أعمال من تنفيذ الفنان محمد الآلاتي

[Jassim]

عمل في قمة الروعه استاذ الالاتي اهنيك على هذا العمل

[غازي الضبع]

إيه يا عم محمد يا كبير الآلاتية
إيه التقــل ده ..
فين يا سيدي الجديد من أعمالك ..
المرة دي مش هاطلب منك حاجة ..
هاسيبك إنت تنقي لنا حاجة على ذوقك تقدمها لنا ..
وبعد كده هاطلب منك الموسيقى اللي جوة أغنية طيب يا صبر طيب اللي عزفها عمار ..
شفت بقى أنا مش هاطلب وهاقعد ساكت :yes:

:AW32:

[karawan19]

أخى الغالى الأستاذ محمد
جعلتنى أستمع الى عزيزة تسعة مرات ولا تسخر منى فعلا تسعة مرات وقارنتها بالمقطوعة الأصلية كى أتمعن فى كل حركة فى عزف المقطوعة
1- هل تذكر عندما سألتك أن تكتب لنا عن دور العازف فى التنفيذ والشكل النهائى للحن وهل هو مجرد مؤدى لما هو مكتوب فى النوته وقد كتبت ووعدت بالمزيد ومازلت فى انتظار الوعد
2- وجدت أن عزفك فيه حسم والأداء له شخصية واضحة وليس مترددا رغم التزامه بالنوته وربما كان ذلك مااراده عبدالوهاب بانهاء جمل بحسم وهذا ماكان يحدث فى عزف الفرق التى أدت الحان العظماء
3- لست أدرى هل لاحظت أنت نفسك أنك اضفت وواضح أن اصابعك لعبت حاجة فى أول المقطوعة وفى أماكن أخرى ربما لأجزاء من الثانية وهى لمسات العازف مع الألتزام بالنوته وهذا اعتقد مافعله منسى فى مقدمة الفن وبالتالى أحسست بطعم فى عزفك الجميل وبشخصية العازف
4- أحسست بمسألة التراكات والعزف الآلى للأيقاع وهذا ماجعلنى أتمنى أن تعيد العزف بمصاحبة عازف أيقاع ولنر كيف يكون الفارق
خبرتك واضحة جدا جدا ولك كل الشكر والتحية على هذا الأداء المبهر

[الألآتى]

المشاركة الأصلية كتبت بواسطة karawan19

1- هل تذكر عندما سألتك أن تكتب لنا عن دور العازف فى التنفيذ والشكل النهائى للحن وهل هو مجرد مؤدى لما هو مكتوب فى النوته وقد كتبت ووعدت بالمزيد ومازلت فى انتظار الوعد

بالتأكيد هناك دور كبير للعازف .. فهو ليس بغبغاناً .. وخاصة عندما تكون هناك فترات عزف حر .. وهذا يؤدى إلى ظهور عازف جيد وعازف غير جيد .. وإن شاء الله لنا عودة للحديث عن هذه الجزئية .. فأنا لم أنسى وعدى ولكنها ظروف الحياة فقط .

المشاركة الأصلية كتبت بواسطة karawan19

2- وجدت أن عزفك فيه حسم والأداء له شخصية واضحة وليس مترددا رغم التزامه بالنوته وربما كان ذلك مااراده عبدالوهاب بانهاء جمل بحسم وهذا ماكان يحدث فى عزف الفرق التى أدت الحان العظماء

رغم حرصى على أداء الجمل الوهابية كما هى .. لكن التكنيك الشخصى يغلب فى بعض الأحيان .. وشخصية العازف عموماً تظهر فى أعماله .. وهذا ما يصنع فرقاً بين عازف وأخر .

المشاركة الأصلية كتبت بواسطة karawan19

3- لست أدرى هل لاحظت أنت نفسك أنك اضفت وواضح أن اصابعك لعبت حاجة فى أول المقطوعة وفى أماكن أخرى ربما لأجزاء من الثانية وهى لمسات العازف مع الألتزام بالنوته وهذا اعتقد مافعله منسى فى مقدمة الفن وبالتالى أحسست بطعم فى عزفك الجميل وبشخصية العازف

نفس الرد السابق ..

المشاركة الأصلية كتبت بواسطة karawan19

4- أحسست بمسألة التراكات والعزف الآلى للأيقاع وهذا ماجعلنى أتمنى أن تعيد العزف بمصاحبة عازف أيقاع ولنر كيف يكون الفارق

من المؤكد سيكون الفارق واضح ..

ولكن مسألة تواجد عازف إيقاع معى أثناء التسجيل .. مسألة صعبة بعض الشئ .. فهذه الأعمال ليست تجارية .. وإنما أنفذها لنفسى .. فأين هذا العازف الصايع الذى سيتواجد معى ليل نهار ويعمل ( بلوشى ) ..

وعموماً : لقد حاولت أن تكون الخامات الإيقاعية التى أستخدمها طبيعية بقدر الإمكان .. فهذه الخامات أصنعها وأسجلها بنفسى .. من واقع ألآت حقيقية .. فلدى بعض الألآت الإيقاعية مثل ( الطبلة ، والدف ) وأستخدم خاماتها فى عملى ..

أشكرك أخى كروان على إهتمامك ومتابعتك لأعمالى المتواضعة ..

[صابر كولة]

السلام عليكم يا مايسترو الله الله بجد حاجات كلها جميلة جدا جدااااا بجد بجد انت مبدع في اعمالك وانت عمناااااا الله الله الله عليكم يا حاج محمد يا الالااتي ؟؟؟ بس انا كونت عاوز اعرف حاجة صغير الحاجات الي حضرتك عملها هنا وفيها الايقاعات وتحويلات في الاورج من نغمة لي نغمة الحاجات الي بتسجلها دي عندك علي الجيهاز ؟؟ يعني في عندك علي الجيهاز برنمج زي سونار ؟؟ او كيو بيز؟؟ او اي برنمج صوت عندك حضرتك كل الحاجات الي انا سمعها وحملتها عندي هنا الي هية من اعمالك كونت مسجلها في ستوديو خاص بي المنزل عندك؟؟؟ ياريت يا حاج محمد تيرد علية وتقولي مسجل الحاجات دي الزي ؟؟ انا عاوز اعرف بس واتعلم منك يا مايسترو اوكي تحياتي ليكم وكل سنة ونتم طيبين بمناسبة شهر رمضان المبارك اخوك الصغير صابر علي عازف الكولة والناي ؟؟ اة علي فكرة انا سعيد جدا جدا علي شان عمالي هنا في هذا القسم عندكم عزف علي الة الكولة

[اسلام عاكف]

اشكرك يا استاذ على هذا الشرح الوافي لطريقة عملك....انا ايضا استخدم برنامج frooty loop وانا بصراحة من الناس اللي بيستسهلوا في عمل الموسيقى والايقاعات ولكن بعدما عرفت طريقتك هذه ارجو ان اعمل بمزيد من الاتقان الذي يصاحب اعمالك وساحاول ان اصل الى مستوى ابداعاتك ولكني اعرف ان المهمة صعبة و ربما تكون مستحيلة حينما يكون المثال الاستاذ محمد الالاتي

[حسن على احمد]

ي يالكلمة المأثورة المذكورة من أننا نشكو أن الله جعل تحت الورود شوكا ......الخ هى مستوحاه من بيت الشعر الذى يقول:

يعيبون على الطبيعة أن أنشأت بين الورد شوكا ولا يشكرون الطبيعة أن أنبتت من الشوك وردا

[الألآتى]

المشاركة الأصلية كتبت بواسطة ghazyeldaba

فرحت جدا أول ما دخلت المنتدى الساعة الثامنة صباحا ، وألاقي أول حاجة مستنياني هي رسالة على الخاص من حبيبي محمد الآلاتي .. وكمان ألاقي محتواها عبارة عن هدية من ذلك الانسان الجميل المهذب ذو الحس الراقي اللطيف
وكمان ألاقي الهدية عبارة عن المقطوعة الموسيقية اللي باحبها ..
الحمد لله رب العالمين .. أولا وأخيرا
ثم ألف شكر يا كبير الآلاتية يا جميل ..
بس تخيل بقى .. مش عارف أحملها ..
واجتمعت الظروف كلها ضدي ..
- منعوا الـ Download في الشغل .
- الـ DSL فيه عطل في البيت .

وهكذا وضعت الظروف تحت اسمي ( ممنوع من التحميل ) ..

بس هي أكيد جميلة مادام عمي محمد الآلاتي هو اللي عاملها
وإلى أن تسمح لي الظروف بتحميلها هاكون مشتاق جدا ليها
لك مني خالص امتناني ومحبتي

عمى غازى ..

فرحتنى وزعلتنى فى نفس الوقت ..

فرحتنى علشان قدرت تدخل وتشوف هديتى .. وزعلتنى علشان ماقدرتش تحملها .. أرجو أن يزول السبب قريباً لأنه يهمنى رأيك .. لك كل تقديرى ..

[الألآتى]

المشاركة الأصلية كتبت بواسطة هامو

يا ولا يا والا يا والا يا ولا ترارارارارم هيك رجعتنا لبعيد يا الأللآتي روعه تسلم الأيادي وعايزين كمان وكمان ما ننحرم منك يا كريم

أخيراً .. العزيزة هامو شرفتنى وردت عليا فى مشاركة .. لو أعرف كده .. كنت وضعت المقطوعة من زمان .. مانحرمش منك أيتها الغالية ..

[mokhtar haider]

المشاركة الأصلية كتبت بواسطة الألآتى

إيه ده ياجماعة ... ماتنفخوش فيا قوى كده أحسن أفرقع .. وأفتكر نفسى مزيكاتى بجد ..

أنا بحب أنفذ الحاجات إللى بتعجبنى بس .. أنفذها زى ماهى .. بدون توزيع .. بدون إضافات .. لأنها مش للسوق .. أنا عايزها زى ماهى ..

ولعلمكم عايز أقول لكم حاجه .. ( فرصه بقى .. لقيت حد يعبرنى .. ) .

المزيكا مش مشكلة .. لأنى عازف من خمسة وتلاتين سنة ..

المشكلة فى الإيقاعات .. إنتوا عارفين .. أنا بعمل الإيقاعات دى إزاى ؟

أولاً : باستخدم برنامج إسمه Fruity Loops .. وده برنامج شامل ( إيقاعات ومزيكا ) ولكنى أستخدمه فى الإيقاعات فقط ..

أستخدم خامات الألآت الإيقاعية ( دم ، تك ، سك ، تش ، بش .. ألخ ) وأضعها بترتيب معين فى البرنامج فتنتج المازورة الإيقاعية التى أريدها .. وطبعاً علشان أنا عندى خلفية كويسه عن الإيقاعات وإستخدام الألآت الإيقاعية .. باأتخيل الشكل الإيقاعى المطلوب وأنفذه كما أريد .. هذه الخامات لها أكثر من مصدر .. من الإنترنت ، من الأصدقاء ، وأحياناً أحصل على هذه الخامات من الأصل .. يعنى إيه ؟

يعنى أجيب طبلة مثلاً .. وأسجل ( الدم ) لوحدها .. و ( التك ) لوحدها .. و ( السك ) لوحدها .. ( والشنبر ) لوحده .. وهكذا .. وأضع هذه الخامات فى البرنامج وأستخدمها .. فينتج صوت إيقاعى حقيقى .. وتسمعون إيقاع كما سمعتوه فى هذه المقطوعة ..

أغلبية الموزعين يستخدمون الإيقاع ك ( Loop ) لوب .. أى مازورة إيقاعية كاملة .. ويكررونها على مدار الأغنية .. طبعاً يستخدمون أكثر من مازورة .. لكنى أحب أن أعمل الإيقاع بنفسى حتى يأتى حسب خيالى .. كفايه كده ..

و دا اسمه كلام يا أبو حسام؟
شوف يا سيدي... تمتعنا في الأول وتسمعنا حاجة مخدومة... يعني مخدومة زي ما شرحت لنا ...و زي ما أنا حسيت من خلال استماعي لها... ثم تعمل لنا تعليق و تعطي شرحات على التوليفة الذكية اللي عملتها... لحد كدا كويس
ثم فجأة تيجي تقوم تقول لنا كفاية كدا... كمل يا سيدي دا البخل مش لايق عليك و الله.... عطشان يا أبو حسام... مش ترويني لحد ما ارتويي بجد؟؟؟