كلمات الأغاني المغربية

**chraibi** · #1 04/04/2008, 12h37

اغنية ما بقيتي عندي في البال
من غناء لحبيب الادريسي
ومن الحان عبد الرحيم السقاط
وكلمات فتح الله لمغاري

قدمت سنة 1964

ما بقيتي عندي فالبال ما بقيت اسمك نناديه
النهار شـحال ما طال لازم الـلــيــل يــغــطـيـه
***********
شحال خليتني في الباب و الشتا عليَّ هطَّالة
شحال ذوَّقتيني لـعذاب و حالتي ما هيَّ حالة
***********
وفاضت بدموعي لبحور و الدموع في العين مازالة
و مـا عــرفـتـي الــزمـان يـدور و الـسـوايـع بـدالـة
***********
لو كان حنـيـتي و شفقتي، قبل ما أترد جوابك
لو كان فكرتي و رحمتي، يوم ما دقيت فـبابك
***********
جفيتي البارح و قسيتي و كنتي سباب عذابي
و اليوم خلاص نـسيتي و جاي أدق فـي بابي

**chraibi** · #2 04/04/2008, 12h50

فتح الله لمغاري
:كلمـات

الحان: العربي الكواكبي

غناء فتح الله لمغاري

*ضاعت لي نوارة***

ضاعت لي نوارة
كانت ليا جارة
نسقيها بيديا
كل ما عملت خسارة
ما نويتها غدارة
هكذا تسلم فيا
نوارة جميلة يا ناس
ما نويتها تغدرني
مللي مشات ما شفت النعاس
وللي شافها يعذرني
مسقية من طيب العود
وقلبي بيها فرحان
ضاعت ما بين ورود
ومابين رياض و بستان
*********
و سولت فكل مكان
يا اللي شفتيها
خبرني عليك الأمان
زينة إلى وصفتيه
لونها يشبه بلعمان
راه قلبي مولع بيها
مللي مشات و أنا ولهان
ضاعت لي نوارة

**chraibi** · #3 04/04/2008, 21h37

واليكم الان اغنية
***راح***
كلمات: الأمير بندر بن فيصل بن سعود

والحان: سلطان العود سعيد الشريبي

ومن غناء الفنانة العملاقة : نعيمة سميح

*******************
راح راح راح
بقى منو دقايق ثواني
و ذكريات أيام جميلة
يكفيني نتصور
الزمان يتغير
أنا ما نتصور
إيديا إلا بيديه
جوابي إخلاصي
إلى سولوني عليه
و هذا نصيبي و رزقي على الله
..
و خا بعيد عشيري بعيد
يدور الزمان و يرجع العيد
و شحال و نا بعذابي راضية
آش بغاو الناس
ما دمت أنايا صابرة
..
واه واه على الغربة
واه واه على الفراق
الله الله على الفرحة فملقى العشاق
الله الله لما ترجع
و تشوف ناس و تسمع
هذي حكايتي
حكاية صبري الجميل
رجع لي حبيبي و هذا الدليل

**chraibi** · #4 12/04/2008, 00h28

كلمات فتح الله المغاري

إلى غاب كاس البلار
يبقى فلبي محتار
خايف عليه
يدور من دار لدار
من يد ليد نهار
نستنى فيه

يا كاس سومك غالي
و الناس ما تعنى بيك
كلها يقول ديالي
و اللي شرب يخليك

و انا نهدي مالي
و بروحي و عيوني نفديك
حتى شي ما يحلى لي
غير نظرة فيك

لا تغيب يا كاسي إلى مشيتي
و لا تقول لغيري منين جيتي
غير سير و ولي عندي كيف كنت
و سقيني من ماك إلى رجعتي

يا كاس سومك غالي
و الناس ما تعنى بيك
كلها يقول ديالي
و اللي شرب يخليك

**chraibi** · #5 12/04/2008, 00h35

كلمـات علي الحداني

الحـان محمد بنعبد السلام

صاحب الأغنية نعيمة سميح

السنة1973

الله عليها قصارة

زرت و نفعاتني زيارة
و نعمت بساعة حداه
و عشت بين هاك ورا
و حلات الجلسة معاه
و بدات قلوبنا تبارى
و البارع يحكي هواه
الله عليها قصارة
العشيق تلاقى بخاه
**********
صار الهوى يلعب لعبو
ياتي بالمايا و الأشعار
صار قلبي يمحي آثار عذابو
محايني و لهيب النار
صار قلبي يهمس فودان حبابو
خايف اللحظة لا تقصار
الله عليها قصارة
**********
الليل معانا باحلامو
فن و جمال و حكايات
رطب شواقنا بانسامو
ذوقنا حلاوة الحياة
و بلغ بينا الهوى حدو
و حنا ما زال عاد فالبدو
و الحب يباركها عشرة
يهدينا أحلى ما عندو
الله عليها قصارة
العشيق تلاقى بخاه
**********
عمري ما حسيت أنا
بهاذ النشوة و بهاذ الهنا
أول مرة شافت عيني
يا ناس الفرحة فرحانة
فعيون حبيبي شايفها
بقلبي و بروحي حاملها
الله عليها قصارة
العشيق تلاقى بخاه

**امين الفل** · #6 12/04/2008, 00h38

تبارك الله عليك يا سي شرايبي.
واصل ابداعك اخي
خلي الأغنية المغربية تتعالى

**أحمدوحيدصابر** · #7 17/10/2008, 00h58

الأخ المحترم شرايبي نشكرك جزيل الشكر وبارك الله فيك على هذه الإلتفاتة الرائعة ..هل تعلم ان هناك اللألاف من الشباب الجزائري يتعطشون للتعرف على الكلمات ..انهم في كل ليلة وبعد انتهاء العمل الفني طبعا يتنافسون .من يحفض أكثر من كلمات مغربية .. بشكل عام .مع حفض الألقاب.........عذرا لقد اطلت في الحديث ونسيت نفسي وأنا امام أستاذ عملاق المعلومات الفنية واكبر عاشق للفن العربي . إنه الأستاذ المبجل الحفاضة أو المكتبة الناطقة ...مختار حيدر... تحيتي ومودتي ..أحمد وحيد صابر بورنان

**أحمدوحيدصابر** · #8 17/10/2008, 01h01

الأخ المحترم الأستاذ شرايبي نشكرك جزيل الشكر وبارك الله فيك على هذه الإلتفاتة الرائعة ..هل تعلم ان هناك اللألاف من الشباب الجزائري يتعطشون للتعرف على الكلمات ..انهم في كل ليلة وبعد انتهاء العمل الفني طبعا يتنافسون .من يحفض أكثر من كلمات مغربية .. بشكل عام .مع حفض الألقاب.........عذرا لقد اطلت في الحديث ونسيت نفسي وأنا امام أستاذ عملاق المعلومات الفنية واكبر عاشق للفن العربي . إنه الأستاذ المبجل الحفاضة أو المكتبة الناطقة ...مختار حيدر... تحيتي ومودتي ..أحمد وحيد صابر بورنان

**الإدريسي فؤاد** · #9 11/02/2009, 14h01

بارك الله فيكم أحبتي وفي جهودكم الرائعة
ولعلِّي لا أثقل عليكم لوتكرمتم إن أمكن كتابة كلمات أغنية اسمحلي ياقلبي
لفنان الراي المغربي المُبدع ميمون الوجدي
شاكراً ومقدِّراً حرصكم واهتمامكم
ودمتم في رعاية الله وحفظه

**medhoune** · #10 30/03/2009, 00h48

السلام عليكم و رحمة الله و بركاته، ارجو من الاخ العزيز شرايبي إمدادي بكلمات اغنية سيدي عمارة للفنان المغربي حميد الزاهير و شكرا لك اخي الكريم على مجهوداتك الجبارة