أخطاء نادرة في النص الغنائي

[mh.hazem]

المشاركة الأصلية كتبت بواسطة د.حسن

... وأخطاء بالجملة فى أغنية " المصريين آهمه "

انا لم أجد أى أخطاء فى أغنية ياسمين الخيام ، أريد أن أعرف ما هى هذه الأخطاء ؟

[د.حسن]

المشاركة الأصلية كتبت بواسطة mh.hazem

انا لم أجد أى أخطاء فى أغنية ياسمين الخيام ، أريد أن أعرف ما هى هذه الأخطاء ؟

أخى الفاضل mh.hazem
الأغنية المرفوعة مدتها دقيقتان و36 ثانية
فى الثانية 7 الكورس بيقول "حيوية وعزم وهمة" والمطربة تقول "فى الدنيا أول أمة"
ويتكرر نفس الخطأ فى الثانية 29 و 33
وفى الدقيقة 1 و 24 ثانية تقول "نرضى ربنا والخير موجود"
ويختلف الكورس فتتبعها السيدات مثل ماقالت أما الرجال فيقولوا "نرضى ربنا والخير ح يزيد" (وده الصح)
وفى الدقيقة 1 و 27 ثانية تسكت المطربة وتتلعثم ثم تكمل وتصحح "بالخير ح يزيد" ولكن بعدها ... مافيش غـُنا حتى الدقيقة 1 و56 ثانية
وفى الدقيقة 2 و18 ثانية يتكرر نفس الخطأ والإختلاف بينها وبين الكورس
كل ده ياأخى الكريم وتقول
انا لم أجد أى أخطاء فى أغنية ياسمين الخيام
مع تحياتى

[فاطمة ناعوت]

في أغنية "سهرت" لعبد الوهاب يقول في آخر بيت

ما أقصرَ العمرَ حتى ............ نضيعُه في النضال

وصحيحها طبعا نضيعَه بفتح العين وليس بضمّها لأنها منصوبة بـ حتى

[حسن كشك]

تخيلوا هذا الخطأ
من مذيعة فى اذاعة القناة
استمعت اليه امس وانا فى السيارة وللاسف لم استطيع تسجيلة
واقسم بالله انى اقول الحق كل الحق
قالت المذيعة
يبلغ طول قناة السويس حوالى 195 الف كيلومتر
كما يبلغ عرضها حوالى 200 الف كيلومتر
شفتوا كام غلطة مرعبة فيما قالته
وهى ناسية ان طول مصر كلها من البحر المتوسط حتى حدود السودان حوالى 1000 كيلومتر
وكمان العجيب ان عرض قناة السويس ( حسب كلامها ) اكبر من طولها .... لو تغاضينا
عن الارقام المرعبة .... يالهوى كل دى قناة السويس . ....
وجنودنا البواسل عبروها فى حوالى نصف ساعة .... يعنى كانوا بيتحركوا بسرعة 400 الف كم فى الساعة
صحيح دا احنا فراعنة ؟؟؟؟؟

[رضا رشيد]

كلنا عارفين الأغنية المشهورة ( أدينى من وقتك ساعة ) أو ( ساعة واحدة ) للفنانة ( شهر زاد )

من كلمات : محمد على أحمد ... وألحان : رياض السنباطى

أيه رأيكم نسمعها من كلمات : عبد العزيز سلام .... وألحان : فريد الأطرش

تحياتى ...

[د.حسن]

وإيه رأيكم نسمع أغنية إيه ذنبى إيه ؟
كلمات مأمون الشناوى
وأشعار الموسيقار الكبير محمد عبدالوهاب
مع تحياتى

[فؤاد]

أغنية فايزه أحمد
( خليكوا شاهدين )
الحان محمد سلطان ( طبعاُ )
بتقول فايزه في المقطع الثاني
جرحونا الأحباب جرحونا ورضينا بجرحنا وفاتونا
ولامنهم عايزين يداونا ............. وبدل متقول ولاخدنا من الحب نصبنا .......قالت (ولامنهم في الحب جراحنا )
وبعدين طبعاُ مشيت على النمط .....

وقالت (ولاخدنا من الحب جراحنا )


ولا أيه

على هذا الرابط
أغنية خليكوا شاهدين

http://www.sama3y.net/forum/showthre...%E4#post177316