رد: مشاركات خارج موضوع طلبات النوتة
اخى العزيز
اشكرك على المناقشة المحترمة واسمح لى ان ارد
بالنسبة لكلمة الاسلام السياسى اسمح لى ان اقول وجهة نظرى لما نربط كلمة السياسى بالإسلام يبقى الاول نبقى عارفين تعاليم الدين الاسلامى كما اتت من الله ورسوله وتتنفذ كيف على ارض الواقع بمعنى ان الرسول صلى الله عليه وسلم والقرآن منذ 1400 سنة ومن المؤكد ان الآيات القرآنية واحديث الرسول الكريم بتحدد الحياة بعد تللك الفترة والى الابد يعنى لأن الله يعرف مسبقا ان الحياة ستتطور واكيد اعطى للرسول الحكمة لكى يرشد المسلمين للقادم وتلاقى اول كلمة فى القرآن بتقول : اقرأ وكلمة إقرأ معناها إقرأ وإقرأ وإقرأ وتعلم وتعلم .. والرسول الكريم قال : اطلبوا العلم ولو فى الصين يعنى اسعوا وراء العلم والحضارة الى ابعد مكان فى الدنيا ... ومن هنا يبقى فيه قواعد فى الإسلام بتتبعها السياسة المرتبطة بالإسلام بحيث يتم تطبيق الكلام الجميل اللى فى القرآن الكريم واحديث وسلوكيات الرسول الكريم ثم سلوكيات الصحابة من بعده وكلنا نحفظ هذا لكن لما ييجى تنظيم او جماعة تدعى انها تنتمى الى الإسلام السياسى وتطبق اشياء تخالف كل تلك التعاليم بدرة كبيرة من هنا بتحدث منهم هم نفسهم الإساءة الى الكلمة نفسها يعنى انا لما اسمع شيخ زى الشيخ الشعرواى مثلا تنتابنى الطمانينة والسكينة ولما دخلوا هم على الصورة وطلعوا يتكلموا فى التليفزيون كل يوم كنت احس بالرعب على مصر
يعنى انا اعتقد ان اى دين سماوى بيأتى بيحافظ على الحضارات الموجودة مش بيأمر بتدميرها
احنا مصر بالذات بتختلف انها اعظم حضارة فى العالم وعمرها 7000 سنة لما يطلع واحد منهم ويقول ان الحضارة المصرية حضارة نتنة .. والتماثيل التى ابهرت العالم يقول عليها اصنام ويجب تدميرها .. ودخل مصر القومى 30% من السياحة لما ييجوا يدمروا لاسياحة ويقطعوها .. ومصر ام الفنون الموسيقى والغناء والمسرح والسينما والمسلسلات
لما ييجى حد يقول الفن حرام وعايزين الغاء الفن من مصر بلد الفن ولن انسى شيخ منهم طلع ى قناة دريم 2 مع وائل الابراشى وقال لابد من الغاء الموسيقى والغناء ورد عليه الابراشى وقال لمذا ؟ قال الشاب عندما يسمع واحد بيغنى ويقول والشعر الغجرى المجنون يسافر فى كل الدنيا ستنتابه الشهوات
ونفس الشيخ مع نفس المذيع كان يطالب ان المرأة التى تمثل نصف المجتمع ووصلت الى اعلى الدرجات فى العلم يطالب ان تعود الى البيت ولاتخرج تعود الى عصر الحريم ولما سأله المذيع قال ان تواجد المرأة مع الرجل فى اى مكان فى الدراسة او العمل لابد ان تنشأ بينهما علاقة جنسية المذيع رد عليه وقال لو : هو احنا حيوانات ياسيدنا الشيخ ؟
والمقصود ان اى بلد متخلف المفروض انك تعنل لو ترقية لكن ما تجيش على اعظم دولة وتعمل لها تخريب
اما عن كلامى عن انى لا اسمع مطرب بيكره السيسى زى ماقلت لك اللى بيكرهوا السيسى عندهم الفن بجميع انواعه حرام عشان كده لن تجد مطرب مش بيحب السيسى لأنهم مش بيسمعوا طرب ولا بيشوفوا افلام ولى اى شىء يعنى من المهازل فى احدى محطاتهم الفائية كان زمان عندنا مسلسل عرائس للطفال اسموبوجى وطمطم .. اخدوه هم وكتبواعليه بوجى وطمطم اسلامى بعدين مكتوب فيه خالى من المواد الضارة والحرام مثل الموسيقى وصوت المرأ’ وكانوا عايزن لو حد يعمل مسلسلات او افلام ان ممنوع ظهور النساء ولكن رجال يقومون بدور النساء تخيل ؟؟
اما عن تمسك المصريين بالسيسى .. السيسى بيمثل لنا عبد الناصر جديد اعاد لنا مصر المختطفة واقسم بالله انو لم يكن ينوى الترشيح ولكن كل قوى الشعب بتضغط عليه وهو مازال متردد ... والمشكلة الخطيرة ان كل الشخصيات التى على الساحة شخصيات هلامية وبعضها عميل وبعضها هش يعنى الشخص الهش ممكن الاخوان يركبوا عليه ويرجعوا تانى
والاخطر من ده ان فيه خلايا نائمة يعنى عملاء لسه ما اتكشفوش وماعندناش استعداد نجرب ونعمل ثورة تانى كل سنة
والوضع المؤسف اللى ف مصر دلوقتى محتاج لازم رجل عسكرى قوى لضبط الامور على الاقل فترة واحدة ولو اتظبطت الامور ممكن بعدها ييجى رئيس مدنى ببس يكون مش من الاسماء اللى بتترشح دلوقتى
يعنى عندك الفريق احمد شفيق يوم ما مبارك عينه رئيس وزراء لسبب وحيد ان مبارك كان عايز يحاول ينقذ نفسو ولأن شفيق نظيف اليد كان عايز يتحاما فيه يعنى .. ولكن الاخوان قالوا انو فلول وسيعيد مبارك مرة اخرى مع ان اللى بيرحل لن يعود وابو الفتوح اخوان ... وسامى عنان واحد من اللى مكنوا الاخوان لحكم مصر وحمدين صباحى شخصية اسم فقط لكن ماعملش حاجة لمصر ومن اهم مميزات السيسى انو كان رجل مخابرات يعنى عندو دراية كاملة بالمصائب والمؤامرات التى تحاك ضد مصر
مع اطيب تحياتى وحتكلم عن ام كلثوم فى موضوع منفصل
|
العرض الشجري