بنجاتك يوم المنشيه

**د أنس البن** · #1 15/05/2008, 09h31

جانب من التسجيل النادر الذى قدمته كوكب الشرق الراحله
مرة واحده فى أول حفل بعد حادث المنشيه الشهير عام 1954

يا جمال يا مثال الوطنيه
أجمل أعيادنا المصريه بنجاتك يوم المنشيه

وتم تعديل كلماته بعد ذلك لتصبح

يا جمال يا مثال الوطنيه
أجمل أعيادنا المصريه برياستك الجمهوريه

وهكذا حال جل كتابنا , يعدلون ويبدلون ويغيرون حسب الطلب وتبعا لمقتضى الحال ولله درك يا بيرم يا عظيم

استبدلت الملف الذى رفعته منذ قليل بآخر أصفى وأوضح

**samirazek** · #2 16/05/2008, 05h54

اقتباس:

المشاركة الأصلية كتبت بواسطة د أنس البن

جانب من التسجيل النادر الذى قدمته كوكب الشرق الراحله
مرة واحده فى أول حفل بعد حادث المنشيه الشهير عام 1954

يا جمال يا مثال الوطنيه
أجمل أعيادنا المصريه بنجاتك يوم المنشيه

وتم تعديل كلماته بعد ذلك لتصبح

يا جمال يا مثال الوطنيه
أجمل أعيادنا المصريه برياستك الجمهوريه

وهكذا حال جل كتابنا , يعدلون ويبدلون ويغيرون حسب الطلب وتبعا لمقتضى الحال ولله درك يا بيرم يا عظيم

استبدلت الملف الذى رفعته منذ قليل بآخر أصفى وأوضح

اخونا العزيز د.أنس
و هذه هى مثال الوطنيه (منشيه) كاملة وبأنقى صوت واعتقد انك تقصد ان ثومه غنتها فى نادى الضباط اثناء زيارة الملك حسين - التسجيل المشهور ...لكن خذ دى ..وهى تثبت ان الست غنتها اكتر من مره ..فهذه مسجله من سينما ريفولى فى سهرة رمضانيه احيتها كلية البوليس مش عارف 1954 او 1955 ...اخونا كمال عنده الخبر اليقين ..
شوف ثومه عملت ايه؟ وطلبه كلية الشرطه عملوا ايه؟ شيىء لا يصدق ...اسيبك للسلطنه واريج الأيام الجميله...
مع تحياتى
سمبر عبد الرازق

**د أنس البن** · #3 16/05/2008, 08h45

دا ايه الصباح الجميل ده
إصطباحه زى العسل الشهد المكرر
حبيب قلبى سمير بك عبد الرازق الاسكندرانى الجميل
عندك الدره الفريده دى ومخبيها يا ابو الذوق والكرم
الله الله الله , سلطنه عاليه قوى جدا خالص ,
أكاد وأنا أستمع لهذا الملف الرائع أن أتذكر اللحظه التى كنت أستمع فيها لهذه الحفله ونحن فى بيتنا القديم فى المنصوره وعمرى 9 سنوات ,
سلمت يداك يا صديقى العزيز
وبالمناسبه طلع المستخبى

**صلاح السويفي** · #4 16/05/2008, 12h20

الله الله

على الجمال والروعة وغاية السلطنة ..

شكرا ياأستاذ سمير ..والشكر أيضا لأستاذنا الدكتور أنس

معلش احذفوا مشاركتي ..ولكن ماقدرتش أمسك نفسي عن التعبير

وبالمناسبة أخي الكريم د أنس ..
الأصل : أعتقد أنه برياستك للجمهورية ؟؟
ثم حُولت إلى بنجاتك في المنشية ؟؟

**د.حسن** · #5 16/05/2008, 12h30

الأخوة الأعزاء د. أنس و أ. سمير
طالما الموضوع خاص بالأسكندرية وبالأخص المنشية
إسمحوا لى أن أرفع تسجيلاً آخر
غنته الست بنادى القوات المسلحة
يوم 30 - 10 - 1954
مع تحياتى للجميع

**د.حسن** · #6 16/05/2008, 12h45

أستاذى الفاضل أ. صلاح السويفى
البداية كانت بنجاتك يوم المنشية إثر محاولة إغتيال الزعيم عبدالناصر يوم 26-10-1954
" وبالمناسبة فقد غنى عبدالوهاب لنفس الحدث
الفين سلامة تسلم ياغالى "
وفى يوم 23-6-1956 تم انتخاب عبدالناصر رئيساً للجمهورية
فاستبدلت الست جملة بنجاتك يوم المنشية إلى برياستك للجمهورية وظلت باقى الأغنية كما هى
واليكم تسجيلاً لــ برياستك للجمهورية
مع تحياتى

**صلاح السويفي** · #7 16/05/2008, 12h48

شكرا جزيلا لأخي الفاضل الدكتور حسن
تصوّر عشت عمري كله أعتقد العكس ..
ورغم التسلسل التاريخي للأحداث
لم تلفت انتباهي ...شكرا جزيلا أخي على التوضيح ..

**د.حسن** · #8 16/05/2008, 13h08

أنا اللى باشكر حضرتك أستاذ صلاح
وهذا تسجيل آخر (نادر) من وجهة نظرى
لــ برياستك للجمهورية
وأرجوكم إسمعوا الدقيقة 6و14ثانية وقولوا لى
" ضحكة مين دى ؟ "
والشكر موصول لأخى العزيز د. أنس اللى خلانا نطـّلع
هذه الجمالات أو الجماليات (ياجمال الجمالية)
مع تحياتى

**صلاح السويفي** · #9 16/05/2008, 16h43

اقتباس:

المشاركة الأصلية كتبت بواسطة د.حسن

أنا اللى باشكر حضرتك أستاذ صلاح

وهذا تسجيل آخر (نادر) من وجهة نظرى
لــ برياستك للجمهورية
وأرجوكم إسمعوا الدقيقة 6و14ثانية وقولوا لى
" ضحكة مين دى ؟ "
والشكر موصول لأخى العزيز د. أنس اللى خلانا نطـّلع
هذه الجمالات أو الجماليات (ياجمال الجمالية)

مع تحياتى

ياغالي الشكر ليك والله

روح الله يعمر بيتك وبيت جيران حضرتك
والجمالية واللي في الجمالية والأستاذ سمير

أما الضحكة ياعزيزي ولو أنها بعيدة ..

أنما أقول إيه ..ضحكـــة الست ؟؟؟
دي تبقى عاوزة تسجيل لوحده ..

**د.حسن** · #10 16/05/2008, 18h53

اقتباس:

المشاركة الأصلية كتبت بواسطة صلاح السويفي

أما الضحكة ياعزيزي ولو أنها بعيدة ..

أنما أقول إيه ..ضحكـــة الست ؟؟؟

دي تبقى عاوزة تسجيل لوحده ..

سيادتك تؤمر
آدى تسجيل الضحكة
ومن زمان كل مااسمعها أتخيل الست وهى بتضحكها !!
عشان عمرها ماعملتها
الله يرحمها