المسحراتي
(الحلقات المصورة آداء سيد مكاوي وأشعار فؤاد قاعود)
(03)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...
البحر واسع وأوسع منه رزق الله ... العبد يسعى ورب العرش يسعى معاه واللي ابتدى بنية صادقة ربنا وياه ... ما تتكلش في أحوالك على المخاليق ... وارمي تُكالك على العاطي في كل طريق ... ده المولى وحده مفرج كل كرب وضيق ... واللي التزم بالأمانة في عمل أداه ... لا انضام في عمره ولا ضاقت عليه دنياه ...
دا الماشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ما تنامش للعصر وتقول الاله منان ده السعي للرزق بدري شعبة م الإيمان يللي تركت الأمور تسعى في أعنتها ما تلومش غير غفلتك لو بؤت بالخسران اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سمحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق
رد: المسحراتي
العرض الشجري