كلمات الأغاني المغربية

**جابر الحسيني** · #13 06/10/2008, 12h03

كلمات " لعروسة " أشهر أغاني الفنان محمد المزكلدي

لعروسة لعروسة ... لعروسة زينة

لعروسة لعروسة ... حلوة و فنينة *

و عريسها شاب ظريف

و فشكلو باين لطيف

هو يبغيها

هي تبغيه

من قلبو يحن عليها

من قلبها تحن عليه

لعروسة زينة ... لعروسة زينة

لحباب و لصحاب دايرين بيها

تيهنيو تيحييو

تيهنيو و يحييو

و يباركو و يزيدو و يغنو و يعيدو

و النجاف صايحين

"السلام على رسول الله لا جاه إلا جاه سيدنا محمد الله معاه الجاه العالي"
يويويويويويويويويوووووي
( تغريتة زعما )

لعروسة مرهونة ... ها هي مرهونة

فبيت باها مرهونة ... ها هي مرهونة

فبيت جداها مرهونة ... ها هي مرهونة

ها لعروسة مرهونة ... ها هي مرهونة

فبيت باها مرهونة ... ها هي مرهونة

فبيت ختها مرهونة ... ها هي مرهونة

لعريسها مرهونة ... ها هي مرهونة

فبيت لعريس مرهونة ... ها هي مرهونة

ها لحجوب عليك يا زين لعرايس

ها الزين الفتان ... ها هو

ها غصين البان ... ها هو

ها الهمة و الشان ... ها هو

ها غزال الغزلان ... ها هو

ها لحجوب عليك يا زين لعرايس

ها الزين المسرار ... ها هو

ها منور الدار ... ها هو

ها الحشمة و الزين ... ها هو

ها كحل العينين ... ها هو

ها لحجوب عليك يا زين لعراس ... يا زين لعرايس

* كان كايصحاب ليا شحال هادي كيقول لعروسة حلوة و بنينة ( ميام ميااام

)