عيش وكرامة وحرية

**محمد الشافعى احمد** · #1 31/05/2012, 16h26

احبائى اعضاء سماعى
فى هذه الاوقات التى يتقررفيها مصير الوطن لسنوات
يعلمعا الله , احب ان اذكر الجميع بالاهداف التى قامت
من اجلها الثورة المصرية
تحياتى للجميع

UUUUUUUUUUUUUUUUUUUUUUUU

عيش وكرامة وحرية

عيش وكرامة وحرية .. ويا عدالة اجتماعية
هى مطالب مشروعة .. تحمى الراية المرفوعة
باسم الثورة الشعبية
العيش حلال .. والملح عال .. والرزق فوقنا وجنبنا
لكن يعيد .. اسوار حديد .. وازاى نحقق حلمنا
لازم تزول .. مهما يطول .. ليلنا ما يغلب صبرنا
وفى الطريق .. نختار صديق .. ونشيل شيلتنا كلنا
وتلمنا لقمة هنية
جيل بعد جيل .. مشوار طويل .. عشنا بكرامة منصورين
نحمل سلاح .. ونخوض كفاح .. ضد الغزاة والمعتدين
اصل الكرامة .. معنى وعلامة .. لو عشت مرفوع الجبين
ترمى السلام .. والابتسام .. تمسح دموع المحرومين
تهدى الوطن اغلى هدية
الحرية بتجرى فى دمى .. هى ابويا واخويا وعمى
وابنى متربى عليها .. وهمها همه وهمى
حرية تحميها القلوب .. من الانتهازى والكذوب
من اللى مش عايز يتوب .. نخاف عليها ونسمى
فى كل قرية مصرية
توب العدالة الاجتماعية .. حرير فى حرير
الكل منه راح يلبس .. ولا حد يغير
نتعب كتير .. نعرق كتير .. ان كان غنى او كان فقير
الخير يزيد .. ومش بعيد .. نغزو الفضا ولا نصير
بالعلم دولة عصرية

UUUUUUUUUUUUUUUUUUUUUUUU