عالـم قـريش ـ السـيرة الشافعـيه ـ أنس البن

[د أنس البن]

أحباب قلبى جميعا
والله ما انا عارف اقول لكم إيه
دا كتير على والله الكلام الكبير ده
الموضوع وما فيه إن ربنا سبحانه وتعالى خلقنى كده
يعنى لاتواضع ولايحزنون , ده سلوكى العادى جدا وده تصورى الطبيعى لحقيقة الأمر , لأن الحكايه إيه علشان أبسط المسئله , أن من يستطيع التواضع أو من يتواضع لابد ان يكون له معاملات مع الكبر والتكبر
وأنا معرفش أتكبر أبدا على أى شئ حتى لو مش آدمى , بمعنى أنى لم أذق للكبر طعما طول عمرى , وده بالنسبه لى شئ لاكلفة فيه أبدا , لأن من يسلك مسلكا ونقيضه لابد أن يتكلف ويجاهد نفسه فى كل مره يتغير فيها من حال لحال, وده شئ أنا بشعر به فى نواحى اخرى من السلوك أحاول أن أجاهد نفسى كى أتحول من حال إلى نقيضه , إنما فى مسئلة ما يسمى بالتواضع الأمر سجيه جبلت عليها ونشأت عليها
ليس معنى ذلك أنه ليست لى عيوب , أبدا , عيوبى أكثر من أحصيها عددا وأجاهد كثيرا للتخلص منها ولازلت ,
ما علينا المهم .. أقبل أياديكم جميعا وعظيم إمتنانى للحبيب الذى لم أره جسدا ومبنى وإن تعايشت معه روحا ومعنى , فصار بالنسبة لى أعز وأغلى من أخ ولدته أمى , الصديق الحبيب الشاعر الأديب سيد ابو زهده
ومحبتى ومودتى للشاعر الأديب المثقف كمال عبد الرحمن وأشكره على كرمه ولطفه بتثبيت السيره الشافعيه
ولكل إخوتى وسادتى أبو مندور ورائد عبد السلام ومحمد حمدان وكل شعب سماعى الجميل المحترم
ولاتنسونا من دعواتكم مددنا فى الدنيا وزادنا فى الآخره
فإن ألسنة الخلق أقلام الحق.........................