رجَّع الشريط

**حسن كشك** · #1 07/03/2008, 14h33

اقتباس:

المشاركة الأصلية كتبت بواسطة سمعجى

يا بو علي يا بتاع البلي باه

كان فيه أغنية إسمها :
البلي بلي باه .. و حبيبنا بنستناه
نفسي افتكر مين اللي غناها .. تكونشي سماح بتاعة اسكندرية !
إفتكر كدة يا عم حسن !!

وغناها كمان الفنان
عبد العزيز محمود
فى فيلم الكيف لكن قلب كلامها
الى الكيمى كيمى كى
والكيمى كيمى كاه
بدل البلى بلى بى
والبلى بلى باه
وغناها ايضا نجيب الريحانى فى احدى مسرحياته
وغناها فؤاد المهندس فى فيلم بديعه مصابنى
وغنتها سماح الاسكندراينه
ماشيه معاك ياكيمو اغنيه محمود عبد العزيز ( الكيمى كيمى كاه ) ياكيمو

**محمود** · #2 09/03/2008, 20h08

أول كلامي سلام ..

الصديق ابو مندور ،

نورك ملأ الصالون كله وتسرب ليضيء الصالونات المجاورة. مرحبابك.

أبو علي ..

كله تمام الله ينور. فقط ... (مورتو) كلمة إيطالية وكذلك برتغالية ، وربما تكون أيضا نفس النطق باليونانية لكنها بالتأكيد ليست فرنسية لأن الفرنسية هي (مورت) mort.

تحياتي

محمود

**unicorn** · #3 09/03/2008, 20h58

اقتباس:

المشاركة الأصلية كتبت بواسطة محمود

أول كلامي سلام ..

الصديق ابو مندور ،

نورك ملأ الصالون كله وتسرب ليضيء الصالونات المجاورة. مرحبابك.

أبو علي ..

كله تمام الله ينور. فقط ... (مورتو) كلمة إيطالية وكذلك برتغالية ، وربما تكون أيضا نفس النطق باليونانية لكنها بالتأكيد ليست فرنسية لأن الفرنسية هي (مورت) mort.

تحياتي

محمود

أول كلامى سلامى لك أخى و أستاذى محمود
شكرا على كلامك الرقيق يا محمود باشا
و النور انت اللى سايبه والع فى الصالون المحترم ده و انا جيت عليه
أشكرك على موضوعك الرائع و فكرته اللى كنا محتاجينها فعلا و الدليل (مورتو)
بحبك مورتو أخى محمود

**حسن كشك** · #4 10/03/2008, 01h10

اقتباس:

المشاركة الأصلية كتبت بواسطة محمود

أول كلامي سلام ..

الصديق ابو مندور ،

نورك ملأ الصالون كله وتسرب ليضيء الصالونات المجاورة. مرحبابك.

أبو علي ..

كله تمام الله ينور. فقط ... (مورتو) كلمة إيطالية وكذلك برتغالية ، وربما تكون أيضا نفس النطق باليونانية لكنها بالتأكيد ليست فرنسية لأن الفرنسية هي (مورت) mort.

تحياتي

محمود

اخى وحبيبى
السنيور محمود
ياعم كل واحد وعلامه انا ثقافتى فرنساوى وانت دكتور يعنى تعرف اكتر فعلا هى ( morto ) انا قلت يمكن عشان بيرم التونسى ثقافته فرنساوى زيى هتكون الكلمه فرنسيه وهو دلعها - لكن طلعت ثقافته ايطاليه - لكن اليونانيه دى اعرفها طشاش ويمكن تكون يونانيه عشان الخواجه ( بنيوتى ) ده اكيد يونانى وطبعا معروف ان الخمارات كان يملكها اليونانيون - وعندنا فى الاسماعيلية زمان - كانت محلات بيع الخمور يمتلكها يونانيون امثال وخد بالك من الاسامى الملعبكه ( جراسيموسى تيفيالاتوسى- بابا ستراتى - غرغورى - بنايوتى فاسوليس - ميشيل خريستيديس ( كان صاحب اجزخانه وتبيع الكينا ) والخواجه طناشى ( اه والله اسمه كدا وترك محله لاحد المصريين والمصرى بقى اسمه احمد طناشى واخوه محمود طناشى )

**غازي الضبع** · #5 10/03/2008, 06h59

يا جماعة في البداية اسمحوا لي أُحيي الأستاذ أبو مندور صديقي العزيز اللي غاب عننا فترة كبيرة .. وكمان كان قافل الرسايل بتاعته ..
يا عم أنا ياما غلبت أراسلك عشان أعرف فين أراضيك .. وما عرفتش.
المهم .. حمد لله على السلامة يا باشا ..
ولعم حسن أحب أقول له إن اللي غنى الكيمي كيمي كا هو الفنان محمود عبد العزيز وليس عبد العزيز محمود والأغنية من كلمات الكاتب الكبير محمود أبو زيد ..
وهذا الأخير اتسمت كل أغانيه بمناقشة قضايا هامة جدا بشكل ساخر وجميل .. عامل زي عمنا الأديب الكبير الأستاذ كمال عبد الرحمن ..
فاكر أغنية لامبورجيني

تحياتي ومحبتي لكم جميعا

**محمود** · #6 10/03/2008, 08h31

أول كلامي سلام ..

حسن باشا الاسماعيلاوي ،

بيرم طبعا عاش لفترة في فرنسا وفي أشعاره إشارات لهذه الفترة ، ولا أعلم إن كان يعرف اليونانية أم لا ، إنما هو بنايوتي ده اللي خلاني اقول ان مورتو يمكن تكون يوناني. لعل ظروف الاسماعيلية بحكم وجود شركة القناة والمجتمع الأوروبي الذي تواجد بها قبل التأميم هو الذي فرض هذا العدد من محلات بيع وتقديم الخمور. عندنا في كفر الشيخ كنا نطلع من صغرنا نلاقي محلين بقالة ويبيعون الخمور في نفس الوقت. أحدهما تودري كنترزبولوس (أظن في مسألة الأسامي المعقده احنا نكسب) والآخر كان من أهل البلد ، والاتنين قفلوا من زمان. حاليا لا أعرف سوى محل واحد .. فوزي برسوم .. اصلا بورسعيدي حضر مع التهجير بعد حرب 67 وكان وقتها يعتمد على الروس والبولنديين والبلغار الذين كانوا منتشرين في كل مكان في تلك الفترة للعمل مع الطيران سواء منه الحربي أو الزراعي. فيما يتعلق باللغة اليونانية ، فلا أظنني أعرف منها أكثر مما تعرف يا ابو علي .. يعني ممكن نخبَّط مع بعض للصبح.

تحياتي

محمود

**حسن كشك** · #7 10/03/2008, 09h08

اقتباس:

المشاركة الأصلية كتبت بواسطة محمود

أول كلامي سلام ..

حسن باشا الاسماعيلاوي ،

بيرم طبعا عاش لفترة في فرنسا وفي أشعاره إشارات لهذه الفترة ، ولا أعلم إن كان يعرف اليونانية أم لا ، إنما هو بنايوتي ده اللي خلاني اقول ان مورتو يمكن تكون يوناني. لعل ظروف الاسماعيلية بحكم وجود شركة القناة والمجتمع الأوروبي الذي تواجد بها قبل التأميم هو الذي فرض هذا العدد من محلات بيع وتقديم الخمور. عندنا في كفر الشيخ كنا نطلع من صغرنا نلاقي محلين بقالة ويبيعون الخمور في نفس الوقت. أحدهما تودري كنترزبولوس (أظن في مسألة الأسامي المعقده احنا نكسب) والآخر كان من أهل البلد ، والاتنين قفلوا من زمان. حاليا لا أعرف سوى محل واحد .. فوزي برسوم .. اصلا بورسعيدي حضر مع التهجير بعد حرب 67 وكان وقتها يعتمد على الروس والبولنديين والبلغار الذين كانوا منتشرين في كل مكان في تلك الفترة للعمل مع الطيران سواء منه الحربي أو الزراعي. فيما يتعلق باللغة اليونانية ، فلا أظنني أعرف منها أكثر مما تعرف يا ابو علي .. يعني ممكن نخبَّط مع بعض للصبح.

تحياتي

محمود

شفت الزمن يادكتور محمود
كان اليونانيون ياتون الى مصر من اجل لقمه العيش - وكانت مصر بالنسبه اليهم كانها اوروبا بالنسبه الينا-هو ايه اللى حصل فى الدنيا - بكره نروح نشتغل بوابين وسفرجيه فى السودان ويبقى اسمك واسمى عثمان ومرجان

يا اخ غازى
انا لم اخطأ فى الاسم
ولانى والدكتور محمود كنا بنتكلم لغات اجنبيه وقتها فانا كتبت الاسم من الشمال لليمين - اعد قراءة الاسم كده من الشمال لليمين هتلاقينى كتبته صح

**unicorn** · #8 10/03/2008, 14h34

حبيبى و عمى غازى
اشكرك يا على ترحيبك الحار الصادق
و كم أشعرتنى بخجل التقصير فى السؤال عنك فى الفترة الماضية
بس و الله أنا كان لى عذرى لأنى كنت مسافر
و كنت بدخل المنتدى بس لأطمئن عليه و على أن الجميع بخير و ليس للمشاركة أو للتحميل
و يا باشا أنا فتحت الرسايل و ال e-mail
و شايف موضوعاتك ما شاء الله فى منتهى الغنى و الثراء
ربنا يخليك للمنتدى الجميل ده يا غازى
و واضح أن ذوقك لسة زى ذوقى بالضبط لأنى بحب محمود أبو زيد و متابع كل أفلامه و مش عارف ليه مش بيعمل حاجة جديدة فى السينيما الان ؟, و بتعجب ازاى يكون الولد اياه ده اللى اسمه كريم أبو زيد يبقى ابنه؟
أما بالنسبة لتعجب استاذ حسن كشك حول عمل الخواجات فى مصر من أجل لقمة العيش
أذكره بأن مدرسي التاريخ كانوا بيقولولنا أن اسباب احتلال الرومان و الاغريق لمصر لأنها كانت سلة غلال أوروبا حيث كانت تخرج منها الحبوب لتصدر لكل أوروبا .و كانت مصر هى سبوبة أكل العيش لكل من ضاق به الحال فى الرزق ,
الى أن أتى عصر الرخاء و الرفاهية فأصبح الموت غرقا أو حرقا أهون من البقاء فيها.

**غازي الضبع** · #9 10/03/2008, 14h38

اقتباس:

المشاركة الأصلية كتبت بواسطة حسن كشك

شفت الزمن يادكتور محمود
كان اليونانيون ياتون الى مصر من اجل لقمه العيش - وكانت مصر بالنسبه اليهم كانها اوروبا بالنسبه الينا-هو ايه اللى حصل فى الدنيا - بكره نروح نشتغل بوابين وسفرجيه فى السودان ويبقى اسمك واسمى عثمان ومرجان

يا اخ غازى
انا لم اخطأ فى الاسم
ولانى والدكتور محمود كنا بنتكلم لغات اجنبيه وقتها فانا كتبت الاسم من الشمال لليمين - اعد قراءة الاسم كده من الشمال لليمين هتلاقينى كتبته صح

تعجبني يا عم حسن
أنا أحب اللي يعرف يخرج من أي مطب