عمر الزعني

**mandolin** · #1 29/08/2008, 21h57

مسكينة البنت المستورة

مسكينة البنت المستورة كيف ما عملت مقهورة
خطيب يخطبها ما في مصاري بإيدها ما في
سلوى ببيتها ما في بتقضيها مقهورة

أمها مشغولة بحالها أبوها ما بيسعى لها
أخوها آكل مالها وجوانحها مكسورة

إن سكتت قالوا جدبة وإن ضحكت بدها مربى
وإن بارت أكبر ضربة حيرتوها الفرفورة

حلوة بيتغامزوا عليها بشعة بيضحكوا عليها
القانون والناس عليها من ساعتها مغدورة

مصيبة إن طلعت بره مصيبة إن غلطت مرة
عيشتها عيشة مرة في حياتها مقهورة.

**mandolin** · #2 29/08/2008, 22h09

شبان شيك

شبان شيك وسمباتيك ومشتهيين ريحة المتليك
منتدين ومنتزين كل يوم عن يوم منتفنن
مناكل قنص ومنشرب بلص منقضيها سهر ودنص
شبان شيك

منتكبر ومنتجبر ما في شي منه منتمعير
ما منهتم ولا مننهم بحياتنا ما منحمل هم
شبان شيك

منتساوى ومنتغاوى أكتر من بنات الهوى
نهارنا ليل وليلنا ويل منتستر بجناح الليل
شبان شيك

حجتنا برقبتنا ما بهمنا غير لذتنا
لا شغلة ولا عملة غير البرزة والصقلة
شبان شيك

تمدنا تألمنا يا ريتنا ما تمدنا
بطالين عطالين من غير دنيا ومن غير دين
شبان شيك

**Islam Eidrisha** · #3 05/02/2009, 08h48

الفنان القدير

عمر الزعني
في
اتفرج يا سلام

**هامو** · #4 05/02/2009, 19h13

شاعر الشعب عمر الزعني

عزيز mandolin
عزيز إســـلام

كم انا سعيدة بهداياكم الجميلة
انا سعيدة بوجود موضوع
للفنان القدير عمر الزعني
اشكركم تقبلو تحياتي

**Islam Eidrisha** · #5 07/02/2009, 09h57

إهداء على استحياء
ربما لا يليق بالمقام العالي للعزيزة الغالية مدام هامو

عمر الزعني

في
فتح عينك

**mandolin** · #6 18/02/2009, 10h16

فتح عينك ان مش منهم

فتح عينك انا مش منهم الجماعة اللي بتعرفهم
انا مش منهم فتح عينك

أوعى يغرك لطفي وأنسي الموت أفضل من ذل نفسي
أمشي بطريقك خلي التكسي للجماعة اللي بتعرفهم
أنا مش منهم فتح عينك

مش كل اللحم بيتاكل ولا كل النسا بتتساهل
إمشي بطريقك لا تتسافل دور عاللي بفكرك منهم
أنا مش منهم فتح عينك

لبس الموضة ما هو عبرة للحرمه المستورة الحرة
يا ريت التكسي ما كان بالمرة ولا كانوا اللي بعلمك منهم
أنا مش منهم فتح عينك

ماحلا ثقالة العربجية قدام سفالة الشوفرية
يا ريت بقينا عالعربية ولا شفنا اللي بعلمك منهم
أنا مش منهم فتح عينك

**Alanood** · #7 01/05/2010, 13h22

للأسف أول مره أسمع بهذا الفنان القدير وأسمع غنائه..
فعلا الكلمات قوية وساخرة وتنطبق على زماننا مثلما كانت في زمانهم

ألف شكر لكم

**mandolin** · #8 22/05/2010, 23h47

منعمّر، منتّمر، وطفرانين
منصيّف، ومنكيّف، ومديونين
مناكل حاف، وبلا لحاف، ومبودرين
مع أغنية
شي بيحيّر .. شي بيطَفر
سنة 1928

**محمود دمراني** · #9 20/06/2010, 08h22

الاخ حسن ألف شكر على هذه النوادر الثمينة للفنان الناقد الاجتماعي عمر الزعني الذي أقض بلسانه مضجع الحاكم الفرنسي وطارده

**حسن قطيش** · #10 23/09/2010, 15h12

مشكور أخ حسين على هذه الصوتيات النادرة ، تحية لك و للأعضاء و التحية الأكبر لرائد الأغنية السياسية الناقدة الفنان الكبير عمر الزعني