طلبات نوتة أ / عادل صموئيل الجزء الثانى

[عادل صموئيل]

احبائى
اقدم لكم رائعة من روائع عبد الحليم المتميزة جدا

حبيبها

انا اللحن ده مخلصه من فترة لكن ماقدرتش انزله على طول لأنى براجعه تانى مرتين تلاثة فى اليوم
من مميزات اللحن ده استعمال الكروماتيك ولكن بإفتراء ,, حقول لكم حاجة من وجهة نظرى فيه كروماتيك برىء وكروماتيك خبيث والاغنية دى بتتميز بالكروماتيك الخبيث ونقول درس صولفيج ع الماشى يفيد المبتدئين ومش حايخسر مع الخبراء يعنى على الاقل انهم يسمعوا وجهة نظر اخرى
اولا فى تتابع النغمات فى اى لحن بنسمى كل نغمة تالية لنغمة خطوة .. يعنى لما تكون الجملة دو رى مى مثلا
يبقى من دو الى رى خطوة ومن رى الى مى خطوة وهكذا
الخطوة دى بتبقى نوعين اما سلمية ( صاعدة او هابطة ) يعنى النغمة والدرجة التى تليها زى مى فا او لا سى مثلا وهابطة زى صول فا مثلا , وفيه قفزة يعنى دو مى او دو لا مثلا يعنى بتقفز نغمتين او اكتر
الكروماتيك بيبقى خلق ابعاد نص تون بعدو نص تون وهكذا يعنى رى مى بيمول مى ناتوريل فا فا دييز وهكذا .. وده اسمو الكروماتيك الطيبعى او انا بسميه البرىء لأنو لما تسمعو بيبقى واضح اوى ( طبعا بالذات للى بيعزفوا سماعى او المدونين يعنى بيكتبها اتوماتيكيا مش بيفكر كتير ) اما الكروماتيك الخبيث او الشرير
بيبقى مش سلمى ولكن بيبقى فيه قفزات يعنى مثلا نغمتين ورابعض بعدين يقفز حاجة مش متوقعة ويروح عامل كروماتيك تانى ... الخبث هنا بيبقى انو بيخليك تشك هى كذا ولا كذا وتكتب وتسمكع تلاقى حاجة تانية لحد مايغلبك ( طبعا انتم لما تقروا النوتة ادعولى عشان حاتقروها على الجاهز لكن انا تعبت كتير فى المتاهة دى
من اهم الحاجات اللى تاخد بالك منها فى اللحن ده السرعات كمان يعنى من بطىء لسريع لبطىء تانى وفجأة
طبعا انا كاتب السرعات كلها يعنى مش سايب حاجة , طبعا تدوين اللحن ده انجاز انا افتخر بيه لأن مش اى حد يقدر يكتبه بس هو كان فيه عندى ميزة انا شخصيا انى حافظه صم يعنى حتى النفس وده الحمد لله خدمنى كتير
يعنى قلل المجهود شوية طبعا هم عزفوه قبل ما اعزف مع الماسية بفترة
اتمنى ان تسعدوا بالنوتة دى مع اطيب تحياتى