تحليلات سيادة الرئيس ـ أبو على - الصفحة 34

**سيادة الرئيس** · #1 13/05/2009, 07h29

اقتباس:

المشاركة الأصلية كتبت بواسطة إســـلام

عليا النعمة دي جولة ولا جولة الكاميرا في زمانها

متعة فوق الوصف جمال وإبداع وإتقان وتمكن ضيف عليهم روقان
روح يا شيخ ربنا يروق بالك انت وصاحبك اللي قال
حاكم أنا معزش حاجة في الدنيا قد الروقاااان
في بداية استماعي بالمقطوعة انبهرت بالنقلة البديعة في 1:28 وقال إيه كنت هعلق عليها لقتيني بعدها مش عارف أعلق على إيه ولا إيه ولا إيه إشي حديث الروح وإشي نهر خالد وإشي وإشي وبدل ما أعلق أتاريني أنا اللي اتعلقت

و الله كلك حس يا فنان

**unicorn** · #2 13/05/2009, 00h07

اقتباس:

المشاركة الأصلية كتبت بواسطة سيادة الرئيس

ممدوح الجبالي

على عودي

شكرا يا سيادة الرئيس على هذا الاختيار الرائع , تسلم منح مايو يا ريّس
و بمناسبة ممدوح الجبالى لى طلب لو سمحت ,
لحن الحدود لعمار الشريعى ممدوح الجبالى عامله آخر جنان و رافعه على بروفايله على الفيس بوك للاستماع فقط , دخت لتنزيل هذا العزف الرائع لممدوح الجبالى فى كل ارجاء الشبكة حتى اضطريت للاشتراك فى منتديات ضايعة , و للاسف برضه مش موجود ,
اتعشم ان يكون عندك يا استاذ صلاح ,
كل مايو و انت طيب يا ريس

**الألآتى** · #3 13/05/2009, 00h58

ياساتر .. يالهوى ..

أنا إنقطع نفسى .. على رأى إسلام ..

إيه ياعم صلاح ده .. جرعة مكثفة من الإبداع وتنظيف الأذن ..

نتكلم بقى عن هذه الكوكبة .. ماينفعش نسميها مقطوعة .. لأنها مش مقطوعة واحدة ..

إختار عمنا ممدوح الجبالى .. أشهر المقطوعات والأغنيات الموجود بها مساحة للعود .. وكان أحسن إختيار ..

الملفت للنظر أنه فتح بعمار الشريعى ( قبل النهاردة ) .. وقفل برضه بعمار الشريعى ( رأفت الهجان )

هل هى صدفة ؟ .. جايز

طبعاً ياناسينى والنهر الخالد .. من أشهر المقطوعات التى تحتوى على صولو عود متميز ..

وبينهما حديث الروح وعندما يأتى المساء .. إختيارات موفقة بالتأكيد ..

أما الإنتقالات .. فعمد عمنا ممدوح إلى إتباع طريقة الركوز .. أى يرتكز على درجة نغمية واحدة لبعض الوقت ومن ثم الإنطلاق إلى جزء أخر ومقام جديد .. أو يظل على المقام القديم ..

وأحياناً كان يستخدم جزء معين لإستعماله كوبرى للربط بين مقطوعتين .. مثل الجزء الخاص بـ عندما يأتى المساء .. الذى ربط به بين حديث الروح وياناسينى ..

أنا بصراحة إستمتعت .. وفكرتنى هذه الكوكبة بالمقطوعات التى كان يستهل بها سيد رجب حفلاته .. فكنت أنتظر الحفلة التى يكون فيها فرقة سيد رجب .. لأنه دائماً مايتحفنا بمثل هذه الروائع .. وكان الشغل على الشعرة زى ماعمل عمنا ممدوح الجبالى ..

عم صلاح .. أنا عايز من ده .. تانى .

**سيادة الرئيس** · #4 13/05/2009, 07h36

اقتباس:

المشاركة الأصلية كتبت بواسطة الألآتى

عم صلاح .. أنا عايز من ده .. تانى .

فائلك طيب يا عمنا

**abuzahda** · #5 13/05/2009, 04h18

اقتباس:

المشاركة الأصلية كتبت بواسطة unicorn

شكرا يا سيادة الرئيس على هذا الاختيار الرائع , تسلم منح مايو يا ريّس

و بمناسبة ممدوح الجبالى لى طلب لو سمحت ,
لحن الحدود لعمار الشريعى ممدوح الجبالى عامله آخر جنان و رافعه على بروفايله على الفيس بوك للاستماع فقط , دخت لتنزيل هذا العزف الرائع لممدوح الجبالى فى كل ارجاء الشبكة حتى اضطريت للاشتراك فى منتديات ضايعة , و للاسف برضه مش موجود ,
اتعشم ان يكون عندك يا استاذ صلاح ,
كل مايو و انت طيب يا ريس

و انا كنت مستني العلاوة ، بس عمنا الآلاتي صرفها بسخاؤه المعهود
خلاني أعدت الإستماع بطريقة كلها مكاسب

* * *

ربنا يديم دولة حُسن فخامتك يا ريّس العفاريت
يا مجمّع الحلوين