الكبار وألاعيبهم الصغيرة!

[صوت الموسيقى]

المشاركة الأصلية كتبت بواسطة رائد المصري

أختي العزيزة ...فراشة المنتدي لولي

يقول ابن حزم في كتابه المشهور :
(طوق الحمامة في الألفة والألّاف)
(إن الحب يصنع المعجزات ..فكم من بخيل ...تكرّم
..وكم من جبان تشجّع .)
ثم يروي قصة ولهه بجارية أندلسية ووصف مشاعره بطريقة مبدعة -علما بأن كتابه كان في العصر الأندلسي .
ورغم تقواه وورعه إلا أن الحب له سلطان علي ذوي النفوس الحسّاسة الشاعرة فقال بأن هذه الجارية قد وقعت في قلبه حتي كان لا يأنس إلا بها ولا يرتاح إلا بمرآها.
مازلت عند رأيي بأن المحبوب له سلطان علي المحبّ بل
يجد المحبّ لذّة في مداعبات محبوبه.. ويقبل منه ما لايقبله من غيره ..
إن سر عدم الارتياح الذي كان بين السيدة أم كلثوم والسيدة جيهان السادات كان نابعا من جرأة أم كلثوم علي مداعبة الرئيس السادات ..بل ..من قبوله لهذه المداعبات وعدم غضبه منها ...وقد كتب الصحفي الكبير محمد وجدي قنديل : أن السيدة ام كلثوم كانت في ضيافة الرئيس في استراحة القناطر الخيرية وكانت تجلس في الحديقة مع السيدة جيهان وإحدي الصديقات ..وخرج إليهم الرئيس يرتدي بذلة غاية في الأناقة كعادته وهي جاكت أسود اللون وبنطلونا أبيض..فضحكت ثومة وقالت له : إنت عارف ياأبو الأنوار إنت عامل زي الشجر اللي علي النيل لما بيدهنوه جير من تحت ....!!
وأغرق الرئيس في الضحك ..بينما قامت السيدة جيهان غاضبة ..وقالت للصديقة المشتركة بلغي أم كلثوم أنه يوجد حدود للكلام مع الرئيس..ثم بدأت تطلق علي نفسها :سيدة مصر الأولي..فقد كان معروفا أن كلمة (السيدة) في مصر ..تعني فقط : أم كلثوم
أخيرا: أتذكر ونحن أطفال أننا كنا نهدي أمهاتنا في عيد الأم تخيلي ...ماذا ؟
كانت الهدية كروت بوستال ملونة تحمل صورة أم كلثوم وهي جالسة بين الأزهار!!
عذرا علي الإطالة..
- تري أين اختفي منعم وصوت الموسيقي؟؟

تحياتي.......

أ.رائد

كل اللى حضرتك بتقوله ده كلام عظيم جدا....لكن اسمحلى...انا مقدرش ولا لسانى يطاوعنى اقول للبواب انه عامل زى الشجر المدهون اللى على النيل ...فما بالك برئيس الجمهورية؟؟؟لأ وابو الأنوار دى كمان....ده لو مش رئيس الجمهورية لو سمكرى حتى مفيش ست محترمة فى الدنيا تقبل جوزها يتقاله يابو الأنوار من ست تانية...وقدام الناس...وقدامها هى شخصيا...

اسمحلى حضرتك كده اقنعتنى اكتر برأيى انه فيه فرق رهيييييييييييييييييييييييييب بين الدعابة بعشم او بتلقائية وبين الاستظراف السمج الذى قد يدخل تحت بند-أسف فى اللفظ-:قلة الأدب

[د.حسن]

المشاركة الأصلية كتبت بواسطة صوت الموسيقى

أ.رائد

اسمحلى حضرتك كده اقنعتنى اكتر برأيى انه فيه فرق رهيييييييييييييييييييييييييب بين الدعابة بعشم او بتلقائية وبين الاستظراف السمج الذى قد يدخل تحت بند-أسف فى اللفظ-: قلة الأدب

لا حول ولا قوة إلا بالله العلى القدير
خلاص يااهل الخير
إنتهى جدالكم وحواركم بأن سيدة الغناء العربى
قليلة الأدب ومكتوبة باللون الأحمر
وفين ؟ فى منتدى للطرب العربى الأصيل !!!
موش ح اقول غير كلمة واحدة وافهموها زى ماتفهموها :
ياخسارة
مع تحياتى .. باللون الأسود

[صوت الموسيقى]

المشاركة الأصلية كتبت بواسطة د.حسن

لا حول ولا قوة إلا بالله العلى القدير

خلاص يااهل الخير
إنتهى جدالكم وحواركم بأن سيدة الغناء العربى
قليلة الأدب ومكتوبة باللون الأحمر
وفين ؟ فى منتدى للطرب العربى الأصيل !!!
موش ح اقول غير كلمة واحدة وافهموها زى ماتفهموها :
ياخسارة

مع تحياتى .. باللون الأسود

استاذى الفاضل د.حسن ...

مفيش خلاف على ان ام كلثوم فنانة عظيمة و نموذج رائع لقصة كفاح من تحت تحت الصفر...لكن احنا هنا بنتكلم على سلوك شخصى....على معاملة الناس مع بعض.... مشكلتنا فى الشرق عموما اننا بنتعامل مع رموزنا على انهم ملائكة لا يخطئون ابدا او انصاف الهة...و اى خروج عن النص فى الموضوع ده يعتبر من المحرمات وده مش صح...يعنى حضرتك مثلا لو شفت فيلم تشارلى اللى بيحكى قصة حياة تشارلى شابلن...او فيلم بيكاسو المبدع والمحطم للعبقرى انتونى هوبكنز.... كل السقطات بما فيها السقطات الاخلاقية الوضيعة موجودة ومتعالجة دراميا بدون اى خجل او حساسيات...ليه؟؟؟ عشان هم عارفين ان زلات الناس دى لا تنقص ابدا من مكانتهم زى ما عبقريتهم كمان عمرها ما تعنى ان ملهمش عيوب و اخطاء قد تكون قاتلة ولا تغتفر...لكن زى ما قال الاستاذ رائد المحب بيبلع الزلط لحبيبه بس المهم انه يبقى حاسس ان اساسا فيه زلط...

عموما انا بعتذر لو كان التعبير اللى استخدمته صادم شويه او ما يصحش.... لكن انا متمسك برأيى ان الكمال لله وحده و ان احنا عشان نطلع رموز جداد يملوا الفراغ اللى سابوه القدام لازم نبص على اخطائهم (او الاعيبهم الصغيرة زى ما سمتها الاخت لولى) زى ما بنبص على انجازاتهم عشان نتعلم منهم صح...

و فى النهاية اسأل حضرتك سؤال صغير: لو حد -عفوا يا دكتور سامحنى- قال لحضرتك التعليق اللى قالته ثومة للسادات...هتعمل فيه ايه؟؟؟؟


مع تحياتى....بلون الفل والياسمين

[د.حسن]

المشاركة الأصلية كتبت بواسطة صوت الموسيقى

استاذى الفاضل د.حسن ...

و فى النهاية اسأل حضرتك سؤال صغير: لو حد -عفوا يا دكتور سامحنى- قال لحضرتك التعليق اللى قالته ثومة للسادات...هتعمل فيه ايه؟؟؟؟


مع تحياتى....بلون الفل والياسمين

بص يا أ. نور
أنا من البداية متابع الموضوع وفيه أخطاء تاريخية وكلام منسوب لوجدى الحكيم أشك إنه يكون قاله لإنه الحفلة الشهيرة لعيد الثورة إياه موجودة بالأيكة والكلام اللى قاله عبدالحليم ع الهوا يومها موجود فى موضوع نوادره وكلنا فاكرين الحفلة وغنت إيه وعبدالحليم غنى إيه وسأرفع صفحات من كتاب مجدى العمروسى أرجو قراءتها
ماعلينا .. نيجى لتأليه الرموز - أستغفر الله العظيم - حد قال كده ؟
بس موش لازم كل رمز من رموزنا نطلع فيه موش عارف إيه
أما السقطات الأخلاقية الوضيعة لتشارلى شابلن وبيكاسو .. بنص كلام حضرتك
فهل تعتبر ياابوالآنوار سقطة أخلاقية وضيعة ؟؟!!تستحق أن توصف بقلة الأدب مع كل ماقدمته لمصر بعد النكسة !!
أما بالنسبة لسؤالك .. فلا رد عليه سوى أنه حسب شخصيتك وأسلوبك مع الآخرين يتم الحوار .. بمعنى
لو أخدنا على بعض وقلت لك يانور من غير أستاذ وانت انبسطت وقهقهت ح تشجعنى أقول لك ياابوالآنوار ..
لكن لو من الأول وضعت حد لا أقربه أو أتعديه لن أصل إلى أبوالأنوار
يبقى الغلط عند مين ؟ عندى واللا عندك ياابوالأنوار ؟
عايزين نحكم بالعدل .. طب ليه ماقالتش لجمال ياابوالأجمال واللا لعامر ياعمّورة
موضوع م الأول ماكنتش عاوز أخش فيه لأنى لا أملك موهبة نقل مابداخلى إلى الكيبورد فأخاف أنه يطلع بمفهوم غير اللى أقصده .. وياما حصل ..
آسف جداً للإطالة .. الصيام .. قصدى الكلام أخدنى
مع تحياتى بكل ألوان الطيف

[رائد عبد السلام]

الأخ الكبير د: حسن
مادام تحية حضرتك وصلت بألوان الطيف يبقي خلاص ...
حليب ياقشطة
كل ده من لولي اللي فتحت الموضوع ..
وزمانها بتعمل صينية جلاش ...
ولا علي بالها

[د.حسن]

المشاركة الأصلية كتبت بواسطة رائد المصري

الأخ الكبير د: حسن

مادام تحية حضرتك وصلت بألوان الطيف يبقي خلاص ...
حليب ياقشطة
كل ده من لولي اللي فتحت الموضوع ..
وزمانها بتعمل صينية جلاش ...

ولا علي بالها

أخى الغالى أ. رائد المصرى
لو تلاحظ حضرتك من يوم أنا مااشتركت فى سماعى وتحيتى بلون من ألوان الطيف
وكان لابد من التعليق على أخى أ. نور وهو يعلم مقداره وغلاوته عندى
أما إبنتى الغالية لولى .. زمانها بتعمل صينية بطاطس باللحمة المفرومة ..
وتحدى .. على رأى حسن حسنى فى إعلان روابى !! صح يالولى ؟
مع تحياتى وكل سنة وانتم طيبين

[صوت الموسيقى]

المشاركة الأصلية كتبت بواسطة د.حسن

أخى الغالى أ. رائد المصرى

لو تلاحظ حضرتك من يوم أنا مااشتركت فى سماعى وتحيتى بلون من ألوان الطيف
وكان لابد من التعليق على أخى أ. نور وهو يعلم مقداره وغلاوته عندى
أما إبنتى الغالية لولى .. زمانها بتعمل صينية بطاطس باللحمة المفرومة ..
وتحدى .. على رأى حسن حسنى فى إعلان روابى !! صح يالولى ؟

مع تحياتى وكل سنة وانتم طيبين

استاذى الجليل د.حسن....
و الله العظيم القلوب عند بعضها..... و موضوع الكلام غير المؤكد اللى بينسب لوجدى الحكيم ده انا اوافق حضرتك فيه تماما و ازود عليه كمان مفيد فوزى....اما لولى فلازم تعتذرلنا عن الزعل اللى كانت هتتسبب فيه بصينية كنافة معتبرة

ملحوظة:شرف كبير ليا ان حضرتك تقوللى يا ابو الانوار