كلمات أغاني فايزة أحمد

[ليلى ابو مدين]

وقدرت تهجر

***********

وقدرت تهجر!!.. يا قلبك
و قدرت تهجر!!..يا بختك
و نسيت حياتي .. و سنين حياتي ... و قدرت تهرب ....... من ذكرياتي
روحي انا ... ليه بس انا
ما قدرتش انسى يوم ولا ساعة هنا
و بيلوموني ... ويقولوا لي... ليه
ما اعملش زيك و انسى حبك ليه
هو اللي حبك و شاف حلاوتك
حينسى ايه بس ولا ايه
..
اللي بيلوموا عليا و يقولوا لي انسى حبك
يعرفوا ايه عن حياتي اللي دابت حب جنبك
ايامي كانت لها الف معنى ... دنيا و مرسومة احلام
ما كانتش دنيا دي كانت جنة ... و الحب كان هو الرسام
..
كنت اشوف الورد بيفتح بحب .. بين ايديا
كنت اقول عالشمس بتروح تحب.. في دنيا تانية
كانوا كل الناس عرايس لابسة حب و رايحة جاية
كان ساعات الود ودي من هنا اللي فيا
عايز افرق منه للدنيا علشان ده كتير عليا
..روحي انا ..ليه بس انا ..ما قدرتش انسى يوم ولا ساعة هنا
................
اللي حبوا و قدروا ينسوا.... قدروا ينسوا ازاي و ليه
ده انت غايب بس حبك.. ليل نهار باتغنى بيه
و اللي يهوى الحلو لازم يرضى بالمر اللي فيه
..
انساك ازاي ... ازاي انساك .. ازاي انساك... ازاي
ده انا لو قلبي ينساك ..... العين ما بتخبيش
و عنيا لو تنساك ... الفكر ما يسيبنيش
و الفكر لو ينساك .... الشوق ما يطاوعنيش
و الشوق لو كان يطاوعني..... حبك ما يرحمنيش
.................
روحي انا....
............
مش بايدي يا حبيبي انسى حبك ... يا حبيبي مش بايدي
ياما قلت انساك و الاقي الصبر بيقول .... مش بايدي
ساعات .. بياخدني الفكر و اروح لبعيد
و اخاف ليكون في حياتك حب جديد
و انا اخاف ليه

و اخاف من ايه
ده احنا حبينا حبينا... و الشوق ياما عمل الشوق فينا
كلمة يا حبيبي اقولهالك كانت تملا الدنيا تعلينا
كلمة يا حبيبي تقولهالي.. كانوا العشاق يحلفوا بينا
....
كل ده افتكره و اقول ... اقول انا اقول
راجع.. حبيبي راجع راجع
و حترجع تاني ليالينا
تعالى تعالى .. اسمع يوم دقة قلبي
و هي بتقول لك انا ... انا عايزاك
...
روحي انا...