لامبورجيني
لامبورجينى .. لامبورجينى
وحسن نـاوى يطلـَّع عـيـني
سيبنى احلم بيـها و لو مَـرّة
و من الحلم اوعَى تصحيني
لامـبورجينى .. لامبورجينى
لامبورجيني .. و لامبورجينـَّا
نِنـَّـا و نامـي يا شعـوب نِنـَّـا
يركبـها عصـابة و شافـطينـَّا
و اذا قــلت لهـم كـَيفَ ومـاذا
يقولوا لك : أ ُصبر .. تتهنـّىَ
ما تبـحلقــشى و سيبَـك مِنــَّّا
و كفايـة علـيك تدخـل جَــنة
و تمَزمِـز فى الحُـور العينى
لامـبورجينى .. لامبورجينى
لامبورجينى .. لامبورجينى
قولها يا غلبان اوعَى تخاف
ناس تتعشىَ سَـمَـك بَـربونى
و ناس تتصبَّر برغيف حاف
خـبيت هَمِّـي جُـوة عيــوني
وحمـارتى العـارجة تغنينى
لامبورجينى .. لامبورجينى
لامبورجينى .. ولامبورجينـَك
و على الأسعـار .. الله يعينـَك
مستورة يا رب .. و شاكرينك
و اكتبــــهـا لى ..أحِـج لبـيتـَك
من ميـِّة زمـــــــــزم تروينـى
لامـبـورجيني .. لامبورجيـني
لامبورجينى عند صاحِـبنا
إللى بيتعَـشى كامـيـلووني
و يمزمِز بكاسين مارتيني
و احنا آخرنا خيارة وجبنة
يا مثبت لى عقلي و دينـي
لامبورجيني ..لامبورجيني
هوَّ غـَداه الباربيكيــــــــووو
و احنا نغنـِّي نقول ظلمووو
هوَّ يقول ميرسى مسيـــووو
و احنا البيئة نقول (أيّووو )
و اذا قلنا مش لاقيين عيــش
حايوصـِّينا ناكلواجاتــــووو
لا مبور جـِينـُه
على لامبور أهل اللي جابووو
جايز تلعَــــــب يــوم البـِلية
و يحِـن زمانى اللي ناسينى
لامبورجيني ..لامبورجـيني
لامبورجينى .. و لامبورجينهم
اضحك يَللا و سيبَـــــــك منهم
حَكـَمُـونا بالــرأس مالِـــــية ..
و احنا على اللامبورحاسدينهم
ربــــــــك يـستـُر و يعَــــدّلها
و يـــدوم الإنـتــــاج الصِـينى
لامـبـورجينى .. لامبورجـينى
نقلاعن الآنسة المكافحة زيزى طوب الأرض :
لامبورجينــــى ركـِّبهــــــا لى
يا مسَـمسِم يا حليـوة ياغــــالى
و على الديسـكو نروح طوَّالى
و حاشيلك فى رمُـوشى وعينى
لامـبورجـينى .. لامـبورجـينى
__________________
شاء اللي شاء ،، و اللي داء ،، مِـن وَردِة الشـِّفة
نـَـهَـل نـبـيـذ لاِشـْـتِيـاء ،، نهـــرِين ،، و لـَم كـَـفـَّىَ
شـَـهَـقْ شـُعاع خِصرَهَا ،، سَرْسِـب نـَدَى مَصْهـور
وِ فْ كلّ سَـرسوب شُـعاع ،، مَـلايكة مُصْـطـَـفـَّــة
يا تـراب و مخلوط بماء ،، إزاى غـَوِيـت النـُّـــور
يـِفـُــــــــــور علـى سِحــرَها ،، و فِــيها يـِتخـَـفـَّـىَ
كمال
رد: قارئة ُ المَجّ . .// سمعجي
العرض المتطور
