محمد رشيد

[محمود نديم فتحي]

بلغ سلامي
كلمات عبدالله بوسنوقة
الحان كاظم نديم
غناء محمد رشيد

الكلمات //
وانت معدي علي بلادي
بلغ سلامي لاولادي
رفرف ياطير السلام
فرحهم مني بكلام
قوللهم عايش وبعيد
والقلب معاهم غادي
بلغ سلامي
ــــــــــــــــــــــــــــــــــــــــ
طمنهم عني وعن حالي
خبرهم عاللي في بالي
قوللهم بوكم بيسلم
من نار الفرقة متألم
نولي نجي يوم سعيد
نتهنى معاكم يا اولادي
ـــــــــــــــــــــــــــــــــــــــ
رفرف بجناحك فوق داري
لاتجفل كان ريت صغاري
بدلالك ياطير الطاير
خودلهم من قلبي بشاير
حب كبير ويزيد
كل ماطال وزاد بعادي
ـــــــــــــــــــــــــــــــــ
وشريكة عمري ياطير
بلغها عن شوق كثير
في عذاب الفرقة نسيها
وبيوم قدومي هنيها
مع شموع الفرحة اللي تغيب
في يوم المكتوب ينادي