أعمال من تنفيذ الفنان محمد الآلاتي

**صباح2015** · #1 01/01/2009, 22h31

السلام عليكم ورحمة الله وبركاته
أخى العزيز الأستاذ / محمد الآلأتى
أبو حسام .... سماعى
ماشاء الله صوت جميل ورقيق زاد من جمال الأغنية
خسارة هذا الصوت الرائع ...
لازم يطلع للنور حاول وإن شاء الله ربنا يوفقك
ويكرمك بالنجاح
مع وافر تحياتى ،،،،

**محمد حمدان** · #2 01/01/2009, 22h54

بسم الله ماشاء الله تبارك الله

والله والله والله حلوه وحلوه جدا

ما شاء الله يا بو حسام
بس سؤال بينى و بينك
ده صوتك ولا صوت حسام ؟

اللهم لا حسد
احساس عالى
صوت هادى رخيم
اداء قوى ثابت

**الألآتى** · #3 02/01/2009, 07h05

اقتباس:

المشاركة الأصلية كتبت بواسطة محمد حمدان

بسم الله ماشاء الله تبارك الله

والله والله والله حلوه وحلوه جدا

ما شاء الله يا بو حسام
بس سؤال بينى و بينك
ده صوتك ولا صوت حسام ؟

اللهم لا حسد
احساس عالى
صوت هادى رخيم
اداء قوى ثابت

ربنا يخليك ياأستاذ محمد .. أشكرك على الكلمات الجميلة المشجعة ..

فى الحقيقة هذا صوتى بدون أى رتوش أو تغيير .. وليس صوت حسام ..

وأعتقد أن تصورك هذا جاء من طريقة الأداء التى لاتتناسب مع سنى ..

أخى العزيز : إن طريقة غنائى تعتمد فى المقام الأول على الخبرة الطويلة فى عالم الموسيقى .. طريقة الإلقاء .. تنظيم التنفس أثناء الغناء .. أداء العُرب والحليات .. وليس على الصوت الحلو بالتأكيد ..

**رائد عبد السلام** · #4 02/01/2009, 08h00

عظمة ÷ عظمة ÷عظمة = محمد الآلاتي

الله ينور يا أبو حسام
تنفيذك لأي أغنية بيخللي الناس تفتكرها
ويسمعوها من جديد ....بإحساس
وكله كوم و(حد قالك ) دي كوم تاني
بجد يا ابو حسام ...ما شاء الله عليك
أبدعت
يمكن علشان إنت حاسس بيها أوي
إيه ياعم محمد : بتحب جديد ؟؟
ح أقول لحسام و خالد
بس بجد:
تسلم ياعمنا

**محمد حمدان** · #5 02/01/2009, 08h43

اقتباس:

المشاركة الأصلية كتبت بواسطة الألآتى

ربنا يخليك ياأستاذ محمد .. أشكرك على الكلمات الجميلة المشجعة ..

فى الحقيقة هذا صوتى بدون أى رتوش أو تغيير .. وليس صوت حسام ..

وأعتقد أن تصورك هذا جاء من طريقة الأداء التى لاتتناسب مع سنى ..

أخى العزيز : إن طريقة غنائى تعتمد فى المقام الأول على الخبرة الطويلة فى عالم الموسيقى .. طريقة الإلقاء .. تنظيم التنفس أثناء الغناء .. أداء العُرب والحليات .. وليس على الصوت الحلو بالتأكيد

يا استاذى العزيز الفنان الاصيل/ابو حسام

و الله اعلم جيدا انه صوتك الجميل
ولكننى قصدت المداعبه تعبيرا عن حلاوة الصوت و نقاوته ما شاء الله وللعلم اننى لا اعلم سن حسام ابنكم اساسا بارك الله لكم فيه وفى العائله الكريمه كلها
ولا تحرمنا من اعمال اخرى على هذا المستوى
الراقى
وللعلم انك ذكرتنى بصوت عبد اللطيف التلبانى.

اخوك محمد حمدان

**ريما** · #6 02/01/2009, 14h36

للاسف مش عارفه احمل الاغنيه علشان اسمعها

بيقولى انى لم اسجل من 15 يوم فغير مسموح ليا بالتحميل

اظهار انهم مش عارفين انى ريما طب بذمتك يا استاذ محمد حد ميعرفش ريما

بس عمتا متاكده ان الاغنيه بصوتك هتبقى تحفه كالعاده انت عارف انى بحب صوت

حضرتك اللى غير مطرب بالمره

منتظره باه السيرفر بتعكو يتعرف على ريما علشان احمل الاغنيه واسمعها

ويا مسهل 0000كرسى هنا يا بنى وواحد كباتشينو برغوه خلينا ننتظر

**سمعجى** · #7 02/01/2009, 14h43

الله عليك يا بو حسام ،،،

أزيد على قسم أخي محمد حمدان قسماَ ،، فواللهِ أشجيتني و أمتعتني ،،

حَـدّ قال لك إني باحب حـَدّ قال لك ؟!

و لا كتر الشوق في قلبي بان عليـّا ؟! ( دَنا اللي باقول )

حَدّ قال لك إني باحبك ؟!

**غواص النغم** · #8 02/01/2009, 16h19

رائعة يا أبو حسام فعلا
اختياراتك جميلة جدا
وصوتك رائع جدا في كل ماتختاره من اغان
حتى وشك حلو عليا عجبتني جدا بالرغم ان التوزيع كان جديد فيها
ياريت لو تسمح ترفع لنا الموسيقى للأغنية حد قالك
علشان نجرب نتعلم منكم ازاي الغنا ممكن نضع صوتنا عليها برضه
تحياتي

**الألآتى** · #9 02/01/2009, 06h59

اقتباس:

المشاركة الأصلية كتبت بواسطة صباح2015

السلام عليكم ورحمة الله وبركاته
خسارة هذا الصوت الرائع ...
لازم يطلع للنور حاول وإن شاء الله ربنا يوفقك
ويكرمك بالنجاح

وعليكم السلام ورحمة الله وبركاته

ربنا يجبر بخاطرك يامدام صباح .. أشكرك كل الشكر على رأيك فى صوتى ..

ولكن المشكلة أننى لم أفكر يوماً فى إتخاذ الغناء كمهنة .. ولكنها مجرد هواية لا يجب أن تخرج عن حيز الأصدقاء ..

والسبب الذى يجعلنى أشرككم فى سماع هذه الأغانى .. أننى أحب أغنية ما .. فأعمد لتنفيذها ومن ثم غناؤها ..

وأحب أن تشاركونى سماعها بصفتكم من الأصدقاء ..

وأعتقد أن حضرتك رأيتينى رأى العين .. ورأيتى كيف أن شكلى لا يصلح مطرب بأى حال من الأحوال ..

فليس هناك مطرب بكرش ونص راسه من غير شعر .. ومعظم أسنانه ذهبت بلا رجعة ..

فهل هذه مواصفات مطرب ؟

ربنا يجبر بخاطرك مرة ثانية .

**unicorn** · #10 02/01/2009, 16h32

اقتباس:

المشاركة الأصلية كتبت بواسطة الألآتى

وعليكم السلام ورحمة الله وبركاته

ربنا يجبر بخاطرك يامدام صباح .. أشكرك كل الشكر على رأيك فى صوتى ..

ولكن المشكلة أننى لم أفكر يوماً فى إتخاذ الغناء كمهنة .. ولكنها مجرد هواية لا يجب أن تخرج عن حيز الأصدقاء ..

والسبب الذى يجعلنى أشرككم فى سماع هذه الأغانى .. أننى أحب أغنية ما .. فأعمد لتنفيذها ومن ثم غناؤها ..

وأحب أن تشاركونى سماعها بصفتكم من الأصدقاء ..

وأعتقد أن حضرتك رأيتينى رأى العين .. ورأيتى كيف أن شكلى لا يصلح مطرب بأى حال من الأحوال ..

فليس هناك مطرب بكرش ونص راسه من غير شعر .. ومعظم أسنانه ذهبت بلا رجعة ..

فهل هذه مواصفات مطرب ؟

ربنا يجبر بخاطرك مرة ثانية .[/center]

نسيت يا ابو حسام تضيف للصفات دى , القلب الابيض , و حبك لكل الناس , و أخلاقك العالية, و خفة الدم اللى ما حدش يزهق منها ابدا , و الثقافة الموسيقية الموسوعية

كل دة يخلليك عندنا مطرب , و مطرب كبير كمان
الله ينور يا ابو حسام تسلم ايدك على الهدية دى ,
و بالمناسبة انا اول مرة اسمعها