لسة ناوى ع الرحيل؟
و بقساوتك تجرح الحلم الجميل؟
خد قرارك يا حبيبى
و أهجر القلب اللى حبك
و اللى راضى بالقليل
دارى عينك من عيونى
و إجرى منى و إستخبى
سيبنى للوحدة و شجونى
بس فكر تانى حبة
أسئلة كتير عذبونى
ليه تضَحِّى بالأحبة؟
فِكرة السفر الغريبة
تِفْتِكر مالهاش بديل؟
يا حبيبى ...
بعد ما قلبى إبتدا يرتاح لقربك
بعد عمرى ما إبتدا من يوم ما حَبَك
تفتكر محتاج دليل؟
بص للشوق بين عيونى
رعشة الإيد بين إيديك
تلقى صورتك بين جفونى
و الفؤاد ملهوف عليك
تفتكر تقدر بدونى
تِهْنى بالأحلام عنيك؟
الحياة رحلة و مشيناها سوا
و اللى هوِّن مرها هو الهوى
كان فرَحنا و كان مرَحنا
و هوه برضه اللى جرَحنا
و برضه كان هوه الدوا
كنت راضى بنظرة منك رغم بعدك
ما أفتكرش الدنيا تسوى حاجة بعدك
يكفى قلبى تبقى بس قصاد عنيَّا
حتى لو مش هاقدر أقطف حلو وردك
إبتسامتك كات بتملا يومى فرحة
كات تداوى أىكلمة بايخة جارحة
وتحيتك فى كل يوم تسعد حياتى
تخلِّى أيامى مسامحة
بس ليه تخلِّى حياتى تبقى ليل
و الليالى يبقى ساكن فيها ويل
لما تختار الرحيل
تفتكر إن السعادة فى السفر؟
و لا السفر مالهوش بديل؟
تفتكر عهد الهوى ولَّىَ و جَبَرْ؟
والهوى هان و إنكسر؟
بإختيارك للرحيل
بس خليك بس عارف
قلبى حتى لو إنكسر
برضه راضى بالقليل
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
لسة ناوى ع الرحيل
العرض الشجري