الصديق المخلص الفنان
والعازف الجميل والمتالق
وائل
انا سعيد جدا برئيك في عزفي
وهقول ليك حاجة انتا ماتعرفهاش
.. انك انت الي حببتني اتعلم العود وصممت اتعلمه وانا في هذا السن ولوحدي
والمنتدي هنا هو جامعتي وكليتي
تعرف . انا بدات اتعلم بعد تسجيلي بالمنتدي مباشرة
واول درس ومعلومة كانت من العملاق الاستاذ عادل
وبعدها تابعت كل حرف بيكتب في المنتدي
واكتشفت جمال اخلاق بعض الشخصيات
زي الصديق الجميل الاستاذ ارمندو
دايما كنت واجع دمعاغة
بس هو كان نعم المعين والمرشد
وكمان في ناس هنا كبيرة من داخلها مع اني عمري ماكلمتها الا تعليقات بسيطة جدا
زي الاستاذ منذر عبود
. والاستاذ الالاتي .
المعلم الاول كل من يريد ان يتعلم
يعني اية موسيقي .
والاستاذ طارق والاستاذ وسام كرم . والاستاذ محمد نزية .
شخصيات هم اصحاب الفضل فيما تعلمته
وهناك اشخص موسوعة في الفن
زي الاستاذ الكبير عاصم المنشاوي
والاستاذ هيثم صالح .
وابو دم خفيف الجميل نوارة المنتدي
نور الصباح
والاستاذعمرو الهنداوي والاستاذ فؤاد العلمي
والاستاذ محمد الافندي
والاستاذ عزت شحاته
والاستاذ سوافي ..
والعازف الجامد اديب
والاستاذ المنير
وفي ناس فعلا بدور علي رئيهافي اي موضوع
زي الاستاذ ابو كارم والاستاذ سمير جنهاني
ماتستغربش الاسماء دي انا حافظها عن ظهر قلب
لاني من تاريخ اشتراكي بالمنتدي وانا بشوف كتابتهم ..
في الحقيقة المنتدي هنا بيئة جميلة للفن . وخصوصا لما يكون مدير الجامعة .. الاستاذ عادل
الي سهل علينا النوت
رغم احساسي بصعوبتها ومدي قدرته في تبسيطها . وقد اية هو موسوعة
ومنساش تعليق لية غريب فعلا يدل علي مدي علمه
قال مرة ان اهل بيته لما يحبوا يصحوة من النوم يشغلو اي راديوا او ازاعة علي اي اغنية
علي طول وهو نايم يصحي لانه بيترجم الي بيسمعة لحروف موسيقية
فعلا دي مقدرة ماعتقدش انها عند معظم الموسيقين الي بنشفهم في التلفزيون اليومين دول
ومش بس لأ كمان فعلا
الاستاذ عادل هو الزهرة الي كلنابنجتمع حوليها
هو المفتاح الموسيقي الي جمعنا حولية علشان كل واحد يبدع ولو بلكلمة في بحور النغم .
الاستاذ عادل هو الصله الي كلنا مسكنا فيها ..
الصله بين الزمن الي احنا عايشينة زمن بدون معالم او ملامح . وبين زمن جميل كلنا بنتمني نكون عايشين فية ..
دعوة خالصة ان ربنا يطولنا في عمرة
ويديم علينا المحبة والزوق والرقي والاخلاق الي بينا في المنتدي
عارف يا وائل انا حافظ كل حركات الريشة بتاعتك في كل الاغاني الي رفعتها في المنتدي .
وبجد انتا فنان في اخلاقك قبل ما تكون فنان في عزفك
شكرا ليك . واسف اني طولت في ردي بس دي مشاعر كانت جواية وكان نفسي اقولها لصديق عزيز وقريب وجميل زيك
طبعا انا عارف اني لسة في البداية .
وان مستواية لسة علية كتير
بس انا تعبت للي وصلت لية
وكلمات الشخصيات الي ذكرتها كانت هي الدليل والمعين اني اتعلم
بشكرهم جميعا
وبشكرك
مع خالص تحياتي
اخوك احمد
رد: تطبيقات عملية من قراءة النوتة
العرض الشجري