يازهره البستان - منوره باهلك السماعيين

[حسن كشك]

ومن جديد
بالامس
الجمعة 2008/7/4
فتحت زهرة البستان زراعيها لتستقبل مجموعة الاحبه
فقد التقينا بنفس الحب وبنفس الود وبكل الاشتياق مع
بعضنا البعض كأسرة جميله كبيره - ولاول مره يكون
العدد بهذا الحجم الرائع ( ربنا يزيد ويبارك ) فقد حضر
د. انس البن - م.محمد على - حسن كشك- محمد الالاتى
الفنان عمرو الخربوطلى - ابو رشا ورشا - أ سيد المشاعلى
أ صلاح علام ونجله -أ - سامح الاسوانى أ غازى الضبع
أ احمد عبد الهادى - أ عماد جمعة - الصديق محمود العيادى
وصاحب الليله وكل ليله - م عادل السيد
للعلم ( حضر ايهاب عامر) الى زهرة البستان لكنه لم يجد
احد لاننا كنا زهبنا الى قدوره
وكانت ليله رائعة - تخللتها عشوه اكثر روعة عند قدورة

ثم سهرة باحدى كازينوات شارع الدول العربية استمرت حتى
مابعد الفجر بين مجموعة السهيرة - عمرو الخربوطلى- حسن كشك
محمد الالاتى - سيد المشاعلى - غازى الضبع - عماد جمعة
بعد انصراف م محمد على وا احمد عبد الهادى وصاحب الليله
م عادل السيد بعد ماقام بالليه كلها ودفع كل الحسابات والبقشيش

[عماد جمعة]

السلام عليكم ورحمه الله وبركاته
الحقيقه يا جماعه انا مش عارف احكى واقول ايه ولا ايه ، اللقاء ده يعتبر ثالث لقاء بينا ولكن للامانه كان اجمل واحلى اللقاءات لانى قابلت ناس من زمان كنت اتمنى لقائهم ولو قعدت احكى على كل واحد فيهم عايز شهر كامل وللامانه فى ناس كتيره انا كنت واخد فكره عنها مختلفه نهائى عن اللى شفته سواء من خفه الدم المتناهيه من الاستاذ صلاح علام او الطيبه الابويه من الاستاذ محمد على قناديلى او الوجه البشوش دائما الاستاذ سامح الاسوانى او الطيبه التى بلا حدود فى الاستاذ يحيى ابو رشا او الهدوء والصمت الجميل من الاستاذ احمد عبد الهادى معلشى يا جماعه واسمحولى انا اتكلمت عن الاساتذه التى اراهم لاول مره
بس يا جماعه انا عايز اقولكم على سر بس يا ريت مايطلعشى برده ال 260000 عضو اللى موجودين فى المنتدى ( المجموعه كان فيها لص خطير جدا ) سرق كل الموجودين بكلامه الجميل واسلوبه البسيط وغزاره المعلومات اللى عنده لدرجه اننا قعدنا اكتر من سبع ساعات مستمعين فقط عرفتوا مين اللص ده طبعا الاستاذ عمرو الخربوطلى ( جرامافون ) ومش هتصدقوا لو قلتلكو اننا رحنا الكافتيريا حوالى الساعه 12 مساءا حتى الساعه 7 صباحا وقايمين ومش عايزين نروح من جمال القعده اللى ضمت ( اسمحوللى بدون القاب ) عمرو الخربوطلى ومحمد الالاتى وسيد المشاعلى وحسن كشك وغازى والعبد لله ، بالامانه راجل لما اى حد يقعد معاه يفضل انه يكون مستمع فقط لانى اكتشف انه مش توحفجى بس فى التحف ، ده توحفجى فى كل حاجه وفعلا موسوعه
على العموم مش هطول عليكوا وهارجعلكوا تانى بعد مانزل الصور ان شاء الله

[غازي الضبع]

لقاء أكثر من رائع
إلى الآن أعيش في نشوته
مجموعة لا يوجد أروع منها في الوجود
منتهى المحبة في الله
عمنا الدكتور أنس الذي سعدت بصحبته للأسبوع الثالث على التوالي
توأم روحي الأستاذ السيد المشاعلي
عمي وحبيبي الأستاذ محمد الالاتي
حبيب قلبي الأستاذ حسن كشك
عمي وحبيبي المهندس محمد علي
ذو الكرم الحاتمي المهندس عادل سيد
صديقي الحبيب الأستاذ عماد جمعة
صديقي الجميل الأستاذ سامح الأسواني
صديقنا الجديد الأستاذ أحمد عبد الهادي
صديقنا الحبيب الذي نوّر القاهرة كلها الأستاذ محمود العيادي ( صديق أ. حسن كشك )
**
وعريس الليلة الأستاذ صلاح علام ( سيادة الرئيس ) صاحب الدم الخفبف والروح الجميلة والحضور المتألق ..
كما شرفنا الأستاذ علي ابن سيادة الرئيس .. وكان منور المكان كله
وصاحب النفس المتصالحة ، والروح الطيبة الجميلة ، والكلام المعطر الأستاذ يحيى العربي ( أبو رشا )
وشرفتنا في اللقاء الآنسة رشا .. الأمّورة الجميلة .. التي تصارعنا جميعا لكي نحجزها لأبنائنا .. وبدأنا في ادخار المهر من الآن ..
حقيقي تشرفت بكم جميعا ..
والله .. كان من أجمل اللقاءات
وأتمنى من الله عز وجل أن يُكرر اللقاء قريبا بإذن الله ..

[غازي الضبع]

النمذجة

نتساءل جميعا عن أفضل وأحسن الطرق للتعلم ، إلى أن وصل العلم إلى أن أفضل طرق التعلم ( وليس التعليم ) هي النمذجة ..
والنمذجة هي عملية التقاط واكتساب ونقل المهارات والإمكانيات الإنسانية

وتركز على ماذا فعل صاحب الخبرة أو المهارة حتى وصل لما هو عليه الآن.
أو كيف فعل صاحب المهارة مهارته ..
وإستناداً إلى مبدأ ما هو ممكن للناس فى مكان ما فى العالم ممكن لى ..
أي أنني إذا أردت أن اتعلم شيئا .. فقط عليا أن أبحث عن شخص ذو مهارة في هذا الشيء .. وأتـنمذج منه
أي أعرف ما هي الخطوات والإمكانيات والأفعال التي فعلها .. وأفعل مثله .. فأصل إلى النتائج التي وصل إليها .. وبذلك تنقل الخبرة والمهارة من شخص لآخر ..
ولكن أصعب ما في الأمر .. هو إيجاد ذلك الشخص ..
ولن تصدقوني إذا أخبرتكم أني منذ أمد بعيد وأنا أبحث عن هذا الرجل ذو المهارة والخبرة كي أتنمذج منه ..
ولكن بحمد لله وتوفيقه ..
أخيراً وجدته ..
وجدته هنا في سماعي ..
إنه الأستاذ
عمرو الخربوطلي
الشهير بجرامافون ( التوحفجي )
والذي اكتشفت أن لقب التوحفجي لم يطلق عليه من فراغ
بل يجب أن يطلق عليه الموسوعجي ..
وإليه أقـول :
أخيــرا وجدتك

[Adel]

لقاء جميل جميل جميل
و أجمل ما فيه الحاضرين
بس كان اجملهم علي الاطلاق اثنين سرقوا الكاميرا
الاستاذ علي نجل اخونا صلاح
و الانسه رشا نجلة اخونا يحي العربي
كان من المفترض اجيب معايا الاخ محمد عادل لكن اداني بمبه
طبعا كنا مفتقدين اخونا الكبير محمود رزق و اخونا كمال عبد الرحمن لكن الجايات اكتر و ربنا ما يحرمنا من بعض
و طبعا اخويا و حبيب قلبي و هو عارف نفسه كان معانا بالتليفون

[احمد عبدالهادى]

ثانى مره احضر لقاء فى زهرة البستان مع رجال لا تمل من الجلوس معهم وانا عن نفسى تركتهم وانا العن الظروف التى اجبرتنى على ترك الرجل الرائع الاستاذ عمرو الخربوطلى انا اول مره اقابله ولكن استحوذ على كل حواسى والاستاذ عماد جمعه والاستاذ حسن كشك لقيتهم اكثر مما يقال عنهم وسيادة الرئيس رجل رائع وابنه على والاستاذ ابو رشا وابنته رشا بصراحه رجال يجعلوا الانسان يندم على انه لم يلتق بيهم قبل ذلك والاخ محمود عياد صديق حسن كشك رجل موسوعه فى الفاننين والموسيقى معلش الكلام اخدنى عن الذين التقيت بيهم اول مره عمنا الدكتور انس ومضيفنا المهندس عادل السيد والمهندس محمد على وسامح الاسوانى وغازى الضبع وعمنا الالاتى والاستاذ السيد المشاعلى مجموعه رائعه رائعه رائعه

اليكم اخوانى مجموعه من الصور

مقطع فيديو امام مطعم قدوره

1

2

3

[احمد عبدالهادى]

اليكم اخوانى مجموعه من الصور
مع مقطع فيديو داخل مطعم قدوره

1

2

3

[د أنس البن]

بسم الله الرحمن الرحيم
قل يجمع بيننا ربنا . ثم يفتح بيننا بالحق . وهو الفتاح العليم
صدق الله العظيم
جمع الله الأحبه
فكان نعم الجمع
نسأل الله أن يجمعنا على الخير دائما وأبدا
وأن يجعلنا عند تفرقنا من الذين
تواصوا بالحق وتواصوا بالصبر

****
أحلى الأمانى فيك يا زمان
لقا الأحبه فى كل مكان
دوام وجودنا
دا يبقى عيدنا
يطمن القلب الولهان
...
لم يشهد الراصد الفضى قبلهما
إلفين ذابا تباريحا وأشجانا
نكاد من بهجة اللقيا ونشوتها
نرى الدنا أيكة والدهر بستانا
ونحسب الكون عش اثنين يجمعنا
والماء صهباء والأنسام ألحانا
...
ما أجمله ما أروعه ما أحلاه من لقاء
رأيت للمرة الأولى أحبابا كنت أتوق لرؤيتهم
مذ عرفتهم عبر الأثير
رأيت
صلاح علام ـ سيادة الرئيس ـ أبو على
ورأيت على شخصيا ـ
وما اروعه من شاب متنكر فى صورة طفل برئ
رأيت يحى العربى ـ أبو رشا
ورأيت رشا شخصيا
ما أروعها من طفلة تخطت زمانها
وهى تحاور وتجادل وتنصت
رأيت
محمود العيادى
الإسمعلاوى إبن القناه الفنان الجدع المتألق
رأيت من عرفتهم قبلا واقتربت منهم أكثر وأكثر
عمرو الخربوطلى ـ التوحفجى سارق القلوب
أبو حسام الآلاتى ـ حفيد سيدنا الشيخ الالاتى ـ
ووارث خفة ظله
حسن كشك
عماد جمعه
محمد على القناديلى
السيد المشاعلى
أحمد عبد الهادى
سامح الأسوانى
غازى الضبع
وصاحب الليله ومضيفنا الذى فاض بكرمه على الجميع
عادل عبد العظيم
فرحتى لا يمكن ان أقدرها حق قدرها
...

[حسن كشك]

كلفنى الصديق محمود العيادى بكتابة الاتى :
الاخوة الاحباء الاعزاء صحبة سماعى
ليلة امبارح ماجانيش نوم
ليه ؟
من فيض السعادة واللحظات الجميلة الظريفة اللذيذة الشهية الفسفورية السى فودية القدورية .
فى البداية اتقدم بخالص الشكر والعرفان للزميل العزيز والاخ الشقيق حسن كشك لانه اتاح لى التعرف باسرة سماعى ولو انى مش ( نتاوى ) لكن بالانتساب انا منهم من يوم لقاء ( اللورد ) المحترم محمد عمر سعدت باللقاء مع احبة فضلاء ( جمع فاضل ) حتى لايفهم المقصود غلط ، ثم اسعدنى الحظ وتعرفت على زميل مهنى قديم هو الاخ محمد الالاتى وهو شخصية اكثر من ظريفة لطيفة وابن مهنة محترم ابا عن جد وبعدين ايه الشياكة واللطافة اللى عند انسان مهذب اسمه الدكتور حسن حافظ والشخصية الحلوه دى المندور ( محمد ابو مندور ) غندور السماعى وعم السيد المشاعلى والولد الشقى غازى وصاحب فيض الكرم اللورد محمد عمر وللاسف لم يسعدنى الحظ بلقاء الاسكندرية ( ظروف عمل ) وباقية باذن الله .
وحضرت الى لقاء زهرة البستان وعلى عجالة تم ترحيل الاجتماع الى قدورة وقابلت حته شخصية - ايه الهرم الجميل ده - اقصد هرم قامة وقيمة واسمه ( د. انس البن ) .
ايه ياعم حسن انا كنت فين من الناس دى ؟
ولا المهندس عادل السيد الشهير باسم ( عادل الطائى ) ايه الواجب الكبير ده كله وايضا باقى باقة الاصدقاء الحضور :
أ. سامح الاسوانى - شاب جميل وهادئ ومؤثر فى اللى قدامه وبرضه الالاتى فى الليلة دى صمم يقعد جنبى ( مع انه دباغ فى الاكل ) الله يعينه وشرفت بمعرفة السادة : احمد عبد الهادى مستمع جيد وعنده حصيلة معلومات فنية كبيره جدا وانا اتناقشت معه فى موضوع تلاوة القرآن ومدى ارتباط القراء بالمقامات الموسيقية واشترك فى المناقشة د. انس البن - م. محمد على - ابورشا والانسة الجميلة رشا وابو يوسف ( صلاح علام ) اللى عرفت انه موسيقى بعد اللقاء - ازاى ما اتكلمناش مع بعض ؟ والفنان عمرو التحفجى ( جرامافون ) .
الحقيقة انا ممنون من الاخ حسن كشك اللى عرفنى بيكم ياجماعة الخير واتمنى من الله ان يديم اللقاءات معكم يا احبه
والى لقاء
اخوكم
محمود العيادى