى الكوبليهات فالموضوع مختلف فيها لكن الغناء بما فيه من تصرف و زخارف باحساس المطرب من الصعب ضبطه بالنوطة حتى و ان ضبطناه فهذا يتطلب حسب رأيي مجهودا كبيرا في استعمال زخارف الكتابة الموسيقية ، ليكون مطابقا لما يقوله المطرب، و هذا رأي قابل للنقاش مع تحياتي لكم جميعا.

اخى الكريم الأستاذ سمير اننى اشاطر اخى هيثم فى ردة واؤيدة واضيف ان الهدف الرئيسى والسياسة التى اتبعها الأستاذ عادل فى طريقة تدوين النوتة استخدام ابسط طرق التدوين للنوتة واللحن بدون اية تفصيلات او تصرفات فى اللحن وذلك تسهيلا على العازف الهاوى المبتدئ مما سيعطية نوع من الثقة بالنفس مع ترك المساحة فى التجويد مستقبلا مع تحياتى.......ارمندو

اشكركم اشكركم كلكم
واقدم لكم نوتة حيرت قلبى كورد على الدو زى ماطلبها بعضكم
وربنا يعيننى على طلباتكم عادل صموئيل

**عمرو الهنداوي** · #5 01/04/2010, 23h25

استاذ عادل
البرامج اللى حضرتك طلبتها
اشكرك يا عمرو الف مليون شكر
انا لحد دلوقتى عشان مشغول جربت اول واحد طلع 100%
ولما افضى طبعا حاجرب كل الباقيين
وانا منساش فضلك عليا فى كل البرامج اللى بطلبها منك
وبالذات برنامج transposer ده خدمنى جدا جدا مع انه مش كامل لكن انا بعمل عليه اللحن واشغله واسجله على الجت اوديو عشان انا كل شغلى بستعمل كول ايديت لأنى لما بدون احيانا بحتاج ارجع لجزء من الجملة كذا مرة
اشكرك تانى الف شكر
عادل صموئيل

**عادل صموئيل** · #6 03/04/2010, 14h37

احبائى
اقدم بناء على طلب الاخ سامى امين المتكرر
ياواد يا تقيل

**عادل صموئيل** · #7 04/04/2010, 03h18

وكما قال الاخ وائل هى شعرة ساعة تروح وساعة تيجى
انا شربت تمر هندى واكلت مانجو هندى ولم ينقصنى سوى الفيل
واقدم للأخ العزيز ابو كارم الاغنية التى طلبها من فيلم سانجام

**salhi_haithem** · #8 04/04/2010, 11h38

اقتباس:

المشاركة الأصلية كتبت بواسطة وائل علوي

شكرا حبيب قلبي هيثم وانت انسان جميل وذوقك راقي وتعاملك جدا راقي وانا يسعدني صداقتك
وانا مش ناسي وعدك سوف ترفع لنا نوتة فكروني و انت الحب
اخوك وائل

السلام عليكم ورحمة الله و بركاته
اقدم لكم نوتة انت الحب للسيده ام كلثوم و ارجو ان تنال اعجابكم
مع تحيات اخوكم هيثم

**وائل علوي** · #9 13/04/2010, 13h08

سلام عليكم يا إخواني
اقدم لكم من عزفي المتواضع دائما على العود بقى عايز تنساني
اتمنى ان تنال اعجابكم وارحب بملاحظاتكم
إنت فين يا عم عادل ؟؟؟؟؟غيابك طول اووووي
تحياتي
اخوكم وائل

**وائل علوي** · #10 02/04/2010, 10h01

تفضل يا اخي هذه موعود كاملة من تدوين اخونا واستاذنا الغالي عادل صمويل
وبالنسبة لحاول تفتكرني فهي عندي في كتاب حليم وانا عزفتها كثير وهي كاملة وممتازة لكن للاسف معنديش سكانر
وبالنسبة لمداح القمر فهي ايضا موجودة في الكتاب لكن مش حلوة ومش كاملة يعني بس مقدمة موسيقية زائد موسيقى الكوبليهات فقط
انشالله لو طلبتها من استاذ عادل في صفحة طلبات النوتة مش هيتاخر بس عنده طابور طويل جدا بس لازم تطلبها منهفي تلك الصفحة
تحياتي
وائل