تحليلات سيادة الرئيس ـ أبو على

**سيادة الرئيس** · #1 24/12/2008, 10h41

عارف يا طويل العمر يعني إيه سحابة صيف ؟
غمامة فايته ف السما زي الشهاب و الطيف
و كل واحد في الحياه . عابر سبيل . أو ضيف
و العمر واحد . . لو كان ع السرير أو بحد السيف

**سيادة الرئيس** · #2 24/12/2008, 10h43

يا قلم ياللي بتبني إسم و بتزلزل عروش
بلاش تشك الرسم لأنهم ما بيتوجعوش
و بلاش تكلم سكان القبور و التوابيت و النعوش
لأنهم . . . . . . . ما بيسمعوش

**سيادة الرئيس** · #3 24/12/2008, 10h45

من تراب الأرض يا ابن أدم . و من صلصال . و من نطفه
ناموس بيحكمك . . ما فيش حاجه اسمها صدفه
و زي المركب ما بتقمشي من غير المجداف و الدفه
ما فيش سلام يتحقق من غير الحب و الألفه