أخطاء نادرة في النص الغنائي

**د.حسن** · #1 18/05/2008, 14h32

فى أغنية موعود لقطة طريفة
عندما غنى عبدالحليم
والقمر طِلع
والخوف بـِعد
والهوا دفى
والليل سِمع
تخيل أحد المستمعين فى الصالة أنه أخطأ
وانتظر التكرار فوجده مصمم
القمر طلع
والخوف بعد
فصاح : رجع
علشان السجع
ياترى مين اللى صح ؟

**غواص النغم** · #2 20/05/2008, 15h55

انا مش عارف لو سمعت
الفنانة انغام الملف ده
ح تعمل ايه
ولا جمهورها

انا بهدي النفوس
ومش طالب غير الستر

**صوت الموسيقى** · #3 20/05/2008, 22h38

اقتباس:

المشاركة الأصلية كتبت بواسطة عبدالمنعم

انا مش عارف لو سمعت
الفنانة انغام الملف ده
ح تعمل ايه
ولا جمهورها

انا بهدي النفوس
ومش طالب غير الستر

ربنا يديها طولة العمر ويتوب علينا من المذيعة دى وامثالها....

**غواص النغم** · #4 24/05/2008, 23h31

المذيعة تقدم الاغاني ثم قالت:
ثم تستمعون لهاني شاكر يغني لكم
رمضان الحبايب
...بصراحة الوقت كان متأخر والنوم بيداعب جفوني ولكن اسم الاغنية استفزني
رمضان الحبايب وهاني شاكر؟؟
غريبة احنا مش في شهر رمضان
؟
ممكن تكون اغنية رمضانية وضعت بالخطأ في
خريطة الاذاعة اليومية
لا
لا
لازم استمع لها واسجلها
كمان
ثم اتى صوت المذيعة بعد هنيهة من الصمت
تستمعون لهاني شاكر
واغنية
احضان الحبايب

احضان الحبايب اصبحت رمضان الحبايب
العذر الوحيد هو ان الوقت كان متأخرا
ولا احد يسمع الاذاعة سوى العبد لله
قولي ولا يهمك وشقلبي الاغنية براحتك
فالناس نيام
قفلت المذياع خوفا من رمضان...... اقصد من اكتشف غلطة اخرى من هاني نفسه
حتى في رمضان الحبايب شوك ياقلبي

**د.حسن** · #5 25/05/2008, 00h39

أخى الغالى أ. عبدالمنعم
بتقول إنها كانت ساعة متأخرة م الليل وماحدش بيسمع الإذاعة سواك
طب النهاردة الساعة 11 الصبح والناس كلها صاحية وبتسمع ...
إسمع اللى حصل فى برنامج "طلبك عندنا" فى إذاعة الأغانى
كان فاضل تقول : طلبك موش عندنا .. شوف فى الإذاعة اللى جنبنا
مع تحياتى

**د.حسن** · #6 25/05/2008, 00h55

... طبعاً كلنا عارفين أغنية صباح "قال إيه بيحب"
لكن الأخت المذيعة عارفاها بإسم تانى ...
قال إيه بيحبنى !!
مع تحياتى

**رضا رشيد** · #7 25/05/2008, 02h25

فى أحدى الحفلات ...

غنى ( عبد الحليم ) أغنية الفوازير .. وفى أحد المقاطع قال :

ديناميت تهد جبال .. فتافيت .. فتافيت
ورجال وعرق وغبار .. فتافيت .. فتافيت

والصح :

وغبار وعرق ورجال .. عفاريت .. عفاريت

تحياتى ...

**karem_yoosif** · #8 26/05/2008, 16h11

ثم تستمعون لهاني شاكر يغني لكم
رمضان الحبايب

الأخ عبد المنعم والأخوان جميعا :

اسمعوا... إليكم الملف ...والله شر البلية مايضحك .

دا مش كده وبس دى غلطت وقالت نستمع للمطرب .. بدلا من المطربه ..لور دكاش وقالت ايضا من الحانه...فين أدنى شروط المعرفه بأمور الغناء لمذيعه تعمل فى إذاعة الأغانى.

دا فيه مذيعه أخرى مصممه فى كل مره تقدم فيها نجاة الصغيره تقدمها باسم نجاة الصغير ..وليس الصغيره.
انا ساعات أعذرهم وأقول معلش دول صغار السن ومن جيل عمرو دياب وسعد الصغير .

والد كارم
.

**رضا رشيد** · #9 26/05/2008, 16h19

الأستاذ الفاضل .. مفيد عوض

الشطرة التى نسيها ( عبد الحليم ) فى أغنية .. عاش اللى قال ..

( عاش اللى حول صبرنا .. حرب ونضال ) ,قال :

عاش اللى حرر أرضنا من غير نضال ..

غلطة كمان .. وأخد 75 قرش ...

تحياتى ...

**مفيد عوض** · #10 26/05/2008, 17h45

اقتباس:

المشاركة الأصلية كتبت بواسطة رضا رشيد

الأستاذ الفاضل .. مفيد عوض

الشطرة التى نسيها ( عبد الحليم ) فى أغنية .. عاش اللى قال ..

( عاش اللى حول صبرنا .. حرب ونضال ) ,قال :

عاش اللى حرر أرضنا من غير نضال ..

غلطة كمان .. وأخد 75 قرش ...

تحياتى ...

في البداية يشرفني ان يرد على سؤالي
اخ عزيز زي الاستاذ رضا رشيد
وبرافو عليك الاجابة صحيحة 100 %
وانا كان قصدي مش عدد الاخطاء وانما
انا ركزت بصراحة على خطأ من غير
نضال وتاخذ 100 قرش بدلا من 75
مع تحياتي