احبائى
اقدم لكم للفنان احمد سامى
ياحب ليه الظلم ده
والفنان احمد سامى كان مشهور اوى فى اوائل الستينيات
بس كان اقل شهرة من الفنانين الكبار لسبب قالوا انه طويل اوى والفنان لازم يكون متوسط الطول وجسمه مش ضخم , بس دى اعتقد انها مش ظاهرة عامة بمعنى ان محمد قنديل مثلا كان تخين بس له جمهور كبير جدا لحد الآن
هى تقدر تقول حظوظ .. يعنى انا من وجهة نظرى احمد سامى عنده قدرة غناية اد معظم المشاهير دلوقتى 500 مرة
احمد سامى انا حضرته طبعا وعزفت معاه بس فى تسجيلات اذاعية يعنى احيانا كان بيسحل اغانى على الفرقة الماسية
لكن من الحاجات الطريفة اللى اذكرها له انه كان طول عمره موظف فى ادارة مرور القاهرة اللى فى ميدان العتبة ,, وكان بيخدم كل الفنانين فى مشاكل المخالفات ... يعنى فيه مشكلة خطيرة كانت بتقابلنا طول عمرنا يعنى لما بكون حفلة بالطبع بتكون زحمة مفيش اماكن كافية للإنتظار .. الفنانين الغلابة زى حالاتى كنت الاكن سيارتى فى مكحان بعديد وامشى ممكن نص كيلو متلا وبالذات فى وسط البلد زى سينما قصر النيل مثلا .. لكن الفنانين الكبار زى احمد فؤاد حسن مثلا كان بركن قدام باب السينما يرمى العربية فى اى حتة .. بالطبع ييجى عسكرى المرور مايعرفش دى عربية مين وياخدها مخالفة ركن فى الممنوع .. وشوف كام حفلة فى السنة بكام مخالفة .. بالطبع كان احمد سامى بيخلص هم له ... عندنا فى مصر كمان اظرف دولة فى العالم فى المخالفات المروية .. يعنى ييجى واحد من المتعودين على المخالفات يعمل مخالفة ويشوف العسكرى كتب النمرة ولن النمرة فى دفتر المخالفات ما ينفعش تتشطب .. ييجى اللى عمل المخالفة يدى للعسكرى المعلوم يروح العسكرى مغير فلا النمرة يعنى صفر يعملها واحد او خمسة يعملها تسعة ... ييجى واحد غلبان ممكن كان مسافر طول السنة ورافع العربية فى الحجاراج يلاقى عليه شوية مخالفات حلوين يعنى ... والاظرف اكتر المخالفات الجديدة اللى اخترعها المغفور له حبيب العادلى واللى اخد عليها خمس سنين سجن بتاعة ت و ر 354 او ك ل ب 453 المشكلة ان عساكر المرور مش واخدين يقروا الحروف دى بسرعة لن معظمهم ضعاف فى العربى شوية وممكن كمان النمرة ييجى عليها اى بقعة من الشارع ف حر ظ يتقرى ط وحاجات زى دى وكانت النتيجة انا عمرى خلال 40 سنة اخدت مخالفة واحدة
طلع عليا السنة اللى فاتت 865 جنيه علما بإنى من ساعة الثورة مش بتحرك بالعربية غير بروح مصر الجديدة مرتين فى الشهر وماشفتش عسكرى واحد فى الشارع طب ازاى ؟؟؟؟؟؟؟؟؟ معرفش ( مع الاعتذار للفنان فؤاد المهندس )
مع اطيب تحياتى
رد: طلبات نوتة أ / عادل صموئيل الجزء الثانى
العرض الشجري