موسيقى القافلة

**غازي الضبع** · #1 08/02/2008, 20h58

هاه
كنا بنقول إيه يا جماعة ؟؟

**صلاح السويفي** · #2 08/02/2008, 21h25

كنــا بنقوووول

وهــانقـــول

أهلا بالأستاذ غــازي

نوّرت مكــانك بالمنتدى

فأعضــاء المنتدى كأزهار البستــان

لكل نكهته ولونه ورائحته..بلاش طعمه

مع تحياتي أخي الفاضل

وأهلا وسهلا في منتداك طبعا

**غازي الضبع** · #3 08/02/2008, 22h00

أهلا بيك يا أستاذ صلاح
المنتدى منوّر بأعضاءه وأهله وناسه
وبستان المنتدى دائما زاهي ومضيء
بأزهاره ووروده
وماءه الذي يروي هذه الأزهار
وشمسه التي تُبعث فيه الحياة
...
إيه الكلام الجامد اللي أنا باقوله ده
! ! !
فينك يا سمعجي ويا عصفور
تيجوا تشوفوني وأنا باقول وباقول
كلامنا في سماعي كلام من نور
وصُحبتنا حلوة ومن غير عزول
...
لا .. لا .. لا
دا فيه حاجة غريبة النهاردة
أنا سِكرت ولا إيه ؟؟

**سمعجى** · #4 09/02/2008, 02h15

أشعِلوا القناديل
و أقيموا الولائم
و مُروا بالجواري ليرقصن في حضرته
و ليوزع الفـَلـَوذج و اللـَّوزِنج على السابلةِ في التكايا
إحتفاءا ً بعودة القائد المُظفـَّر
غازي

**الألآتى** · #5 09/02/2008, 02h56

حمدلله على السلامة ..

عود حميد وعبد المجيد .. أخيراً ياغازى فكّيت الحديد ..

هاهاها .

**غازي الضبع** · #6 09/02/2008, 14h29

اقتباس:

المشاركة الأصلية كتبت بواسطة الألآتى

حمدلله على السلامة ..

عود حميد وعبد المجيد .. أخيراً ياغازى فكّيت الحديد ..

هاهاها .

الله يسلمك يا عم محمد يا كبير الآلاتية
عود حميد وعبد المجيد
لكل ما هو جميل و مفيد
نسعد بكم من جديد
حبيبي يا بو حسام عقبال ما نندهلك باسم الحفيد

**غازي الضبع** · #7 09/02/2008, 14h26

اقتباس:

المشاركة الأصلية كتبت بواسطة سمعجى

أشعِلوا القناديل

و أقيموا الولائم
و مُروا بالجواري ليرقصن في حضرته
و ليوزع الفـَلـَوذج و اللـَّوزِنج على السابلةِ في التكايا
إحتفاءا ً بعودة القائد المُظفـَّر
غازي

الله .. الله .. الله
عليك يا أديب يا كبير الأدباتية
والله زمان
والله زمان يا سمعجي يا جميل
أقولها للمرة المليون أن أسعد شيء حدث لي في سماعي هي معرفتك وصداقتك يا صاحبي

**حسن كشك** · #8 09/02/2008, 03h58

اقتباس:

المشاركة الأصلية كتبت بواسطة ghazyeldaba

هاه
كنا بنقول إيه يا جماعة ؟؟

عودا احمد ياغازى
متقوليش احمد ده مين
نبقى خالصين ياحبيبي - هو كان تبادل اسرى

**غازي الضبع** · #9 09/02/2008, 14h31

اقتباس:

المشاركة الأصلية كتبت بواسطة حسن كشك

عودا احمد ياغازى

متقوليش احمد ده مين
نبقى خالصين ياحبيبي - هو كان تبادل اسرى

أهلا بيك يا عم حسن يا دراويشي يا جميل
واحشني كتيييييييييير جدا اجدا جدا
الله يبارك فيك ..

..
..
مين أحمد ده ؟؟

**عادل محمد** · #10 09/02/2008, 21h06

،،صديقى الجميل سمعجى ،على فكرة انت صاحبى من كام شهر بس انت مش عارف ، فى الحقيقة انت رسمت لوحة جميلة والحزن اللى فيها يا استاذ حسن حزن ميتافيزيقى وكملهالك الأخ العصفور واللون الرمادى هو اللون الحقيقى ، الألوان الصريحة خداعة وكدابة وفى الحقيقة انا باستمتع بحواركم
يقول محمد ابراهيم ابو سنة :
تسألنى :
من أنت ومن أين أتيت ؟
يا سيدتى :
طيف من خارج هذا الوقت
جئت من الأعشاب الباكية
على أقدام الريح
كى أعبر هذا الأفق ..
..الدامع محزونا ..وجريح