مقام الحجاز - ايه حكايته ؟
صباح الفل
استفساري ( أو استفساراتي ) عن مقام الحجاز
الحاجة الوحيدة اللي انا متأكد منها مع المقام دا ان اصل درجة ركوزه علي الري
و اللي خلاني استفسر ان فيه اختلافات في جنس الجذع !
انا كنت فاكر نفسي اعرفه , بس واضح ان فيه مشاكل لازم نحلها مع عيلته
ايه الصح في الكلام دا ؟
و اللي مش صح في دول اسمه ايه ؟ عشان نتعرف عليه !
المقام زي ما لقيته في كتب مختلفة
1
وجدت في كتاب .. مقام الحجاز كالتالي
ري – مي بيمول – فا دييز – صول – لا – سي بيمول – دو – ري
و مكتوب
جنس الجذع حجاز علي الري + و جنس الفرع نهاوند علي الصول
( جنس االفرع كدة متصل )
غلطان انا كدة ؟
2
لقيت في كتاب تاني
مقام الحجاز كالتالي
ري – مي بيمول – فا دييز – صول – لا – سي كاربيمول – دو دييز – ري
قسموهم براحتكم
جنس اصل حجاز علي ري / جنس فرع ..... علي لا( اكمل )
و لا يكون جنس الفرع راست متصل علي الصول ؟
3
لقيت في كتاب تالت التالي
قالك ايه بقي ؟
يتكون من جنسين متصلين
جنس الاصل حجاز علي الري .. بس استني كدة ؟
( الجنس مكتوب كدة : ري – مي كاربيمول – فا دييز – صول )
(لو دا مش جنس حجاز يبقي جنس ..... ؟ ( اكمل )
جنس الفرع بقي راست علي مين ؟ الصول !! ما هو متصل ( الرحمة )
جنس الفرع راست علي الصول : صول – لا – سي كاربيمول – دو – ري
المقام بالكامل : ري – مي كاربيمول – فا دييز –صول – لا – سي كاربيمول – دو – ري
الجنس الاصلي دا ايه ؟ مين ؟ مين مي كاربيمول دا في جنس الحجاز ؟
4
مقام الحجاز اصله علي درجة الدوكا ( الري )
جنس الاصل حجاز علي الدوكا ( ري ) : ري – مي بيمول – فا دييز – صول
جنس الفرع حجاز علي الحسيني ( لا ) : لا – سي بيمول – دو دييز – ري
( سلس و ابن حلال .. بس حجاز دا ؟ )
الحجاز كار اعرف ان الجنسين حجاز بس علي الراست .. دا بقي اسمه ايه ؟ حجاز علي الري .
تصوير و خلاص يعني ؟ ولا اسمه ايه ؟ يكون دا الشاهناز و انا معرفش ؟
رجاء الافادة من متخصصين الموسيقي العربي و الشرقي و المتبحرين في عالم المقامات
تحياتي للجميع
التعديل الأخير تم بواسطة : guest بتاريخ 05/10/2012 الساعة 20h36
|
العرض الشجري