رد: طلبات نوتة أ / عادل صموئيل الجزء الثانى
احبائى
واحنا ايام الفرقة الماسية كانوا معجبين اوى بعمار الشريعى وقالوا عنه ان ده مثال الفنان الموهوب بجد
وانا مرة شفت فى برنامج تليفزيونى عمار الشريعى بيشرح للمتفرجين ازاى يستعملوا احدث جهازين
الجهاز الاول كاميرا فيديو احدث واصغر حاجة وبيشرحها ويعلمك مميزاتها كانه شايف بالظبط
والجهاز الثانى احدث جهاز تسجيل اليكترونى دقيق الصنع وعمال يشرح لك الازرار حسيت انى انا ضئيل جدا يعنى انا مبصر بس مش فاهم الاجهزة دى زيه
وفى الكاميرا عمال يشرح لك ازاى تضبط الكادر والفوكس والإضائة يعنى اى واحد مش عارف انه كفيف كان حا يفتكره من المبصرين
ودى موهبة او حاسة زيادة الله بيعطيها للى ناقص حاسة .. يعنى كان بيعرف مين جاى عليه من خطواته او يقول لك ازيك ياعادل من غير ماحد يقول لو ان عادل قدامك
رحم الله عمار الشريعى ... ورحم الله الفنانين ... ورحم الله الشعب المصرى من اللى بيحصل له
مع اطيب تحياتى
|
العرض الشجري