أخطاء نادرة في النص الغنائي

**سمعجى** · #1 27/01/2008, 01h57

كتبتها غلط إزاى ؟!
يكونشي فيه لغز في الموضوع ؟!

أنا متأكد و واثق و موقن إني كتبتها صح ..
و(طائرَ)مفعول به منصوب ، و الفاعل ضمير مستتر تقديره ( أنا ) ، و أغني ألمي أىّ أتغنى بآلام الشوق و الوله و العشق إلخ

يا ترى يا ابو علي مخبي إيه في جعبتك ؟

**حسن كشك** · #2 27/01/2008, 02h43

اقتباس:

المشاركة الأصلية كتبت بواسطة سمعجى

كتبتها غلط إزاى ؟!
يكونشي فيه لغز في الموضوع ؟!

أنا متأكد و واثق و موقن إني كتبتها صح ..
و(طائرَ)مفعول به منصوب ، و الفاعل ضمير مستتر تقديره ( أنا ) ، و أغني ألمي أىّ أتغنى بآلام الشوق و الوله و العشق إلخ

يا ترى يا ابو علي مخبي إيه في جعبتك ؟

الكلام الصح ياسمعجى
أغن الم والاتنين بالكسره
هل تعرف معناهم وارتباطهم بباقى كلام الشطر الثانى والثالث ياشاعر
وبعدين ياعمنا مش شايف ان تفسيرك كده للمعانى غلط
وايه جاب طائر الشوق لانها تتغنى بالام الشوق والوله والعشق - بالذمه ده شرح ياشاعر
وعشان اسهلهالك ياشاعرنا الكبير
اغن صفه والم حال طائر العشق وليس صفة وحال العاشقه
فهمت - وعشان اقربها اكتر - ماذا تعنى كلمه غوان وغانيات بالكسره
وسبق ان قالت ام كلثوم نفس الكلمه فى اغنيه اخرى - عارفها - مش مهم بلاش احراج ها اقولهالك ما انت صاحبى هى اغنية ذكريات
هى فى سمعى على طول المدى نغم ينساب فى لحن اغن
المفروض تكون فهمت والا عليك بالقاموس المحيط والقاموس الغير محيط
سمعجى حبيبى اوعى تكون فاكرنى ماصدقت انك مش عارف كلمتين صغيرين ونزلت فى بالكرباج - لاياصاحبى دى مجرد مداعبات شاعريه مش اكتر يااستاذنا العبقرى الكبير وانا اشهد لك بانك فنان وشاعر مرهف كمان - بس اهى فرصه انتقم منك من اللى بتعملوا معايا

**د أنس البن** · #3 27/01/2008, 04h26

ممتاز جدا يا أستاذ حسن موضوع جميل وممكن يتعمل منه كتاب ضخم جدا يضم مئات اللقطات الطريفه جدا . ولهذه المناسبه أدعوكم لسماع تلك الغلطه التى تكررها السيده أم كلثوم عن سهو غير مقصود طبعا فى أغنيتها الجميله فاكر لما كنت جنبى . والعجيب أن التسجيل كان فى استوديو الإذاعه يعنى يمكن تداركه او تصويبه أو حتى إعادة المقطع . لكن الحمد لله أنهم لم يفعلوا حتى يتركوا لنا تلك الطرائف النادره التى تشبه أخطاء طوابع البريد والتى كان لها هواه فى الماضى لجمعها
أما غلطة الست ام كلثوم فستسمعونه فى ذلك المقطع الذى تقول فيه .. والفرحه تمت للأحباب الموج شبع من حبيبه .
تنسى وتقول بدل والموج شبع . الغص شبع . ولاتكمل كلمة الغصن لأنها تتذكر الكلمه الصحيحه . وتتصور أنها فى المقطع المشابه التى تتغنى فيه بالغصن الذى مال على الغصن وتقول : والفرحه تمت للأحباب الغصن عانق حبيبه
وهناك هفوات أخرى للست ولا أقول أخطاء ستكون مجال مشاركات أخرى إن شاء الله .

**أحمد شوبكى** · #4 27/01/2008, 04h36

موضوع جميل يا عم حسن ( زى كل موضوعاتك ) بس إيه رأيك لو نركز كمان على الغلطات والهفوات الموسيقية ، يعنى مش بس على زلات اللسان ،،، والبركة فيك بقى وفى الأستاذ أبو حسام ( الآلاتى ) ،،وأكيد فيه من الغلطات دى ياما ولكبار الفنانين والفنانات ،، ( إيه رأيك ؟ )

ملحوظة : ( والنبى يا شيخ تبص بصة فى رسايلك الخاصة )

**الألآتى** · #5 27/01/2008, 05h00

بالنسبة لأغنية جواب حبيبى .. هناك بالفعل صوت رجالى قريب الشبه بعبد الوهاب ..

والسبب الذى جعلكم تظنون أنه عبد الوهاب .. أن الكورس حريمى كله .. ولكن هناك صوت رجالى وحيد يغنى معهن .. ويبرز هذا الصوت فى كلمة ( حبيبى ) .. من هذا الرجل ؟ ولماذا يغنى وحيداً بين النساء ؟ لا أعرف ..

هل عبد الوهاب قصد هذه المسألة ؟ وهو كان موجوداً فى التسجيل كعادته .. جائز ..

المعروف عن عبد الوهاب أنه كان يضيف بعض اللمسات أثناء التسجيل .. ويغير ويبدل فى بعض الجمل .. فمن الجائز جداً أنه أراد إبراز الكورس بالغناء معهن .. خاصة وأنه لم يكن هناك كورس رجالى موجوداً فى الأستوديو ليستعين بأحدهم .. هذا والله أعلم .

**الألآتى** · #6 27/01/2008, 05h04

اقتباس:

المشاركة الأصلية كتبت بواسطة أحمد شوبكى

بس إيه رأيك لو نركز كمان على الغلطات والهفوات الموسيقية ، يعنى مش بس على زلات اللسان ،،، والبركة فيك بقى وفى الأستاذ أبو حسام ( الآلاتى ) ،،وأكيد فيه من الغلطات دى ياما ولكبار الفنانين والفنانات

بالطبع ياأستاذ أحمد .. هناك العديد من الهفوات والأخطاء الموسيقية أثناء التسجيلات .. وتبرز هذه الأخطاء فى الحفلات .. لأنه لايمكن تصحيح الخطأ أثناء الحفلة .. بعكس الأستوديو ..

وبصراحة .. لا تحضرنى الأن أخطاء بعينها .. لكن ربما أتذكر بعضها فيما بعد ..

**سمعجى** · #7 27/01/2008, 06h50

الأستاذ حسن
مِنه لله اللي إداك المعلومة المغلوطة دي
يكونشي صاحبك اللي كان سهران معاك بيسمع اليسا ؟!

بدون إعمال تفكير أو فلحسة ، لو كانت اللفظة ( أ ُغن ِّ ) كما تقول
فإن الوزن لن يستقيم ، لأن محذوف الياء لايُشبع في النطق ، بل يأخذ مسافة صوتية واحدة ..
و لا أخال إبراهيم ناجي يقع في خطأ عَروضي في بحر الرَّمَل

و الإيقاع العروضي لهذا البيت كالتالي :

يا حَبيبَن ....... فاعلاتن
زرتـُيَوْمَن .......فاعلاتن
أيكـَهو ..........فاعلن

طائِرششـَو .......فاعلاتن
قِئـُغـَنني ........فعلاتن
ألـَمي ..........فعلن

و لو جاءت ( على حد زعمك ) محذوفة الياء لكانت :
قِئـُغـَننِأ َ ( و هى هنا على وزن متفاعلن ، و هو ما يدخلها على بحر آخر إسمه الكامل ) ..
و لن يبق من البيت إلا :
لـَمي ، و هي على وزن ( فعل ) مما يزيد الطين بـِلـَّة

ثم في نهاية الأمر ، لا يوجد مبرر صرفي أو نحوي لحذف الياء
في أغني ..
ثم الأهم من كل ذلك ، إسمع السِّت و هي تصر على مَد ِّ الياء
في ( أغنييييي ) ألمي ..
و لا يعني ناجي و السنباطي و الست مش ماليين عينك ؟!

**عصفور طاير** · #8 27/01/2008, 09h57

يا فؤادي.. فاعلاتن
لا تسلأي.. فاعلاتن
نلهوى.. فاعلن

أيوه يا سيدي أيوه

قسِّم يا سيدي قسِّم

حلوتك

**حسن كشك** · #9 27/01/2008, 13h53

اقتباس:

المشاركة الأصلية كتبت بواسطة سمعجى

الأستاذ حسن
مِنه لله اللي إداك المعلومة المغلوطة دي
يكونشي صاحبك اللي كان سهران معاك بيسمع اليسا ؟!

بدون إعمال تفكير أو فلحسة ، لو كانت اللفظة ( أ ُغن ِّ ) كما تقول
فإن الوزن لن يستقيم ، لأن محذوف الياء لايُشبع في النطق ، بل يأخذ مسافة صوتية واحدة ..
و لا أخال إبراهيم ناجي يقع في خطأ عَروضي في بحر الرَّمَل

و الإيقاع العروضي لهذا البيت كالتالي :

يا حَبيبَن ....... فاعلاتن
زرتـُيَوْمَن .......فاعلاتن
أيكـَهو ..........فاعلن

طائِرششـَو .......فاعلاتن
قِئـُغـَنني ........فعلاتن
ألـَمي ..........فعلن

و لو جاءت ( على حد زعمك ) محذوفة الياء لكانت :
قِئـُغـَننِأ َ ( و هى هنا على وزن متفاعلن ، و هو ما يدخلها على بحر آخر إسمه الكامل ) ..
و لن يبق من البيت إلا :
لـَمي ، و هي على وزن ( فعل ) مما يزيد الطين بـِلـَّة

ثم في نهاية الأمر ، لا يوجد مبرر صرفي أو نحوي لحذف الياء
في أغني ..
ثم الأهم من كل ذلك ، إسمع السِّت و هي تصر على مَد ِّ الياء
في ( أغنييييي ) ألمي ..
و لا يعني ناجي و السنباطي و الست مش ماليين عينك ؟!

يا شاعرنا الكبير كمال سمعجى
ياعم انت عاوز تودينى بحور الشعر وترجعنى عطشان والا ايه
مالى انا ومال فاعلاتن وتفعلللن وتفعللون
انت هاتحضرلى عفاريت والا ايه
انا مطلبتش منك الا ان تشرح لى معنى الابيات مش اكثر
ياحبيبا زرت يوم ايكه .... طائر الشوق اغن الم
لك اطلال المذل المنعم .... وتجن القادر المحتكم
وحنينى لك يكوى اضلعى ... والثوانى جمرات فى دم
وجبت لك جزء من اغنية ذكريات
هى فى سمعى على طول المدى ... نغم ينساب فى لحن اغن
وبرضه عاوز تزعل منى ناجى والسنباطى والست عشان انت مش عارف وبتسمعها زى ماكل الناس بتسمعها
ياحبيبى الابيات بتقدم تضاد بين مظهر خارجى وحاله نفسيه - يعنى الشاعر يقصد ماتشوفش شكلى وشوفى انا حاسس بايه
ويقصد ناجى انه زار حديقة وارفه الظلال كثيفه الاشجار ورأى طائر جميل ( ولكنه يرمز اليه بطائر الشوق ) رغم جماله الا انه متالم - والتضاد ايضا فى المذل المنعم ولا عاوزه شرح دى كمان والقادر المحتكم
اما فى قصيده ذكريات
هى فى سمعى على طول المدى ... نغم ينساب فى لحن اغن ( اى جميل )
والجميلات المثيرات بنسميهم ( غانيات )
وخد بالك من نهاية الابيات بقافيتها الم - محتكم - دم
وانت وضميرك بقى

**حسن كشك** · #10 27/01/2008, 13h43

اقتباس:

المشاركة الأصلية كتبت بواسطة أحمد شوبكى

موضوع جميل يا عم حسن ( زى كل موضوعاتك ) بس إيه رأيك لو نركز كمان على الغلطات والهفوات الموسيقية ، يعنى مش بس على زلات اللسان ،،، والبركة فيك بقى وفى الأستاذ أبو حسام ( الآلاتى ) ،،وأكيد فيه من الغلطات دى ياما ولكبار الفنانين والفنانات ،، ( إيه رأيك ؟ )

ملحوظة : ( والنبى يا شيخ تبص بصة فى رسايلك الخاصة )

الله يكرمك يا شوبكى - وشكرا على المشاركه - وادى اخونا المايسترو هايفتش فى ذاكرته ويلبى طلبك
انا فتحت الرسايل ورديت عليك فعلا - ياريت انت اللى تفتح