تجربة غنائية ـ بقى عايز تنساني

[محمودسعد]

الصوت جميل يارنا وهذا مايهم
والاغنيه طبعا صعبه وانت فعلا بتعنيها بطريقه الست سعاد محمد كما احسست وكما قال الاساتذه وطبعا سعاد محمد عملاقه وواضح طبعا انك بتردي بدال المزيكه في اللزم وهذا مايؤثر في النفس اولا لان رد المزيكه بيخلي اي مغني ياخد نفسه ولو المغني قال المزيكه مش هايقدر يضبط نفسه وهذا طبيعي
وماتفضل وقاله استاذي العزيز المحترم جدا والمفيد لنا جميعا بحكم تجربته وعمله مع العمالقه الاستاذ عادل
انا اخالفه الراي في مساله التنفس للمغني بحكم اني مغني
وردي هو ان النفس لابد وان تكون بدايته نفخ البطن بالهواء وخروجه منتظم من خلال الصدر وتبقي البطن عامله زي البالونه المنتفخه بالهواء ويخرج من خلال الصدر وانا ماكنتش اعرف كده وكان صوتي بيتعب لما الهواء يبقي في صدري ولكن نصيحه طبيب الانف والاذن والحنجره هو من نصحني بهذا من حوالي 15 سنه ومن يومها الصوت مرتاح والنفس بانتظام اثناء الغناء والاكثر من كده ان دي هي طريقه المشايخ المقراين يبدا النفس من البطن ولذلك هم يربطون علي بطونهم بقطعه القماش اللي تحت الجبه لانه مطلوب من القارئ ان ينظم نفسه وان يكون طويلا لانه من شروط قراءه القران ان لاتقف اثناء القراءه الا عند ماهو جائزللتوقف وحتي عندما نستمع للمؤذن لايصح ابدا ان يقطع المؤذن النفس وياخد نفسه تاني عندما يقول الله اكبر
العزيزه رنا
صوتك رائع وله المستقبل
وعفوا لاخي العزيزالصديق الاكبر الاستاذ عادل