مذكرات مجنون تحف ونوادر ..

**سمعجى** · #1 27/04/2008, 03h42

بندَحرَج المِسا يا تحفجي الألماظ
كما يُدَحرَجُ الحَجَر ..

أنا بقى يا سيدي يا ما انضحك عليّا ف ( حَجَرين )

راجع لك ،،
أصلها ياما حَجَّرِت معايا

**جرامافون** · #2 27/04/2008, 11h47

اقتباس:

طاب اسمعوا دي و دي قصة حقيقية و حدثت فعلا

الهيئه الحكوميه اللي كنت بشتغل فيها استوردت قطع غيار اتوبيسات في اواخر السبعينات

و بعد ما فتحت الاعتماد و حولت الفلوس و شحنت البضاعة

اكتشفوا في الميناء ان البضاعة عباره عن أحجار بس مش احجار كريمه لاه احجار سنيه بس مش عارف هل اضافوا الاحجار في المخازن و لا عملوا بيها ايه عموما هسأل و اقولكم

والنبي أمانه يا عدوله
ممكن تجيبلي صورة أمين المخازن
ممكن يطلع عنده جرد والا حاجه
اهو نخدمه برضه

.. جرامافون ..

**جرامافون** · #3 27/04/2008, 11h54

اقتباس:

بسم الله الرحمن الرحيم
السيد الفاضل التحفجى الاول فى هذا الموضوع
اعمل اية هل ادعى لك ولا عليك لقد جعلتنى اخرج من صلاتى بسبب انى يتملكنى الضحك على كلمة بواب العمارة اللى عايز يشوف السينما هو وابنة حمادة

خليها ليه والنبي يا مدام ناهد
مش عليه ..
قصدي الدعوة
يارب يجعل كلامي دايما مبهج ويكون سبب ولو ابتسامة واحدة لحضرتك ولجميع الزملاء
سوق الجمعة في الإسكندرية هوه سوق مينا البصل
كان من أجمل الأسواق في مصر لكن لدوقتي بينزل التحفجية التقال
فيه فجر الخميس يكنسوا كل التحف الحلوة قبل
ما يطلع صبح يوم الجمعة
بس طبعا زمان كان حاجه تانيه خالص

**جرامافون** · #4 27/04/2008, 12h03

اقتباس:

يا مدام دعاء

كانت هذه الحادثة ايام الفرك الفرنسي والليرة الإيطالية والمارك الألماني
يعني السفقة تمت بالليرة الإيطالية
ويأسهلها عليكي عشان التحويلات من عملة قديمة إلى الأورو الحالي سأقول اني اتذكر ان السعر كان اقل بـ 50 في المائة من السعر الحقيقي

تقريبا بالعملة الحالية دفعت 100 أورو

أخي محمد
افهم من كده إن الحجر الصغير بتاعك بتمن حجرين بازلت وتلت كمان !!
طيب تصدق انه رخيص
.. المشكلة في الجمرك ..

يا سلام بقه لو رحنا مع بعضينا أنا وأنت نابولي
وااااااااو
ده أحنا ممكن نشتري حجارة برج بيزا المايل مره واحده
واخد لبالك من المايل دي زى (حظنا) بالظبط
بس اللي مش قادر افهمه ليه
الحجارة المباعة لا تعوض ولا تستبدل
الناس دي بتهزر ولا بتتكلم جد

**جرامافون** · #5 27/04/2008, 12h18

اقتباس:

بندَحرَج المِسا يا تحفجي الألماظ

كما يُدَحرَجُ الحَجَر ..

أنا بقى يا سيدي يا ما انضحك عليّا ف ( حَجَرين )

راجع لك ،،

أصلها ياما حَجَّرِت معايا

.. عمي سمعجي ..
متأكد أن حجارتك مش أي حجارة
بس والنبي احكي براحتك وبلاش ترشيد في كلامك
اصله ميتقلش بالدهب
ومضطر احجر علي كل مشاركاتك
احكي يا اجمل شاعر
ده انا شاعر
ان الموضوع ده حيقلب
بانتفاضه
أنا واقف اهه مستني الكريمين

خد بالك انا عندي دوالي

(صالح)

**صوت الموسيقى** · #6 29/04/2008, 23h56

موضوع اوله مسجون هربان و بقيته تكسير حجارة دى حاجة ما تطمنش ابدا...

بس انا مستعد اقفل بقى وما ابلغش لو الاستاذ جراموفون هيشترى سكوتى بالمزيد من نوادره الجامدة واسلوبه الساحر

**جرامافون** · #7 30/04/2008, 09h43

اقتباس:

طيب نروح فين احنا فى وسطكم يعنى؟؟؟؟؟؟؟؟؟
يا خلق هووووووووووووووووووه الحقونا

تصدق بالله يا عم (ahmedelraghy)
أنا مستني مشاركتك ديه من ساعة ما كتبتلي
التحية دي
http://www.sama3y.net/forum/showpost...1&postcount=44

طيب ده اسمه كلام بالزمة
اصلي انا مبنساش الناس الحلوة .. لا .. ومش اي حلاوة
وكنت كل ما تكتب مشاركة لحد يا عم أحمد اقول لنفسي :
- استني يا واد يا تحفجي مسير عم أحمد يحن عليك ويجيلك ويكتبلك كلمتين حلوين .
ومن ساعتها وانا قاعد جنب باب البوم صور عمال اشد في شعري شعرايه وري شعرايه
(مهو انا مجنون بقي)
اقول حييجي .. مش حييجي .. لا يا ودا حييجي ..لا مش حييجي
لغاية ما شعري خلص
ويا دوب علي اخر شعرايه حضرتك رحت منور موضوعي
ودلوقتي مش عارف اشكرك
علي الشعره اللي فضلتلي
ولا علي تحيتك اللي خليتني في منتهي السعادة
ربنا يخليك علي زوقك وكلامك الرائع
يا استاذ أحمد يا جميل

.. جرامافون ..

**جرامافون** · #8 30/04/2008, 10h15

اقتباس:

موضوع اوله مسجون هربان و بقيته تكسير حجارة دى حاجة ما تطمنش ابدا... بس انا مستعد اقفل بقى وما ابلغش لو الاستاذ جراموفون هيشترى سكوتى بالمزيد من نوادره الجامدة واسلوبه الساحر

لا لا لا
انت حتكروتني بكلمتين
بقي أنا عمال انتع واكتب واتجنن واحكي وربنا العالم بكتب لمين وتقولي ابصم واختم وبعد كده بخ .. لا حس و لا خبر ..
ومطنش وجاي يا دوبك دلوقتي .. لا وايه براءة النغمات في عينيه
(طيب يا صوت الموسيقي)
وكمان عايز تبلغ
طب انا حلفقلك اي حاجه علشان تشرف جنبي علي البرش واحكيلك براحتي خالص ..لا وحخليك تبصم بالعشرة برضه
بس المره دي فيش وتشبيه

علي العموم المسامح كريم المره دي بس
تحياتي وشكري العميق

.. جرامافون ..

**سيادة الرئيس** · #9 01/05/2008, 11h59

أفهم من دي إن حضرتك تملك هذا الكتاب الهام

المغنى المصري
وصور مشاهير ملحنين المغاني
لجامعه
محمود حمدي البولاقي
الآلاتي
وعني بجمعه بعد وفاته أخيه عبدالفتاح حمدي البولاقي
جامع كتاب نيل الأماني
مع إضافة الأدوار والمواويل الجديدة
--------
الطبعة السابعة
تمتاز عن سابقاتها لما فيها من زيادات
1927

الله يخليك قول أيوه

**NAHID 76** · #10 01/05/2008, 12h23

بسم الله الرحمن الرحيم
دة احنا معانا سيادة الرئيس كشف حقيقة كتابك يا جرامفون وزود علية معلومات كمان
هو احنا علشان ضعاف واعضاء صغيرين منفوخ علينا باللى عندك
شوف حترد على سعادة الريس بإية
تحياتى .