سالني الغريب على معيشة الاهوال
جاوبتو و قلت راه الورد ذبال
عنق بنادم فيه سلاسل تقال
دم بنادم ولى فالسوق حلال
عذاب الحالة راه تخطى البال
ولات الناس تتحارب بسيف لهبال،
سالني الغريب على سمايا
قلت مضببة و ما فيها الشمس
من حياتي نقصات حكاية
لمحايني و عذابي تمشي
ناس ما اداو لي غاية
و ناس فجنازتي دارو عرس
تظلمات الناس و علي عمات
بطمح من حياتي قوم كسبات
و ما حدها تخون و هي تعلا
و فهاد الدنيا قوى لمصاب
ريبوا الساس، ضاعت الحكمة
علي هجمات جيوش العذاب،
قاطعني الغريب و قال بمجهود:
اسكت و اعمل تعديتي الحدود
اسكت و اخدم توصل للمقصود
راه الكل عل القبر موجود
فبرد الشتا بنادم مرعود
في حر الصيف عليه لنكود
جاوبتوو و قلت: يا الغريب
باش من حق الدار تريب
عصرونا و خداو الحليب
لا قوت لا مال فالجيب
العدو يجي في صفة حبيب
و شمس العداوة ما تلات تغيب
__________________
إذا المرء لم يدنس من اللؤم عرضـــه فكل رداء يرتديه جميـــــــــــــــــــل
و إن هو لم يحمل على النفس ضيمها فليس إلى حسن الثناء سبيل
رد: مجموعة ناس الغيوان الاسطورية
العرض المتطور
