يا رُوح ما بًعدك روح

[سعدالشرقاوى]

‫ظٹط§ط±ظˆط* ظ…ط§ ط¨ط¹ط¯ظƒ ط±ظˆط* ط³ط¹ط¯ط§ظ„ط´ط±ظ‚ط§ظˆظ‰‬â€ژ - YouTube

(ياروح ما بعدك روح)

كان نفسى اقول كلمتين خليك شاهد يازمان

والناس خلاص ابتدت تصحى من التوهان

لو حدْ يعرف نصــــيب الطفل يوم ما اتولد

ح ييجي يوم ع البلد و تسامح الاخـــوان

,,,

ما كانتش ثورة دى كانت حركة شعبيّة

جمعت أملها ف وزارة أمــــــن وطنيّة

سقف المطالب عِلي لمّا المخطط سَمحْ

والسجن بابه انفتح بإرادة شخصــــيّه

,,,

والأمن يومها انسحب خللا الطريق مفتوح

والعدل صابه العطب راح كل شئ مسموح

والفرصة جات للعويل يحـْــــــكم ويتحكــّم

ويقول مثل كالعسل ياروح ما بعدك روح

,,,

القسْم لمّا اتحرق هــــــــرب السلاح منـّـُه

وخد معاه الورق يمكن يخــــــــــيب ظنـّه

وساب شهيد الميدان مش دارى بالحاصل

وراح يـــــواصل ما شافـُه أو سأل عنـّـُه

,,,

بدأ الكلام فى النفاذ وارتفعت المـــــوجه

واللىّ اعتلى ضهرها هربان من الهوجه

نزل فى غاطس غويط جرْ البـــــلد ويّاه

شادد جبال من وراه والدّفـّه معـــووجه

,,,

وبكرة لونه إنطفى ونهارنا مش مضمون

لمّا الدولار اختفى راح كل شئ بالــــبون

وزرعنا غيط المودّة بشجرة الأحــــــزان

وقطعنا طرف اللسان عشان اللى غالى يهون

,,,

خدنا عصير الوعود فاكرينه تحــــــويطة

ودهنـّا وش الحدود ما فاضلش ولا حيطه

وحجبنا فجر التاريخ لمّا استباحنا الزمم

واختارنا شرْ الأمم ويّانا فى خـــــريطة

,,,

كان كل شئ ملكنا وما كانش لينا شـــريك

جالنا اللىّ باع أرضنا بعد اللىّ قال يا فكيك

ملعون أبوها الحــياة لو اللىّ خان يؤتمن

ويغور نظام الوطن لو يوم رفض يحميك

,,,

عدّاالنهاريا وطن والشمس مكسوفة
والحِسْبة متلخبطه ما عادتش معروفة
والضوء خلاص اتحجب واتخبىّ وشْ السما
يا إمّا صابنا العمى يا الدنيا مســقوفة

,,,

يا قطر طافى النور مشطوط ع القضــبان

والسكة فيها بحور ما لهاش معاك عنوان

فى ايديك تهـــدّى وتحمي الرّحلة وتعدّى

يا تقول تحـــدّي وتجري تــْغرّق الأوطان

,,,

يامصـــــــر حَبْس الكلام بيشق فى ضلوعى

ما اقدرش اعيش منضام واتحدّى فى دموعى

لو جيت ح اقاوم بكلـــــــــــــمة حق يابلادى

وان غبت يوم نصرتك موعد مع رجـــوعي