عمر الزعني

**mandolin** · #1 29/08/2008, 10h40

أغنية
أبو عفيف

**mandolin** · #2 29/08/2008, 19h06

ان سكتت قالوا جدبة
وان ضحكت بدها مربى
وإن بارت أكبر ضربة
حيرتوها الفرفورة
أغنية
البنت المستورة

**mandolin** · #3 29/08/2008, 19h31

منتساوى ومنتغاوى اكتر من بنات الهوى
نهارنا ليل وليلنا ويل منتستر بجناح الليل
أغنية
شبان شيك

**mandolin** · #4 29/08/2008, 20h46

أبو عفيف
أبو عفيف شب وظريف ودمه خفيف أكله لطيف
طيب ونضيف عند الحساب يا لطيف يا لطيف

حمص وفول متبل بأصول وفجلة هالطول غريبة ومعمول
وحلو الزغلول أفخر مأكول شي مهول أبو عفيف

ما عنده باب ولا ماسك حساب شغله دولاب ربحه مزراب بلا حساب
شعراء وكتاب وزرا ونواب أعز حباب أبو عفيف

دكان صغير منتوجه كبير اسمه شهير صاحب تدبير
لسانه قصير لابس حرير شال وكشمير عايش أمير أبو عفيف

ملقى الغزلان ملقى الخلان نادي الإخوان شيوخ وشبان رجال ونسوان
أشكال ألوان صاحي سكران زنكيل طفران كله بدكان أبو عفيف

بعد السهرات والفنكرات والبهورات ورش البهارات للنطنطات والراقصات
معمر حارات صاحب أجارات محشي ليرات أبو عفيف.

ابو عفيف صاحب مطعم فول في البرج- بيروت.

**mandolin** · #5 29/08/2008, 20h57

مسكينة البنت المستورة

مسكينة البنت المستورة كيف ما عملت مقهورة
خطيب يخطبها ما في مصاري بإيدها ما في
سلوى ببيتها ما في بتقضيها مقهورة

أمها مشغولة بحالها أبوها ما بيسعى لها
أخوها آكل مالها وجوانحها مكسورة

إن سكتت قالوا جدبة وإن ضحكت بدها مربى
وإن بارت أكبر ضربة حيرتوها الفرفورة

حلوة بيتغامزوا عليها بشعة بيضحكوا عليها
القانون والناس عليها من ساعتها مغدورة

مصيبة إن طلعت بره مصيبة إن غلطت مرة
عيشتها عيشة مرة في حياتها مقهورة.

**mandolin** · #6 29/08/2008, 21h09

شبان شيك

شبان شيك وسمباتيك ومشتهيين ريحة المتليك
منتدين ومنتزين كل يوم عن يوم منتفنن
مناكل قنص ومنشرب بلص منقضيها سهر ودنص
شبان شيك

منتكبر ومنتجبر ما في شي منه منتمعير
ما منهتم ولا مننهم بحياتنا ما منحمل هم
شبان شيك

منتساوى ومنتغاوى أكتر من بنات الهوى
نهارنا ليل وليلنا ويل منتستر بجناح الليل
شبان شيك

حجتنا برقبتنا ما بهمنا غير لذتنا
لا شغلة ولا عملة غير البرزة والصقلة
شبان شيك

تمدنا تألمنا يا ريتنا ما تمدنا
بطالين عطالين من غير دنيا ومن غير دين
شبان شيك

**Islam Eidrisha** · #7 05/02/2009, 07h48

الفنان القدير

عمر الزعني
في
اتفرج يا سلام

**mayoman** · #8 02/03/2010, 12h27

الاخوة الافاضل اسلام و Mandolin
اطيب تحية وسلمت اياديكما.
ايام الصبا كان لدينا اسطوانة لعمر الزعني بها اغنية واحدة اسمها "ناطرين" ذات كلمات سلسة والحان بسيطة عذبة, الا انها فقدت لاحقا.
حبذا لو امكن الحصول عليها مع اقصى الامتنان. اذكر اغلب كلماتها:

--------------------------------
ناطرين \\\ناطرين\\\كل الناس ناطرين\\\
ناطرين مين مش فاهمين
شو ناطرين مش عارفين
ليش ناطرين \\حيرانين
ناطرين...

ناطرين قال شي خطير
ياما وياما بدو يصير
ناطرين واحد راسه كبير
يشيل هالزير من هالبي
وواهل الارض جوعانين وكل الناس
ناطرين...

ناطرين قال الفلك يدور
ناطرين قال يشع النور
ناطرين موسى على سطور
ناطرين نوح بالشختور
يوصلنا الشط الامين
ويهلكهم اجمعين يا رحيم آمين

ناطرين...ناطرين...ياخي ناطرين......

-----------------------------
وبالمناسبة انا عضو جديد له شرف الانتساب الى هذا المنتدى الجميل من جهة نوعية المحتوى
ومستوى الاعضاء وحرفية الادارة...

ودمتم
<محيو>

**لؤي الصايم** · #9 28/09/2025, 16h22

عمر الزعني
عجقة سير
كلماته ولحنه

تسجيل من برنامج الزمن الجميل للأستاذ مروان أبو نصر الدين