متى ستعرف كم اهواك ؟

[هاله]

المشاركة الأصلية كتبت بواسطة حسن كشك

الاخت الغاليه
لولو
انا خليت رايي فى الاخر
عارفه ليه
لان القصيده دى كنت اتمنى واحده تانيه غير نجاه تغنيها
لانى اشعر ان نجاه لم توفق فى غنائها - وجعلتنى اسمعها
وامل من استكمالها بصوت نجاه - هذا احساسى لما بسمعها
يمكن شعور يخالف كل الافاضل اللى سبقونى - لكن السمع
برضوا ازواق - وممكن يكون زوقى تالف
لان اللحن اللى قدمه عبد الوهاب لنجاه ونحن نعرف ان نجاه
فى اواخر اغنياتها فقدت الكثير من رونق صوتها واصبح
مكتوم شويه - فكتمت الاغنيه معاها وبتؤديها بطريقة اليه
مع الموسيقى - يعنى كانت تابعه للموسيقى مع ان المفروض
ان نشعر ان الموسيقى تسير خلف صوت المطرب وتسنده
يعنى عبد الوهاب كان همه ان تظهر حرفيته فى اللحن و
الوقفات اللى كان مشهور بها - فاصبح غناء نجاه مقولب
ومثال ذلك فى بداية الاغنية
متى ستعرف كم ............ اهواك يااملا ابيع من اجله الدنيا ومافيها
لو تطلب البحر ....... فى كفيك اسكبه ..... الخ
مع ان المفروض ان حبيبه بتكلم حبيبها .... مش هيكون
بالطريقه المقولبه دى لكن بطريقه اكثر تحررا ولا ايه رايكم

يااهلا بالاستاذ حسن منور والله
وطبعا خليت رايك فى الاخر علشان نحلى مش كده
واكيد اكيد ذوق حضرتك مش تالف ولا حاجه هى مساله اذواق فعلا
ولحضرتك وجهه نظر تحترم فعلا
ده كفايه ان حضرتك شرفت الاغنيه بالتعليق عليها
ولا ليك راى تانى

[جرامافون]

الأستاذ الفاضل / صلاح
المفروض ان نجلس في رحاب العلم منصتين وأنا أتعلم الكثير والكثير فعلا بلا ادني مجاملة من مواضيعك وشرحك الدقيق ودروسك الرائعة .. لكن هاتعمل ايه في تلميذ شقي حبتين مقدرش يقعد ساكت ويتعلم في هدوء (اللي هو أنا طبعا)
واللي جرجرني من (كيبوردي) وارغمني علي كتابة هذه المشاركة ليس الموضوع والشرح القيم ابدا عمل بالقول (تروح فين يا جرامافون بين الملوك)
لكن السبب انك طلعت بلدياتي .. لا ومنين من العجال بحري بندر البداري محافظة اسيوط .. يعني من بلد الاكابر والنوابغ من امثال المستشار الكبير ورجل مصر العظيم ممتاز نصار رحمه الله وغيره .. وبهذه المناسبة .. بعد اذنك اضحكك
سمعت من اصدقائي البدراوية الرائعين مثل جميل ربما تعرفه ورغم انه لا يكتب وانما جماله في القاءه مسموعا لكن هذه حيلتي

بيقولك البندقية الهندي (أم روحين) في حوار لطيف
بتقول للبندقية الالي (وهي تضرب خرطوش)
نستطلح .. نستطلح .. نستطلح
فيجيبها الرشاش الالي قائلا وهو (يزغرد) يضرب دفعة زخيرة متتالية
لا لا لا لا لا لا لا لا لا لا لا

.. جرامافون ..