فهرس المعاني في الأغاني

**سمعجى** · #1 23/04/2008, 03h22

يا صاحب المغارة

أنا جاى لك بَطن الجَبَل
إبقى وَصّي المطاريد علشان ما حَدّش يثـَبتني

و خد دول ( دفعة أولى ) ،، أصلي غاوي اللعبة دي من زمان

(( البحر ))

محمد عبد الوهاب

- في البحر لم فتكم ، في البَرّ فتوني

فيروز

- البحر و رياحه و الفلك الغريب
- شايف البحر شو كبير

سعاد حسني

- بحر الهوى غدار ، و الخطوة فيه فدان

نجاة الصغيرة

- لو تطلب البحرَ ، في عينيك أسكبه
- باحلم معاك ، بسفينة ، و بمينا ، ترسينا .. و نبَحَّر تاني
- أنا باعشق البحر

شادية

- آه ،، ياللي عيونك شمعة و ضحكة و بحر و نسمة صيف

فايزة

- و أعبرَ الجسورا ، و النهرَ و البحورا

عبد الحليم

- البحر لابيض و ف هداوة موجُه لازرق
- لما نوصل نجمة مالهاش أى جار ، و لا نسكن لؤلؤة ف أبعد بحار
- لو أني أعرفُ أن البحرَ عميق جداً ما أبحرت

محمد قنديل

- أهرب فين من عيونه ، بتعدي لي البحور ، بتعدي لي المداين ، و الأيام ، و الشهور

أم كلثوم

- في بحارٍ تئنُ فيها الرياحُ ،، ضاعَ فيها المجدافُ و الملاحُ
- إن تفصل القطرة ، من بحرها ،، ففي مداهُ منتهى أمرها

فلكولور

- البحر بيضحك ليه ،، و انا نازلة أدَّلع املا القلل

ليلى مراد

- يا ساكني مطروح ،، دي النية ف بحركم

صباح

- كِلّ ما بتمرق ما بتمرق حَد البحر يا عيوني ، كِل ما مَىّ البحر بتحلا

مع تحياتي لأفكارك المستفِزة

و احتراماتي للدكتور حسن الذي أمتعنا بالكوكتيل الإسكندراني

**غازي الضبع** · #2 23/04/2008, 09h45

دكتور عبد المنعم
أقف احتراما لك ولأفكارك الجميلة
وأرفع لك القبعة تحية واحترام لها
فكرة هايلة
ربما زارت البعض بصورة أو بأخرى كما تفضلت أنت وذكرت
لكن تعرف زارتني أنا إزاي ؟؟؟؟
زمان ..
أيام الشباب والرياضة
وصوت العرب

كنت غاوي أسجل على شرايط كاسيت
بعض الكوبليهات من الأغاني
بحيث أن تكوّن حوارا في النهاية
بين رجل وإمرأة
يعني مثلا كوبليه لعبد الوهاب .. فترد عليه صباح
فيرد فريد .. فترد نجاة
وهكذا ..
بحيث أنه في النهاية يتكون حوارا بين الرجل والمرأة
وللأسف كل هذه الشرايط مسحتها في لحظة غضب
**
ثم فكرت زمان في فكرة أن أجمع كل كوبليهات الهجر
ولم أشترط وجود كلمة الهجر أو الفراق
ولكن اكتفيت بالمعنى فقط
**
والآن يا صديقي
ها أنت تفتح الفكرة من جديد
بشكل منسق وبديع
وإن شاء الله هاشارك معاك
ويا ريت نشترك كلنا في جمع أغاني مواضيع معينة بروابطها ..
***
لك خالص تحياتي ومحبتي يا منعم

**غواص النغم** · #3 23/04/2008, 13h06

اهلا اهلا الحبايب كلهم هنا اتجمعوا وانا كنت فاكر ان الموضوع مش عاجبكم
سلاموني باشا
بما انه في نيتك تجمع اغاني الصباح
وان الباقي صعب خلاص خليك انت في الصباح واجمع لنا اغانيه
ويبقى كثر خيرك
على فكرة ممكن تستخدم دليل التعامل مع سماعي
د. حسن
اجمل رد استمتعت به جدا ياعاشق اسكندرية الاول وشكرا على مجهودك
وفهمت فكرتي تماما ومجهودك واضح فعلا جمعت كل الاغاني تقريبا عن اسكندرية
ووضحت الفكرة واعدت احيائها بعد ان اعتقدت انها ستذهب لغرفة الانعاش ..
اتاريك رفعت الفكرة لاسكندرية وجبتها لنا منعشة
شكرا لك ومشكور
unicorn
الف شكر لزيارتك الموضوع وايدك معانا
شوفوا مين هنا
سمعجي الغير عادي جدا شخصيا هنا
ياسلام ماتخفش من المطاريد اللي حتلاقيهم على شط بحر الهوى(( كارم محمود)) ارمي لهم بيت شعر كده تحية لهم خليهم يتلهوا فيه ونط في بحر الشوق ((كارم محمود)) وغني له
امانة يا بحر امانة ((صباح))
تعرف اني انا بعشق البحر((نجاة))
وبحب البحر بحبه((فدوى عبيد))
ولو البحر زاد ((محمد عبدالمطلب)) انا عارفك عوام ((محمد فوزي))جامد و مفيش موجة((محرم فواد))في بحورك الغريقة((ليلى مراد)) في الشعر قدرت عليك
انا مستنيك بس حتلاقي عروسة البحر ((الكحلاوي) بيغنيلها عبدالوهاب ياحلم الخيال ((الجندول)
وحتلاقي عيال صغيرة يلعبوا مع طيور النورس ((محمد ثروت)) ويغنوا ويقولوا في البحر سمكة((ايمان البحر درويش)).. وقول لهم البحر بيضحكلي((سعاد مكاوي شكوكو))
وطبعا انا معك بنشكر د.حسن اصله من اسكندرية((احلام)) يعني من بحري وبنحبوه ايوووه((هدى سلطان))
ياللا ع اسكندرية ((شكوكو اسماعيل يس سعاد مكاوي)) يا اسكندرية ((شادية ثريا حلمي كاميليا)) زي البحر غرامك ((محمد قنديل))
واكيد حتلاقي البحر فرحان متهني (الكحلاوي)) ومادمنا في اسكندرية حنلاقي البحر الابيض بيغني((شادية))
وتلاقي صياد ((رشدي)) بيقول كسفتيني ياسنارة((شادية)) واخر بيقول عدينا يامعداوي((شادية))
ويامراكبي ((البليدي)) وتنده تاني وتقول يامراكبي((اسماعيل شبانة)) وثالث ((ليلى جمال))
وتقول يامعداوية((قنديل))وتلاقي مركب حبيبي ((قنديل)) تركب فيه وتقول عديني يامعداوي((البليدي))

اخي غازي
عارف ان الفكرة زارتك وبالنسبة للشرائط ملحوقة وممكن تطور فكرة الحوارات الجميلة في موضوع اخر
ويالا نبدا مع بعض

**هاله** · #4 23/04/2008, 23h10

جميل جدا التواصل الحالى فى الموضوع
والاجمل ماتقدم به د/حسن وا/كمال
واسمحولى اشارك معاكم بكام اغنيه تتكلم عن
الليل
فريد الاطرش
سألنى الليل بتسهر ليه
نجوم الليل دموع تبكى على حبى
يامقبل يوم وليله اطوى السكه الطويله
شاديه
ليله سهر
بالليل والدنيا ضلمه دورت نمرته " مخاصمنى بقاله مده"
ليالى العمر معدوده وليه نبكى على الدنيا
نجاه
ليله من الليالى فاتونا
صباح
راحت ليالى وجت ليالى وانت ياغالى دايما فى بالى
فايزه احمد
بالليل بنسال وبالنهار علشان نبلغ شوق الاحبه
فى الليل لما خلى " عبدالوهاب "
بس قلبى لسه خايف من الليالى " عبدالحليم حافظ "
ليالينا ليالينا وتاهت ليالينا " ورده

**د.حسن** · #5 24/04/2008, 00h30

أشكر الأخوة الأساتذه محمد أبومندور وكمال عبدالرحمن وعبدالمنعم
والإبنة الأستاذة هاله (لولى 76) على تعليقاتهم على الكوكتيل الإسكندرانى
وأشكر الأخ الأستاذ غازى لتذكيرى بموضوع الحوارات بين المطربين
وهاهى محاولة أخرى أهديها لأحبائى بالمنتدى بعنوان
ما هو الحب ؟
وبرضه فى انتظار تعليقاتكم
مع تحياتى

**غازي الضبع** · #6 24/04/2008, 07h29

اقتباس:

المشاركة الأصلية كتبت بواسطة د.حسن

أشكر الأخوة الأساتذه محمد أبومندور وكمال عبدالرحمن وعبدالمنعم

والإبنة الأستاذة هاله (لولى 76) على تعليقاتهم على الكوكتيل الإسكندرانى
وأشكر الأخ الأستاذ غازى لتذكيرى بموضوع الحوارات بين المطربين
وهاهى محاولة أخرى أهديها لأحبائى بالمنتدى بعنوان
ما هو الحب ؟
وبرضه فى انتظار تعليقاتكم

مع تحياتى

أستاذي الحبيب الدكتور حسن
أنا مشتاق جدا أسمع الملف الذي تكرمت حضرتك ورفعته
أكيد غاية في الجمال
لإن حضرتك ذو فكر واعي وفني راقي جدا
والله أقولها بلا أي مجاملة
ويكفي العنوان الذي اخترته حضرتك ( ما هو الحب )
خالص تحياتي واحترامي

**د.حسن** · #7 24/04/2008, 15h11

اقتباس:

المشاركة الأصلية كتبت بواسطة ghazyeldaba

أستاذي الحبيب الدكتور حسن
أنا مشتاق جدا أسمع الملف الذي تكرمت حضرتك ورفعته
أكيد غاية في الجمال
لإن حضرتك ذو فكر واعي وفني راقي جدا
والله أقولها بلا أي مجاملة
ويكفي العنوان الذي اخترته حضرتك ( ما هو الحب )
خالص تحياتي واحترامي

أخى الغالى الأستاذ غازى
أشكرك لمجاملتك الرقيقة قبل أن تسمع الملف
يارب ماتغير رأيك بعد سماعه
وخد بالك من الترتيب لإنه موش عشوائى
فى انتظار عودتكم بالسلامة لتحميله وسماعه
مع تحياتى

**غواص النغم** · #8 24/04/2008, 12h46

اقتباس:

المشاركة الأصلية كتبت بواسطة د.حسن

أشكر الأخوة الأساتذه محمد أبومندور وكمال عبدالرحمن وعبدالمنعم
والإبنة الأستاذة هاله (لولى 76) على تعليقاتهم على الكوكتيل الإسكندرانى
وأشكر الأخ الأستاذ غازى لتذكيرى بموضوع الحوارات بين المطربين
وهاهى محاولة أخرى أهديها لأحبائى بالمنتدى بعنوان
ما هو الحب ؟
وبرضه فى انتظار تعليقاتكم
مع تحياتى

د.حسن
رائع الملف
و
انت الحب

**د.حسن** · #9 24/04/2008, 14h46

اقتباس:

المشاركة الأصلية كتبت بواسطة عبدالمنعم

د.حسن
رائع الملف
و
انت الحب

أخى وصديقى أ. عبدالمنعم
أشكرك لذوقك الرفيع وأدبك الجم
فــــــ
بالحب وحده إنت غالى علىّ
بالحب وحده إنت ضى عينيه
بالحب وحده .. وهو وحده شويه ؟
بس تعالى هنا وقول لى
رأيك إيه فى آخر أغنية فى الكوكتيل ؟
أكيد عرفت مين اللى بتغنيها
مع تحياتى وشكرى

**غازي الضبع** · #10 24/04/2008, 07h26

اقتباس:

المشاركة الأصلية كتبت بواسطة عبدالمنعم

ياسلام ماتخفش من المطاريد اللي حتلاقيهم على شط بحر الهوى(( كارم محمود)) ارمي لهم بيت شعر كده تحية لهم خليهم يتلهوا فيه ونط في بحر الشوق ((كارم محمود)) وغني له
امانة يا بحر امانة ((صباح))
تعرف اني انا بعشق البحر((نجاة))
وبحب البحر بحبه((فدوى عبيد))
ولو البحر زاد ((محمد عبدالمطلب)) انا عارفك عوام ((محمد فوزي))جامد و مفيش موجة((محرم فواد))في بحورك الغريقة((ليلى مراد)) في الشعر قدرت عليك
انا مستنيك بس حتلاقي عروسة البحر ((الكحلاوي) بيغنيلها عبدالوهاب ياحلم الخيال ((الجندول)
وحتلاقي عيال صغيرة يلعبوا مع طيور النورس ((محمد ثروت)) ويغنوا ويقولوا في البحر سمكة((ايمان البحر درويش)).. وقول لهم البحر بيضحكلي((سعاد مكاوي شكوكو))
وطبعا انا معك بنشكر د.حسن اصله من اسكندرية((احلام)) يعني من بحري وبنحبوه ايوووه((هدى سلطان))
ياللا ع اسكندرية ((شكوكو اسماعيل يس سعاد مكاوي)) يا اسكندرية ((شادية ثريا حلمي كاميليا)) زي البحر غرامك ((محمد قنديل))
واكيد حتلاقي البحر فرحان متهني (الكحلاوي)) ومادمنا في اسكندرية حنلاقي البحر الابيض بيغني((شادية))
وتلاقي صياد ((رشدي)) بيقول كسفتيني ياسنارة((شادية)) واخر بيقول عدينا يامعداوي((شادية))
ويامراكبي ((البليدي)) وتنده تاني وتقول يامراكبي((اسماعيل شبانة)) وثالث ((ليلى جمال))
وتقول يامعداوية((قنديل))وتلاقي مركب حبيبي ((قنديل)) تركب فيه وتقول عديني يامعداوي((البليدي))

إيه يا عبد المنعم الحلاوة دي
الله ينور عليك يا باشا
جميلة قوي الحكاية اللي حكيتها دي

تحياتي