(قبل ما أموت)
سعدالشرقاوى
فى كل يــــوم ياولد بنلاقى فى الاخـــبار
موت اقتصاد البلد وزيادة فى الاســــعار
احزاب مع ائتلافات اضراب مع اعتصامات
داخلين على انتخابات علشان تولــّع نار
,,,,,,,,
مغصوب على حبّــكم لكن كارهكم موت
لانافقت من أجلــكم ولاكان دوايا سكوت
مجلس مؤقــت يهـــدْ الثــورة على راسنا
ويبيع فى ناسنا عشان خاطر واحد هلفوت
,,,,,,,
مين عيّـنك ياشرف واللعبة مكـْــشُوفه ؟
زعـْزعت أمن القرف والشرطة مكسوفه
اظهر وبان يامشير واشــهد على كيــفك
واحصد بســيفك بواقى زرعـَـه مهفوفه
,,,,,,
نقـْفل ستار المُحاكمه ونفتحـُــه انتخابات
وقضيّه الوقت حاكمه تودّينا ف متاهات
ارفــــض واقــبل نظام الفردى والقايـْمه
والفتنه نايمه عشان تصحى على الاشاعات
,,,,,,,
احسن وسيلة خراب فى البرّ مالها حدود
يتـْـنـفــّذ الانتخاب والامن مش موجـــود
والشعب كبـْش الفـــدا والحكم يتـْورّث
وتجيـبلى ريّس واعوانه يكونوا يهُـود
,,,,,,,
راس المثلث جرت والقاعــده مقـْـلوبه
والعُــقـْد لحظه انفرط والعزّه مسـْـلوبه
ياشعب كلـّه حوار ع السّلطه ليل ونهار
ملعون أبو الاحرار والدّولة منـْـهوبه
,,,,,,,
ايه اللىّ نابك بدون وقفه وعلـْو الصّوت
ياللىّ انت عايش تقول أزمه وبكره تفوت
وازّاى وعـُـــودك مــع الايام حاتــْنولها
كلمه وباقولها ياريت تسمعْها قبل ما اموت
,,,,,,,
ازّاى حا اعيش يابلد والعمر مش فيدى
ماقدرش اقول للجبان والندل ياســيدى
آخـــر كلامى وبعـْــده الشنــْق يادنيا
مادمتى فانيه حاشوف الموت فى يوم عيدى
,,,,,,,
اعذرنى يامحْــترم عـلى عـهـْد أيّامى
ماسـْكتــْش زىّ الصنم والخيبه قدّامى
لو كلمة الحق راح تنهى بقيت عمرى
حاتوضىّ بدرى وانام مستنىّ اعدامى
,,,,,,,,
قبل ما أموت
العرض الشجري