سؤالي بخصوص الكمان الصيني

**عاشق التعلم** · #1 12/10/2008, 21h39

اخي عادل لاتعلم كم ردك اسعدني جدا واثلج صدري لاني فعلا محتار في هذه الموضوع فالبعض قال لي بما انك مبتدا لاتحتاج الى كمنجه نوعيه جيده بل اشتري اي كمنجه لكي تتعلم عليها لانك مبتدا ولا تستطيع ان تعرف الفرق بين الكمنجه اقل درجه والكمنجه جيدة الصنع وهذه ماجعلني في حيرة من امري حيث تضاربت الاقوال بهذه الخصوص.(ماقولك بهذه الكلام اخي عادل).

وانا ادرس عند استاذ موسيقى الة الكمان وفعلا قال لي حاول اذا استطعت ان تشتري كمان صوته حلو بس صراحه انا خفت اشتري كمان جديد ويطلع كلامهم صح وهل اخي الكريم هناك فرق واضح حتى على الدارس او المبتدى بين الكمان الصيني والنوع الجيد من الكمنجات.

والف شكرا على ردك السريع وارجو ان لاكون اتعبتك معي بكثرة اسئلتي.

**Nanisham** · #2 12/12/2008, 12h44

يا أستاذ عادل، أنا كمان مصرية قاهرية وكنت عايزة اشتري كمان أتعلم عليه، بس لما قريت ردك خفت يضحكوا عليا فهل ممكن تساعدني في شرائه والعزف عليه أيضًا؟؟؟؟ يعني لو حضرتك فاضي شوية كنت أحب آخذ حصص عندك

شكرًا لردك...

**عادل صموئيل** · #3 12/12/2008, 16h58

اقتباس:

المشاركة الأصلية كتبت بواسطة عاشق التعلم

اخي عادل لاتعلم كم ردك اسعدني جدا واثلج صدري لاني فعلا محتار في هذه الموضوع فالبعض قال لي بما انك مبتدا لاتحتاج الى كمنجه نوعيه جيده بل اشتري اي كمنجه لكي تتعلم عليها لانك مبتدا ولا تستطيع ان تعرف الفرق بين الكمنجه اقل درجه والكمنجه جيدة الصنع وهذه ماجعلني في حيرة من امري حيث تضاربت الاقوال بهذه الخصوص.(ماقولك بهذه الكلام اخي عادل).

وانا ادرس عند استاذ موسيقى الة الكمان وفعلا قال لي حاول اذا استطعت ان تشتري كمان صوته حلو بس صراحه انا خفت اشتري كمان جديد ويطلع كلامهم صح وهل اخي الكريم هناك فرق واضح حتى على الدارس او المبتدى بين الكمان الصيني والنوع الجيد من الكمنجات.

والف شكرا على ردك السريع وارجو ان لاكون اتعبتك معي بكثرة اسئلتي.

اشكرك ياعزيزى على إهتمامك بالموضوع
اولا انا سعيد لأن عندك استاذ بيعلمك وبلغه تحياتى واكبر خدمة ممكن ي}ديها لك انه هو يختار لك كمنجة معقولة لأنك فى المبدا لن تستطيع اختيار الكمنجة المناسبة ولأن الأستاذ له نظرة فى الكمنجة واهم شىء احب اقوله لك
ان ربنا وفقنى من 40 سنة لكمنجة جميلة وهى اللى يرجع لها الفضل انى اصبحت شىء ما فى الكمنجة لأن الكمنجة اللى صوتها حلو وناعمة فى العزف بتعزف عليها طول النهار ماتزهقش منها لكن الكمنجة لما يكون صوتها مش حلو ومخنوق وخشنة فى العزف بتسد نفس المبتدىء من التمرين عليها وانت محتاج كمنجة تحب تتدرب عليها اطول وقت ممكن وزى ما قلت لك الاستاذ لو اختار لك كمنجة فى حدود المبلغ اللى انت ممكن ترصده للمشروع انا متاكد انها تكون احلى كتير وتابع معايا اخبارك

**وتر مطلق** · #4 17/12/2008, 09h07

مشكور با استاذ عادل على تلك النصائح الغاليه، بس منين نشتري الكمجنه الألمانيه اللي في حدود 1400 دي؟

**عادل صموئيل** · #5 17/12/2008, 20h42

اقتباس:

المشاركة الأصلية كتبت بواسطة وتر مطلق

مشكور با استاذ عادل على تلك النصائح الغاليه، بس منين نشتري الكمجنه الألمانيه اللي في حدود 1400 دي؟

اشكرك ياعزيزى على السؤال
انا مش محدد انها المانى لأنها ممكن تشيكى ولكن اوربية يعنى افضل من الصينية كتير , ممكن تسأل عليها فى محلات الموسيقى فى شارع محمد على او انهم ممكن يقولوا لك موجودة عند مين من المحلات بس المشكلة الخطيرة اللى فى مصر ان معظم المحلات غيرت نشاطها

**ufos99** · #6 04/07/2010, 00h44

استاذ عادل صموئيل ... انا معجب بحضرتك جدا و بقالى فترة بحاول اتعلم العب كمنجة بس جبت واحدة صينى و بصراحة صوتها وحش و مش مخلينى اتدرب عليها او اتقدم فى التعليم ف قلت اجيب واحدة المانى بس مش عارف ازاى اعرف انها المانى او قديمة و انها تستاهل ثمنها خصوصا انى مقدرش افرق بين الكمنجة الحلوة والاحلى يا ريت يا استاذ عادل تقولى اعمل ايه و تساعدنى
الأخ العزيز
اهلا بك فى المنتدى
بالنسبة لسؤالك اولا لازم تتوافر عدة شروط يعنى الكمان مش ممكن وما ينفعش تتعلمه بدون مدرس خصوصى يعلمك الكمان , اما بالنسبة للكمنجة اللى اشتريتها انا عندى نظرية انك الاول لازم تتعلم على كمنجة تعبانة بعدين لما توصل مستوى حلو ممكن ساعتها تشوف كمنجة احلى , بمعنى انك االنهارده لو مسكت كمنجة بمليون جنيه مش حاتحس بقيمتها وانا بشبه العملية دى بقيادة السيارات , يعنى الاول الواحد لازم يتعلم القيادة بعدين يجيب عربية قديمة يخبط فيها وتخبط فيه لحد ما يتفهم العربيات كويس ساعتها لو جاب عربية على الزيرو حايحس بنكهتها وقيمتها لكن لو ركب العربية اللى على الزيرو على طول حا يكسرها ومش حايحس بيها , كمان الخبير فى العربيات لما ييجى يختار عربية من 3 عربيات بيختار اللى تعجبه بناء على مواصفات هو عايزها لكن الجديد مش حايفرق بين ال 3 عربيات , انا انصحك اتعلم كمنجة الاول على كمنجتك الغللبانة بعدين نتكلم , واخطر ما فى الموضوع ان الكمنجات القيمة مش متوفرة فى السوق , يعنى انا مثلا لو عايز اشترى واحدة حلوة مش حانزل المحل كذا واشتريها ولكن تحتاج ابحاث واتصالات وده بيخلى الكمنجة الحلوة مالهاش سعر محدد يعنى تخضع للعرض والطلب , يعنى لو لقيتها اللى بيبعها بيطلب سعر وانت يا تعجبك يا ماتعجبكش , وده طبعا بيتحدد من ايه ؟ انكم تكون بتعرف تعزف كويس عشان تحس بالكمنجة ولو عجبتك مش مهم الفلوس مع اطيب تحياتى عادل صموئيل

**zakigeorge** · #7 01/01/2012, 20h12

عزيزي الأستاذ عادل صموئيل ارغب في الاتصال بك او مراسلتك عبر ايميلك او هاتف.
لأني أدرس البيانو حاليا ولكن لدي رغبة في تعلم آلة الكمان. ارجو الرد وشكرا

**mohamed_khalifa** · #8 12/01/2016, 16h39

استاذ عادل

بالنسبة للكمان صوته كويس مثل الكمان الماني بيداء من سعر كام علشان عاوز اشتري كمان الماني فى حدود 2000 او 2500 لكن متخوف من اروح فعلا لمحلات الموسيقى علشان اشتري واحدة وانت عارف اليومين دول مسالة التلاعب فى الكمنجات بوضع استكر كمان مثلا الماني داخل كمان صيني او اي كمان اخر وبيعه على انه الماني وانا كمان كنت اعرف فرقة بتمرن معاها لكن نسيتهم وايضا هم نسيوني لاني تركتهم من سنين من سنة 2004 وما اعرف احد الان يقدر يروح معاكي لشراء كمان الماني بصوت جميل وسلسلة فى العزف فارجو منك النصيحة او ايضا اين تباع هذه الكمان الماني ويكون محل ثقة او اقابل حضرتك لشرائها