رد: كلمات أغاني الفنان الكبير حسين نعمة
ايگولون غنّي بفرح
ايگولون غنّي بفرح و آنه الهموم اغناي
ابهيما زرعوني و مشوا او عزّوا عليّ الماي
نوبة انطفي و نوبة اشب تايه بنصّ الدرب
ايگولون غنّي بفرح
دولاب فرني الوكت خمّيت الولايات
و الغربة صاروا عرف و خلّاني الشمّات
ما بين شوگ و صبر خلصن اسنين العمر
ايگولون غنّي بفرح
احرگ اخطوط العتب و انثرها ويّا الريح
و انسي محاچي العشگ يا بو شعر تسريح
العشگ شمعة انطفت او كلّ السوالف گضت
ايگولون غنّي بفرح
و غنّی الفنّان الکبیر قحطان العطّار هذه الأغنیة لاحقاً و أضاف هذه الکلمات من الشاعر إلی الأغنیة :
چنت آنه اشوفك گمر و اهلال منّ ابعيد
لمّن وصلتك شفت حزنك بيوم العيد
و اعرفت ظلمة العمر ويّاك يالما تمر
ايگولون غنّي بفرح
***************************************
يا حريمة
يا حريمة انباگت الچلمات من فوگ الشفايف
يا حريمة سنينك العشرين ما مرها العشگ و العشگ خايف
يا حريمة لا علي بختك ما اني سالوفة صرت بين الطوايف
يا زلف يتغاوي ويّا الليل باطراف الگصيبة
هاك روحي الما غفت و الطيف ما مرّه حبيبه
هاك جرحي الما تعطّب و انت عطّابه و لهيبه
هاك عمري الضاگ حنظل و انت برحي
يا حريمة الشوگ مرّ بوحشة تايه
يا عضد ياللي شتلك عايش بفيّ النخل
يا ثلج و فراگ طبعك يا طبعك كلّك زعل
و آنه و وعودك صفيت ابلاية وعدك
و آنه دمعات الحزن شاتلها ظلّيت علي خدّك
و آنه سچّة درب سوّاني زماني
يا حريمة ، يا حريمة
***************************************
ردّيت
ردّيت و اجدامي تخط اشحيرة و ندم
ردّيت و عيوني تخط گبل القلم
ردّيت لحچاياتنا العايزها بس چلمة صدگ
و عيوننا الحلمانة بالقدّاح لو مرّة يطگ
ردّيت عالبيبان باب ابباب ادگ
ردّيت و اشردّيت لا موعد و لا چلمة نعم
گللي اشگلت و اشقرّرت وك يا گلب
لا وين عالغربة يصير كونه غرب
بسّ المطر يمحي الأثر لا سچّة ظلّت لا درب
شيصير لو تطلع شمس
فرحة و عرس
شيصير لو ردّيت يا طيف الأمس
ردّيت و اجدامي تخط ردّيت و عيوني تخط
شرّگوا و مغربين رحنا ويا الهوا
ودّعوا لحظات الصبر
ما ظل صبر يا اهل الهوا
لا ساعة التوديع شفناهم
عافونا يو لا احنا عفناهم
او گلبي الهوي الهجران و النسيان
من نار الهوا ردّ انچوي
ردّيت و اجدامي تخط و تحن حنين النوگ
ردّيت و اجدامي تخط و يهبني ليك الشوگ
***************************************
جاوبني تدري الوكت
جاوبني تدري الوكت بوگاته غفلاوي
موش انت نبعة عشگ بالحسن متغاوي
ليش المعاتب كلف و الشوگ سكتاوي
چا وين اودّي الحچي و اتعاتب اويا من
مرّن فخاتي الصبح نشدنّي وين اهواي
سمعنّي چلمة فرح و بمشيتك بهداي
ذبلان گلبي شكثر و انت العطش و الماي
چا وين اودّي الحچي و اتعاتب اويا من
ما مش بعد كل رجا و الدنيا حزنانة
و الهجر چودر غفل و الروح عطشانة
يا ريت ما مش وفا و الشفّة خجلانة
چا وين اودّي الحچي و اتعاتب اويا من
***************************************
نخل السماوة
انشدك عن عزيز الروح ونصار
و ما تدري عليه اشكثر ونصار
انا لون لي بالعشيرة اخوان ونصار
علي الچان اندعوا ويّاك بيّه
و في إجراء آخر :
يا صاحب ليه كدّ الكدر والهم
ابثواني الشوگ ادگّ الصبر والهم
چثر احباب طرها الدهر والهم
جرح يدّي بهواهم للمنيّة
و في إجراء آخر :
الف مرّة اشتعل باليوم ونشاب
علي الشيب الغزاني غفل ونشاب
رمي بگوس الدهر يا صاح ونشاب
اشمريد اشگف يطيح السهم بيّه
نخل السماوة يگول طرّتني سمره
سعف و كرب ظلّيت ما بيّ ثمرة
اشجابه للغرّاف طير المجرّة
سابيها كلها الناس حيّرني بامره
مثل ام ولد غرگان و ابرا الشرايع
كل من وليفه اوياه بس ولفي ضايع
بت بعد بالدلّال جاهل ايعت بيه
يبچي امن اصيح اعليه يگطعه امن اخلّيه
***************************************
تحيّاتي الك
تحيّاتي الك وين انت موجود
المشاعر يا حبيبي ما لها احدود
تحيّاتي و سلامي
يا اوّل غرامي
تجي و تروح اسامي
و اسمك فوگ الورود
تحيّاتي يا غالي
يا منوّر الليالي
عليك انشغل بالي
و اريدك يا وفي تعود
تحيّاتي يا عمري
شگلّك و انت تدري
انا المفضوح سرّي
متي ما يعزف العود
***************************************
يتبع إن شاء الله تعالی
|
العرض المتطور
