ديوان حسن كشك - الصفحة 2

**سمعجى** · #1 19/11/2007, 01h18

يا أستاذ هانى إبعد عنى الساعة دى ..

و بعدين يا أخى العلاقة أصبحت ثنائية بين أ. حسن و أ. يوسف
واحد يكتب و التانى ينقد .. إنت مزعل نفسك ليه ؟

و بعدين هى يعنى الأوزان دى كانت أ ُنزلت من السَما ؟
و لا يعنى اللى يغلط فى اللغة و النحو ، يبقى غلط فى البخاري ؟
دا إنت عجيب يا أخى !!

ما تسيب اللى يكتب يكتب ، و آدينا متونسين بالصحبة الحلوة
و القعدة الدفيانة ..
و لو كان اللى إخترع النت كان كـَمِّل جِـِميله
و جعل توصيل الشاى عبر الشبكة العنكبوتية متاحا ، كانت السهرة تحلـَوّ ، و إتفرج على أبو علي بقى لما يمخمخ و يفتكر مغامراته القديمة .. لا تقوللى إمرؤ القيس و لا علقمة الفحل و لا الحارث بن حلزة و لا الجن الأزرق ..

بس أنا خايف فى نهاية المطاف الأستاذ يوسف أبو سالم يفيض به الكيل ، و يهبده بالقـُلة فى دماغه

قوم رَيَّح شوية انتَ يا هانى ع الكنبة ، أنا قاعد بدالك مع الجماعة .. قوم يا حاج

**حسن كشك** · #2 19/11/2007, 07h44

اقتباس:

المشاركة الأصلية كتبت بواسطة سمعجى

يا أستاذ هانى إبعد عنى الساعة دى ..

و بعدين يا أخى العلاقة أصبحت ثنائية بين أ. حسن و أ. يوسف
واحد يكتب و التانى ينقد .. إنت مزعل نفسك ليه ؟

و بعدين هى يعنى الأوزان دى كانت أ ُنزلت من السَما ؟
و لا يعنى اللى يغلط فى اللغة و النحو ، يبقى غلط فى البخاري ؟
دا إنت عجيب يا أخى !!

ما تسيب اللى يكتب يكتب ، و آدينا متونسين بالصحبة الحلوة
و القعدة الدفيانة ..
و لو كان اللى إخترع النت كان كـَمِّل جِـِميله
و جعل توصيل الشاى عبر الشبكة العنكبوتية متاحا ، كانت السهرة تحلـَوّ ، و إتفرج على أبو علي بقى لما يمخمخ و يفتكر مغامراته القديمة .. لا تقوللى إمرؤ القيس و لا علقمة الفحل و لا الحارث بن حلزة و لا الجن الأزرق ..

بس أنا خايف فى نهاية المطاف الأستاذ يوسف أبو سالم يفيض به الكيل ، و يهبده بالقـُلة فى دماغه

قوم رَيَّح شوية انتَ يا هانى ع الكنبة ، أنا قاعد بدالك مع الجماعة .. قوم يا حاج

شوف يا هانى باشا
طبعا حكاية البلاك ليست بتاعت عمنا الكبير يوسف نهر الاردن معروفه
لكن برضه انا اللى ها استحمله - لكن انا مش ماسك قله زيه انا محضر الا ار بى جى
وخليه ينقد براحته
اما بخصوص الاخ كمال سمعجى ( فلا لوم عليه وانت عارف ليه ) ربنا يكون فى عونه
ويبعده عن غطيان الكاكولا والبيبسى وبرضه هانستحمله عشان مايرجعش لحالة الفصلان
ونلف عليه الشوارع ونلاقية نايم على بطنه فى ميدان رمسيس وال ايه مسطح فوق مترو الانفاق
صحابنا ولازم نستحملهم

**يوسف أبوسالم** · #3 20/11/2007, 05h26

اقتباس:

المشاركة الأصلية كتبت بواسطة hany hazem

السلام عليكم ورحمة الله وبركاته

عم حسن الدراويشى

تعرف يا عم حسن انى اشترك معك فى صفة هامة
ونكاد نكون متوحدين فى تلك الصفة

اننا معا من اول الموضوعين فى البلاك لست عند
عمنا الاديب يوسف ابو سالم

وذلك بالنظر الى مجهوداتنا الخلاقة والقوية
فى هدم منظومة الادب العربى بالكامل

لذى ادعوك للوقوف معى ساعة حداد على روح
العملاق احمد شوقى

وكذلك قراءة الفاتحة والبقرة على روح
العملاق محمود العقاد

ولكن الجميل جدا جدا فى حضرتك يا عمنا
هو قبولك النقد
ورغبتك فى التعلم والاستزادة
وعدم تغليب النزعة الشخصية على الواقع
بل والاجمل عدم التحرج فى نشر كل ما تكتبه من خواطر

وفى النهاية ربنا يخلينا للادب العربى
ويصبر علينا أ. يوسف ابو سالم

ويبعد عننا لسان الاديب الجميل سمعجى

قول ورايا امين

أخي هاني
والله أنا اللي خايف تحطوني على البلاك ليست
عاللي بعملوا فيكم
دة حسن بيقول إنه حاول يعدل ويضبط الجزء الأخير
من قصيدته خوف مني ...راح لاعن سنسفيل أبوها
شوف ياعزيزي ...
عشان أثبت لك تهيوءاتي ...
شوف حسن بيقول إنه هيتحملني
لحد امتى ...!!؟
دة هيجي يوم يقول ..فيه
يا عمي بلا نهر الأردن وبلا نقده
داحنا مش عارفين نكتب من وراه
قاعد لنا على ركبة ونص
وطبعا أنا عندي حل مريح لكل الأطراف
تعملوا تحالف غير مقدس مع سمعجي
وتستلموني بالنقد ..عمال على بطال
وانا أراهن إني بعد علقتين نقديتين على كيف كيقك
هرجع وارفع الراية البيضا ..من غير أي كلام
ويا عيني لو محمد زمنطر ..يغلط ويحطني مشرف على القسم دة
شوف بقى هعمل فيكوا إيه ....!!!؟؟
أخي هاني
أخي سمعجي
أخي حسن
والله أنا سعيد بصحبتكم ومعرفتكم وصداقتكم
وسعيد أننا عدنا إلى حواراتنا بهذا المنتدى الجميل
والأهم أنني وأنا معكم أنسى تماما أنني أردني
ولا أشعر إلاأنني مصري تعود أصول جدوده إلى خوفو على رأي زميلتنا سامية
لأني مرة سألتها عالنت ...انتي مصرية أصيلة ولا......
فقالت أنا مصرية أبا عن جد ...وتعود أصول جدودي إلى خوفو ....!!؟؟
فكدت أغمى من الضحك ...طبعاالضحك على النت اللي ملوش صوت خالص ..
تحياتي للجميع

**د أنس البن** · #4 20/11/2007, 06h16

اقتباس:

المشاركة الأصلية كتبت بواسطة hany hazem

السلام عليكم ورحمة الله وبركاته

عم حسن الدراويشى

تعرف يا عم حسن انى اشترك معك فى صفة هامة
ونكاد نكون متوحدين فى تلك الصفة

اننا معا من اول الموضوعين فى البلاك لست عند
عمنا الاديب يوسف ابو سالم

وذلك بالنظر الى مجهوداتنا الخلاقة والقوية
فى هدم منظومة الادب العربى بالكامل

لذى ادعوك للوقوف معى ساعة حداد على روح
العملاق احمد شوقى

وكذلك قراءة الفاتحة والبقرة على روح
العملاق محمود العقاد

ولكن الجميل جدا جدا فى حضرتك يا عمنا
هو قبولك النقد
ورغبتك فى التعلم والاستزادة
وعدم تغليب النزعة الشخصية على الواقع
بل والاجمل عدم التحرج فى نشر كل ما تكتبه من خواطر

وفى النهاية ربنا يخلينا للادب العربى
ويصبر علينا أ. يوسف ابو سالم

ويبعد عننا لسان الاديب الجميل سمعجى

قول ورايا امين

والله يا هانى يا ابنى انت واد عسل .. واسمح أقول لك واد بدون زعل لأنك زى إبنى برضه .. وكفايه عليك كده النهارده وأرجوك عدم التعليق على مداخلتى حتى لا يحدث ما لايحمد عقباه أو كعباه على رأى الواد الشقى عمنا وعم الكلمنجيه كلهم محمود السعدنى الله يشفيه ..

**سمعجى** · #5 20/11/2007, 10h18

الأستاذ يوسف أبو سالم

شوف أيها الصديق العزيز ..
عندنا مثل بيقول ( إبني على كتفي ، و ليه أدور عليه ؟! )..
أنا لا أملك نـَفـَسَكَ الطويل و صبرك على نازلات الدهر

كفاية عليا أتفرج على المباراة المثيرة دي ..
و هى بصراحة تدبيسة لحضرتكم ، و آهو بالمرَّة آديني باستمتع
بتخريجات الأستاذ حسن ، و التي قد تمثل مع الوقت ، إتجاها جديدا
في حركة الشـِّعر المعاصر ليس في الوطن العربي فحسب ، بل على مستوى المعمورة ..فنكون بصدد ( ما بعد المابعد الحداثة )

فهو يكتب الآن ، و ليس في ذهنه سواك ، يعني لاحبيبة و لا يحزنون
إنتَ اللى بتطلع له في خياله و هو بيكتب ، و مش بعيد تكون بتطلع له في الأحلام كمان ، و إنت لابس أبيض في أبيض ، و شايل ميزانة في إيدك اليمين ، قائلا ً له بصوتٍ يشبه الصدىَ : إوزن يا حسن .. إوزن يا حسن ..
.. فيقوم عمنا حسن مفزوعا ً من النوم و هو يحوقل و يبسمل

ربنا يكون في عونه و عونك ، و يبعد عنكم الفتنة النائمة المدعوة
( هاني حازم )

**حسن كشك** · #6 18/11/2007, 21h57

الى كل من لديه عزيز وغال يخاف عليه الضياع
سواء وطن او صديق او حبيبه
اهديكم هذه المنظومه

وطنى
ياحياتى ... ياعشقى
ياكل المعانى
قد اعانى فى هواك
لكنى عشقت
كل ما اعانى

ياوطنى
ياكل اوطانى
سيمر بنا الزمان
اتنسانى
لاتنسانى ياوطنى
لاتنسانى

ياوطنى
ياارق من لنسيم
ياعيون السحر
ياسر النعيم
ياغزال
صاده سهم لئيم
جرحك
فى قلبى نازف اليم
لاتنسانى ياوطنى
لاتنسانى

وطنى
كنت لك اغنى
واتوه فى عينيك
وتكبر فى عينى
كنت اشعر كنت اقول
اعطنى حنانك لاتحرمنى
فقد ياخذونك منى
واعانى
لاتنسانى ياوطنى
لاتنسانى

وطنى
وقد جاءوا كالمنون
كالقدر المجنون
على ارضى فيك
يتجولون
لزهورى نازعون
قاتلون
بالشرغية متصفون
لكن مهما تنكروا بصفات
غاصبون غاصبون

يا وطنى
ضاع امانى
لاتنسانى ياوطنى
لاتنسانى

سرقوا وطنى
سرقوا ارضى .. نفسى.. هوائى
سرقوا بحرى ...سرقوا سمائى
قالوا
ليس وطنك ... بل وطننا
اشتريناه .... باموالنا
اخرج ابتعد... بلا رجوع
انت من دخوله ممنوع

غيروا .....اسمك
غيروا حدودك ورسمك
مامصيرى بعدك
هوانى ؟
لاتنسانى ياوطنى
لاتنسانى

كيف ياوطنى
وانا ولدت فى دفأ احضانك
وشربت شهدك وحلو حنانك
يقولون انسى
كيف انساك ؟
وما وجودى بعد نسيانك
واين يكون عنوانى
لاتنسانى ياوطنى
لاتنسانى

ياوطنى
وقد بنوا حولك الاسوار
مالك صامت خلفها منهار
تمرد .. ثر ... اختار
لما السكوت
انى بعيدا عنك اضيع
اموت
كل مافى ضج و استجار
كل مافى يبغى الانتحار
مامعنى صمتك ؟
اسر من الاسرار
ام الغريب غير فى الامانى
لتنسانى
لاتنسى ياوطنى
لاتنسانى

ياوطنى
ياحبى .. يانعم الصديق
نزعوك منى
ليعرضوك فى سوق الرقيق
اخدروك حتى لاتستقيق
للنخاسون تركوك
ليراك الزبائن
ويعاينوك
ويقلبوك ...ويثمنوك
فان حزت رضاهم
بمالهم.... اشتروك
وان لم تحز اهملوك
بعدما
بعثرونى ....وبعثروك
لتهان ... يا اكرم الاوطان
لا تنسانى ياوطنى
لاتنسانى

**ناصرهادى** · #7 18/11/2007, 22h19

بص يا عمنا الكبير
كنت عاوز ارد عليك واعمل مشاركة
والمدام كانت عاملة تسجيل دخول باسمها
اصلها لسه مسجلة فى المنتدى بناء على طلب من اساتذتنا الاستاذ يوسف والدكتور أنس
فالرد اعتمدته وبعدها اكتشفت انى اعتمدت رد باسمها مش باسمى انا
عموما تقدر تعتبرنا واحد مى محمد هى ناصر هادى
أم محمد وأبو محمد
انا قولت بس اوصح لك احسن تقول مين اللى بيرد بعشم ده ومتعرفوش
أما بالنسبة للى بالى بالك فزى ما قولت لك انا كمان خايف من تقييمه للقصيدة اللى رفعتها
وربنا يستر وادعيلى انت كمان
سلام يا عم الدردشة كلها
ناصر عبد الهادى

**عبدالرحمن عزيزي** · #8 10/02/2011, 12h04

الأستاذ حسن كـشك شكراً على الأحاسيس المرهفة الجميلة
وجدت بين ما قرأته من حروفك عذوبة وصدق
لك الود والأمنيات الطيبة

**سمر** · #9 15/02/2011, 11h02

اسير وسط الناس .. معك
وسط زحامهم اكلمك.
فى كل وجوه الناس
ارى وجهك
اقول لهم احبك
يتعجبون
لحالى يرثون
يقولون

عاشق مسكين مجنون

صورة شعرية ناذرة أستاذ حسن فغالب الشعراء يحبون بصمت وفي عزلة وهاتين الحاالتين تجعل الصورة احزن واشجن. لكن في هذا الحال تيبن إبداع الشاعر لأنه قال في المقدمة احسوا بما أكتب. لذلك فقد نجحت التجربة فالشاعر واحد من الناس يعيش وسطهم ويسير معهم وبذلك تظهر مدى عمق حبه وتعاظمه: أن تحب وسط الناس ممكن أن يغيروا رأيك، لكن أن تحب بهذا الشكل وسطهم فهو أعظم واكبر. خروج عن المألوف إذ أن الشاعر يعيش الواقع والرومانسية في نفس الوقت. فهو مؤمن بأن الحب ليس بعيب ولا يجب كثمانه فأباح به وسط الناس. لماذا نعثوه بالجنون؟ لأن الحب أصبح مفقودا او شبه مفقود لكن فلما نتكلم عنه علانية نكون خرجنا عن المألوف ودخلنا في حكم الناذر.
جميل جدا استاذ حسن وهناك المزيد للمناقشة لو سمحت لي طبعا وشكرا.

**حسن كشك** · #10 19/11/2007, 00h12

تصدق ياعم الشيخ ناصر
انا قريت الرد على انه ردك وما اخدتش بالى الا لما قلتلى
الحمد لله رب صدفه خيرا من الف ميعاد
وادينا اتعرفنا على اختنا حرمكم المصون سلامنا ليها وللاموره الصغيره
اللى فى الصوره واكيد تبع حضرتك
اما حكاية الشيخ ناصر فما شابه اباه فما ظلم وانا انطباعى عنك كده
ومعلش خليها الشيخ ناصر ياشيخ ناصر