كلمات الأغاني المغربية

[chraibi]

كلمات:أحمد الطيب العلج
الحان:عبد القادر الراشدي
صاحب الاغنية:نعيمة سميح
السنة:1985

جاري يا جاري ياللي
دارك حدا داري
خلينا نمشيو فالطريق
رفاگة و صحاب
العشرة و الدين و النسب
نوليو دراري
شفايا للعدا
و كنا نساب حباب
*******
جاري لا تحسبني ضعيف
قادر نحمي نفدي الدار
لكن أصلي و طبعي شريف
و نفضل نمشي بالنهار
و زعما يا جاري
راك عارف فاهم قاري
آش هاذ الغلط يا الخاوة
راجع لحساب
********
أرضي أرض الخير گولها
بالصوت العالي و لا تخاف
و إلى نتحمل ذلها
كتافي ما بقاو ليا كتاف
و زعما ياجاري
راك عارف فاهم قاري
آش هاذ الغلط يا الخاوة
راجع لحساب

[chraibi]

******رائعة القمر الاحمر********
كلمـات عبد الرفيع الجواهري


الحـان عبد السلام عامر


صاحب الأغنية عبد الهادي بلخياط

السنة:1964

خجولاً أطلَّ وراءَ الجبال

وجفنُ الدجى حولَهُ يسهرُ

ورقراقُ ذاك العظيم على

شاطئيه ارتمى اللحنُ والمزهرُ

وفي موجه يستحمُّ الخلودُ

وفي غوره ترسب الأعصُرُ

*******

خشوعًا أطلَّ كطيف ندٍ

وفي السفح أغنيةٌ تُزهر

تُوَقّعُها رَعَشاتُ الغصونِ

يصلي لها ليلُنا الأسمر

على الربوات استهام العبير

تعرى الجمال شدا الوتر

*******

وشقراءُ من عرصاتِ الضبابِ

يعُبُّ السنا طرفُها الأحور

لقد ظمئت روحُها للضياءِ

وفي بلدتي أكؤسٌ تُسكر

وقلبُها ملَّ ليالي الضبابِ

وفي ليلنا أنجمٌ تُمطر

تسائلني حلوةُ اللفتات

ومن شفتيها الشذى يقطر

*******

أفي مرجكم تولد البسماتُ ؟

أفي ليلكم قمرٌ أحمر ؟

ورقراق موجاته أغنيات

امن سحره تنبع الأنهر؟

وعزةُ هامات هذى الجبال

أفي صخرها يرقد القدر؟

وهذي المراعي الخصاب اللـوحي

في أرضكم معبد أخضر؟

*******

تسائلني حلوة الوجنتين

يسائلني طرفها الأحور

وفي السفح تاه عبير الأماسي

وفي أفقنا يسهر القمر

[chraibi]

كلمات: ناجي جميل
الحان : عبد القادر الراشدي
صاحب الاغنية: سيدي محمد الحياني

من ظي بهاك كحلت عيوني بليل و نهار
من فرط هواك هذه النار فقلبي ترمي بلشرار
نبي الله, رسول الله انا بالله سيدي و بيك عاني
##################
يالي باسمو صدحات فغناها وشدت الطيار
وروات عليه كل موجة ذابت من موج لبحار
من يوم عمر بغرامك قلبي شعلت فيه نار
زينك وحدو بين عيني يظوي ظي لقمار
الحق حي بين يدك ونشر علينا علامو
رفع الله بك يا محمد حبيبنا مقامو
من بيت الله فاح طيبه يا نعم الطيب ونسامو
لولك انت يالهادي فاق اليل فظلامو
سعدالي بيك يترنم فصلاه ويحلي صيامو
ويضل يعطر بسمك الجليل الزاهي كلامو
هايم فهواك, بالي فبهاك, انا بالله سيدي و بيك عاني
###################
باب الرحمةو الشفاعة يا مول الجاه العظيم
بدموعي جيت ندق فبابك يانعم الكريم
عصيت الله ماكفاني وظلمت انا فلقديم
مالي حيلة غير فضلك نرجاه والعاصي عديم
جيتك تشفع يالشافع فيا وداوي سقيم
والي مالو شفاعتك غدا يوقف باكي يتيم
رجايا فيك وغرامي ليك
بالله وبيك سيدي ظوي مكاني

[chraibi]

كلمات : احمد الطيب لعلج
الحان : عبد القادر الراشدي
صاحب الاغنية: اسماعيل احمد

سنة:1964

أمحمد صاحب الشفاعة والنور الهادي
يا محمد بك تنشهد من بعد الله
أمحمد كون لي شفيع يوم الميعاد
أنت عين الرحمة يا النبي عظيم الجاه
****
عطت أمثال في الصبر وإيمان الصادق
بالدعوة لله وحده العالي القدير
وكنت قدوة لكل مؤمن ،
والمؤمن الصادق بالحكمة والصبر والثبات وحسن التدبير
أنت في الدنيا عنايتي وفي الأخيرة زادي
وأنت في الشدة حمايتي يا حبيب الله
أنت مقصودي، وغايتي باسمك نادي
يا منبع النور كون لي يا رسول الله
****
علمت للناس المحبة بالقلب الصافي
والرحمة و الأخوة والعاوين والنكران الذات
بشرتي بالخير والسماحة والطبع الوافي
وريتي للإنسان طريقه للحسنات
****
يا مصبح الهدى يا النبي خاتم الإرسال
جاهك عند الله الكريم تسود الحكمة
وحفيدك يوفقه الله ويسرح الخبال
ويرفع مقام الحق ومقام الأمة
****
ربي يا ربي تأيده وتسدد خطاه
حتى ينصر علام النبي والمثل العالي
وتحفظه حفظ اللسان وتحقق موناه
هو وأولاده وأمته يا نعم المتعالي
****
أمحمد صاحب الشفاعة والنور الهادي
يا محمد بك تنشهد من بعد الله
أمحمد كون لي شفيع يوم الميعاد
أنت عين الرحمة يا النبي عظيم الجاه

[chraibi]

**اغنية موحال واش ينساك البال**

كلمات:فتح الله لمغاري
الحان: عبد الله عصامي
صاحب الاغنية: الاسطورة محمود الادريسي

موحال واش ينساك البال
موحال واش إسمك يتمحى
غبتي إنت وبقا الخيال
شاغلني في مسا وضحى
مازال ما فقدت الأمل مازال
مازال ما طويت الصفحة
صفحة غالية في حياتي
ومرسومة في صميم القلب
وكفاش يمكن نطويها
صفحة نابعة من ذاتي
وممزروجة بخيوط الحب
ودموع لوفا ترويها
وإلى سألتها تتكلم
وتفاجي علي لهوال
وتحلى الدنيا بيها
وإلى طويتها نتألم
ونعيش ثاني في المحال
والحيرة ترجع لي
باني من خيالك صورة
هي ونيستي في الوحدة
وهي كل ما كنملك صورة
فيها حياتي محفورة
تناجيني وقت الشدة
وعايش بيها من أجلك
وخا تغيب سنة وسنين
راه خيالك ديما في البال
تقدر تحرمني منك
ومن خيالك هذا موحال
مو حال واش ينساك البال
موحال إسمك يتمحى
غبت إنت وبقا الخيال
شاغلني في مسا وضحى
مازال ما فقدت الأمل
مازال ما طويت الصفحة

[chraibi]

**اغنية الغريب**

كلمات"مصطفى بغداد
الحان:عبد الرفيق الشنقيطي
صاب الاغنية : الاسطورة محمود الادريسي

الشوق يسبقني غادي
وقتاش نرجع لبلادي
لمن نحكي ونشكي
لا حبيب ولا قريب
عيوني أنا تبكي
يحسن عوان لغريب
فين أهلي وأحبيابي
فين أخوتي وصحابي
فين أرض جدادي
وفين شمس بلادي
توحش بلادي
لمن نحكي ونشكي
لا حبيب ولا قريب
يحسن عوان لغريب
أنا في ارض غريبة
ودنيا قاسية صعيبة
تغربت وطالت الغيبة
توحشت بلادي
بلادي لحبيبة
الله على بلادي الله
صوت من عماقي ينادي
الله عليك يا بلادي يا بلادي
نتمنى نوصل مرادي
ونتهنى من محاين نعاني
فين أهلي وحبابي
فين أخوني وصحابي
فين أرض جدادي
فين شمس بلادي
توحشت بلادي
لمن نحكي ونشكي
لا حبيب ولا قريب
يحسن عوان لغريب

هنا السما غايمة
الله الله على سما بلادي
شمس باهتة نايمة
والناس في حيرة دايمة
الله على شمس بلادي
الله الله على ناس بلادي
صوت من اعماقي ينادي
الله عليك يا بلادي يا بلادي
نتمنى نوصل مرادي
ونتهنى من محاني
فين أهلي وحبابي
فين أخوني وصحابي
فين أرض جدادي
فين شمس بلادي
توحشت بلادي
لمن نحكي ونشكي
لا حبيب ولا قريب
يحسن عوان لغريب

[محمد الازمي]

كلمات : حمادي التونسي الحان : محمد بنعبدالسلام
صاحبة الاغنية : أمينة إدريس


هادي ساعة وانا غادة جاية عقلي و فكري ماكاينشاي
كنعاين التلفون نسمع رنة نوقف نقول شكون
كنعاين التلفون من عند حبيبي
كنعاين التلفون يطفي نار كليبي
عمل معايا الحضاش و هادي الطناش
علم الله اشنو جرى له
واشنو جرى له
ألو ألو شكون بغاني ونساله
هادي النمرة ستين ثلاثة واحد وخمسين
لا لا ماشي أنا ياسيدي النمرة غلط ياسيدي
كيف يكون نساني وهو عاطيني العهد
كيف يكون نساني و حبه في عماقي خالد
خلاني خلاني
هادي ساعة وانا غادة جاية
ألو ألو شكون بغاني ونساله
هادي النمرة ستين ثلاثة واحد وخمسين
لا لا ماشي أنا ياسيدي النمرة غلط ياسيدي
وعدني و خالف وعده
ونساني ونسى وده
والله ماعرفش ماله
ولا اللي غير حاله
خلاني خلاني
هادي ساعة وانا غادة جاية
ألو ألو شكون بغاني ونساله
هادي النمرة ستين ثلاثة واحد وخمسين
م م م م م م م م م م م
عيب عليك تخليني ف نار الحيرة
عيب عليك تخليني للشك و الغيرة
سمحي لي يا نور أحلامي
سمحي لي و ثقي بكلامي
الغلطة لأول نوبة
يا روحي هادي و الثوبة
قلبي مسامحك عمره مايخاصمك
سامحني الوقت فات وماما تنادي عليا
سامحني الوقت فات دابا نحكي ليك ف لعشية
هادي ساعة وانت غادة جاية عقلي و فكري ماكاين شاي
كتعايني التلفون تسمعي رنة توقفي تقول شكون
كنعاين التلفون نسمع رنة نوقف نقول شكون
كتعايني التلفون من عند حبيبي
كتعايني التلفون يطفي نار كليبي
علم الله اشنو جرى له
والو والو