ماعادش هواكى شئ يِمكِنى كِتمانُه
يا فرحة عمر عاش بِيدَارى أحزانُه
و بعد اليأس من ضِحْكة
و بَعد ما طالت السِكة
على شطك رجع قلبى لأوطانه
و لا عُمْرُه حِلِمْ يرجع
و لا كان يوم فى حُسْبِانه
و بعد الزيف و نار غِشه
و بعد الطير ما لَقَى عِشه
و داب من مُرْ هِجرَانه
و بعد ما حس بالفرحة
غيطان طارحة
مايقدر يوم يدارى الشوق
شواهده برضه بيبانو
***
ماعادش هواكى يتدارى
ما عادش هواكى شئ يِمْكِنى نُكرانه
لما بتشوفك عيونى
بتُحضُنِك تِقْفِل رِمُوشْها
خايفة عنِك يبعدونى
خايفة أى شئ يحوشها
يفضل الطيف كحل عينى
و أنت مالى عنيكى خوفها
مِ الهوى لما يشوفونى
ولا لما الناس تشوفها
بس أنا ودَّعت خوفى
حتى بصى حتى شوفى
قلبى بيدق بغرامك
صوتى بيردد كلامك
و إنتِ لسة عيونك الحلوة
بتهرب من كُسوفها
مستحيل هاتدارى حُبك
مستحيل الكلمة تهرب من حُرُوفها
و النهار أيه لو هِرب من صافى نُورُه
و الكتاب من غير سُطوره
يبقى عمرى بدون هواكِ
زى زهر بدون عطوره
زى كلمة بدون حروفها
و إنتِ لسة عيونك الحلوة
بتهرب من كسوفها
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
ودَّعت خوفى
العرض الشجري